फिल्मको प्रचारमा पोष्टर बन्द

कर्ण शाक्यको परिकल्पना, कथा पटकथा, सम्बाद र लेखनमा निर्माण भएको सिनेमा 'पल'ले आफ्नो प्रचारप्रसारमा पोष्टरहरुलाई प्रयोगमा नल्याउने भएको छ । रमेश बुढाथोकी निर्देशित यस सिनेमा नेपाल जेसिसको सहभागितामा नेपाली राजनितिक, सामाजिक, आर्थिक र पारिवारिक परिवेशमा बनेको छ ।सार्वजनिक स्थलहरुमा पोष्टरहरु टाँस्दा शहर प्रदुषित हुने भएकाले 'पल' युनिटले सिनेमा प्रचार-प्रसारका निमित्त पोष्टरहरु नटाँस्ने नीति अपनाएको नायिका निशा अधिकारीले बताईन् । यद्यपी सिनेमाको प्रचार-प्रसार बिभिन्न पुस्तिकाहरुद्धारा गरिने बताईएको छ ।निशाका अतिरिक्त सिनेमामा राज बल्लभ कोइराला, तृप्ती नाडकर, रमेश बुढाथोकी, धिरेन शाक्य, अनुप बराल, महादेव त्रिपाठी,दिनेश डि.सी आदि कलाकारहरुको अभिनय रहेको छ । 'पल'लाई चलचित्र बिकास बोर्डले 'स्पेशल फिल्म एवार्ड' पनि प्रदान गरेको थियो । सिनेमाका गीतहरु किरण खरेलले लेखेका छन् भने सँगीत न्ह्यु बज्राचार्यले दिएका छन् ।