अभिनेत्री मनिषा कोइरालाले नेपाली चलचित्र 'धर्मा'पछि आइतबार औपचारिक रुपमा बलिउड कमब्याक गरेकी छिन् । यूपी अध्यक्ष तथा बीएसपी सुप्रीमो मायावतीको जीवनकथामाथि निर्माण हुने प्रोजेक्टमा मनीषाले साइन गरेकी छिन् । देहरादूनका योगराज सैनी निर्माता रहेको प्रोजेक्टमार्फत मनीषा भारतीय चलचित्रमा फर्किएकी हुन् । निर्देशन पनि देहरादूनका नवनीत कौशिकले गर्नेछन् ।चलचित्रमा शक्ति कपुर र झाँसीकी रानीको भूमिकाबाट प्रसिद्ध उल्का गुप्तापनि देखापर्नेछन् । उल्काले मायाको बाल्यकालको भूमिका निर्वाह गर्नेछिन् । निर्माता सैनीका अनुसार चलचित्र मायावतीबारे नभई उनको जीवन र संघर्षमा आधारित हुने बताए । आफू मायावतीबाट निकै प्रेरित रहेको पनि उनले बताए । उनको यो फिल्ममा यस्ती एक दलित महिलाको कथा हुनेछ जसले पुरा जीवन संघर्षमा बिताउनेछिन् ।चलचित्र मायावतीको कथामा कुन अर्थमा भिन्न छ भनेर सोधिएको प्रश्नमा सैनीले भने 'फिल्ममा ती युवती एकदिन प्रधानमन्त्री बन्नेछिन् ।' उनै योगराज बीएसपीको टिकटमा बिधायक चुनावमा पराजित भैसकेका छन् । यसबारे मनीषासँग सोध्दा उनले पनि आफ्ना स्वकिय सचिवले योगराजसँग एकवर्ष पहिले नै कुरा गरिसकेको बताइन् । स्क्रिप्ट पढिसकेपछि मनीषाले रोलका लागि तयारी गर्नेछिन् ।
0 comments:
Post a Comment