किन दिक्क छन् आलोक ?

थुप्रै म्युजिक भिडियोहरु निर्देशन गरे पश्यात् सिनेमा निर्देशनमा लागी ‘सानो संसार’ र ‘कोही मेरो’को निर्देशन गरेका आलोक नेम्वाङ्ग बिभिन्न संचारमाध्यममा आफ्नो सिनेमाका बिषयमा चलाईएको हल्लाका कारणले दिक्क भएको बताउछन् ।नेम्वाङ्ग निर्देशित ‘कोही मेरो’ले औषत ब्यापार गरेपनि संचारमाध्यमहरुमा असफल सिनेमा भनी प्रचारप्रसार गरिएकै कारणले उनी दिक्क भएका हुन् । त्यस्तै बिभिन्न संचारमाध्यमहरुमा कोही मेरोलाई असफल सिनेमाको दर्जा दिई आफुलाई प्रश्न सोध्ने गरेको कुरा पनि उनलाई पच्दैन । आलोक भन्छन्‘मेरो फिल्म असफल भएकै छैन,यहाँ दशलाख कमाउने फिल्मलाई सफल मानिन्छ ,कोही मेरोले औषत ब्यापार गरेको हो तर पनि किन त्यसलाई असफल भनिन्छ ?’हामीसँगको कुराकानीमा आफुलाई मुड चलेको खण्डमा सिनेमा निर्देशन गर्ने कुरा उनले बताए । ‘सानो संसार’ निर्देशन पछि केहि ग्याप राखेका नेम्वाङ्ग आगामी प्रोजेक्टका लागि पनि केहि ग्याप राख्न चाहन्छन् । उनी अहिले म्युजिक भिडियोहरुकै निर्देशनमा ब्यस्त देखिन्छन् ।