निशाका धेरै प्लानहरु

फिल्म स्टडीका लागि दुई महिना अघिल्तिर अमेरिका उडेकी ‘फष्टलभ’की नायिका निशा अधिकारी अस्ति मात्रै नेपाल फर्किएकी छिन् । यसैबिच उपत्यकाको एक फिल्महलमा भेटिएकी निशाले अहिलेसम्म आफुलाई आफ्ना कुनै समकक्षी र चलचित्रकर्मीहरुको फोन नआएको कुरा बताईन् ।आगामी योजनाहरुको बारेमा हामीले प्रश्न राख्दा निशाले भनिन्, ‘अबका प्लानहरु त धेरै छन् तर सबै तपाईलाई भन्दा पछि पुरा भएन भने के गर्नु’?बिदेशी सिनेमाहरुबाट धेरै कुराहरु सिकेर आएको छु, त्यसलाई सकेसम्म यहाँ प्रयोग गर्ने कोशिस गर्छु,’। बिदेशमा सिनेमा क्षेत्रलाई जुन महत्वका साथ हेरिन्छ नेपाली सिनेमाको स्थिति पनि त्यहि अवस्थामा पुगोस् भन्ने चाहना राख्ने निशा अब नेपालमै रहेर बाँकी फिल्मी यात्रामा लाग्ने सोचमा छिन् ।सिमोस सुनुवार निर्देशित ‘मिसन पैसा’बाट नेपाली रजतपटमा पाईला टेकेकी निशा त्यसपश्यात् ‘नेना रेशम’ र ‘फष्टलभ’ जस्ता सिनेमामा नायिकाको रुपमा देखापरिन् ।
निशालाई आगामी फिल्मी यात्राका लागि हाम्रो शुभकामना ।।

0 comments:

Post a Comment