कलाकारहरुलाई होलीको रन्को

रंगहरुको पर्व फागु पुर्णिमाले सबै माँझ एक खालको उत्साह लिएर आएको छ । नेपाली सिने क्षेत्रका कलाकारहरु पनि यस पर्वलाई लिएर उत्साहित देखिन्छन् । भोलिको होलीमा रंगहरुको गोली सँगै माया, प्रेम र सद्भावको बोलीले आफ्ना साथीसँगीहरुलाई साथ दिन प्रायजसो सिनेकर्मीहरु आतुर देखिन्छन् । यहि संदर्भमा ‘भोलिको होली योजना के छ त’, भन्ने हाम्रो कौतुहलतामा केहि कलाकारहरु यसो भन्छन् ।
राजेश हमाल, नायकम यतिबेला जापानको भ्रमण सकेर बैङ्ककमा छु । यो बर्षको होली यतै खेलिन्छ । यँहा रहेका साथीहरुसँग रमाईलो गर्नुपर्ला । यहि नजिक सामुद्रिक किनारमा गएर होली खेल्छु । रमाईलो कुरा के भने, यसपालि म हाफ पाईन्ट र गन्जीमा होली खेल्ने सुरमा छु । यो बेला नेपालको होलीलाई मैले पक्कै मिस गर्नेछु । आईतबार तिर म स्वदेश फर्कन्छु होला ।

करिश्मा मानन्धर, नायिकाभोलिको होलीलाई लिएर म निकै उत्साहित छु । नायिका रेखा थापा र म मिलेर नेपाली चलचित्र क्षेत्रका चर्चित ब्यक्तित्वहरुलाई होलीको निम्तो पठाईसकेका छौं । बिहान १० बजेदेखि रमाईलो सँग होली खेल्ने योजना छ । बिभिन्न एफ.एम र टिभी च्यानलहरुबाट पनि होली खेल्ने निम्तो आएका थिए तर हामीले पहिले नै यो तयारी गरेका भएर त्यतातिर समय दिन सकिन्न होला ।

आर्यन सिग्देल, नायकभोलि पनि मेरो सुटिँग परेका हुनाले होली त्यति बिशेष त नहोला । तै पनि ‘आई एम सरी’को सुटिँग युनिट सँगै रंगहरु दलेर र माया, प्रेम बाँडेर होली खेलिन्छ । यसैपनि मलाई होलीमा पानीको गोली हानेको पटक्कै मन पर्दैन ।

नम्रता श्रेष्ठ, नायिकामेरो होलीको योजना अहिले सम्म फिक्स भैसकेको छैन । साथीहरु भ्याली बाहिर जाने र उतै रमाईलो गर्ने पनि भन्दैछन् । बाहिर गएँ भने गैहालेँ, हैन भने यतै रमाईलो गर्नुपर्ला । ‘एभिन्युज’ र ‘हिमालयन’ टेलिभिजनबाट पनि होली खेल्ने निम्तो आएको छ । नभए आफ्नै रेष्टँुरा एटिक तिरै रमाईलो गरेर ओली खेल्छु ।

अनुप बराल, कलाकार
मेरो भोलिको होली बिभिन्न रँगकर्मीहरुका साथ बित्नेछ । हाम्रो स्टुडियोबाट ‘कान्तिपुर टेलिभिजन’ हुँदै अन्य ठाउँहरुमा साथीभाइहरु सँगै घुम्दै जाने योजना बनाएका छौं । एक आपसमा रंग दलेर, नाचगान गरेर होली खेलिन्छ । साथै गुरुकुलमा पनि त्यहाँका रंगकलाकारहरु सँगै रमाईलो गर्ने कुरा छ ।

0 comments:

Post a Comment