रिमेक सिनेमा 'चिनो'ले नेपाली सिनेमाको ब्यापारमा केही उत्साहको वातावरण सिर्जना गरिदिएको छ । धमाधम सिनेमाहरु फ्लप भैरहेको बेला शोभित बस्नेत निर्देशित यो फिल्मले भने मध्यम पिकअप लियो र वितरक डीसीएनको बक्सअफिसमा पहिलो साता साठी लाख रुपैंया ग्रस कलेक्सन गर्यो । पछिल्ला तीनदिनको तुलनामा अघिल्ला चारदिनमा चिनोको पिकअप उत्साहपूर्ण रह्यो ।कमजोर रिभ्यू बटुलेपनि नेपाली चलचित्रका नियमित दर्शकले सिनेमा रुचाएका छन् । अर्को साताका लागि होल्डओभर कायम गरेपनि शुक्रबारदेखि प्रदर्शनमा आएको बिराज भट्ट स्टारर 'गंगाजल'ले चिनोको पिकअपमा बाधा पुर् याइरहेको प्रष्ट देखिएको छ । अघिल्लो साताजस्तो पिकअप दोस्रो सातामा हुनसकिरहेको छैन । डीसीएन वितरण प्रमुख दीपक दंगालका अनुसार प्रमोद भण्डारी निर्देशित 'गंगाजल'ले उपत्यकामा औषत पिकअप लिइरहेको छ ।अघिल्लो शुक्रबारसम्म 'गोर्खापल्टन'को कुल ग्रस २ करोड २८ लाख पुगेको छ । 'गोर्खापल्टन' अहिलेपनि राजधानीका केही सिनेमा घरहरुमा प्रदर्शन भैरहेको छ । पुनःनिर्माणपछि प्रदर्शन थालेको कालोपुलस्थित हीरारत्न हलले प्रशान्त तामाङ अभिनित चलचित्र चलाएको छ । चलचित्र वितरक तथा समीक्षकहरु कुनै सिनेमाले केही आम्दानी गर् यो भन्दैमा उद्योगको व्यावसायिक संकट नहटेको बताउँछन् ।
0 comments:
Post a Comment