ऋचाको जवानी !

टसन लुक देखिने अभिनेत्री ऋचा घिमिरेको धोको पुरा होलाजस्तो छ । डेढमहिने युरोप घुमघामपछि दुब्लाउने उनको रहर मेटिने क्रममा छ ।मोटोपनसँग संघर्ष गरिरहेकी ऋचा बेलायतबाट ल्याएको हर्बल औषधी पिएर तौल घटाउन मिहेनत गरिरहेकी थिइन् । पछिल्लो महिनामात्र 'वीरताको चिनो' स्टार ऋचाको तौल ६ किलो घटेको छ । जारी प्रोजेक्ट 'तुलसी'को सुटिङका लागि पनि ऋचाले आफ्नो तौललाई घटाएर ५३ किलो पुर्‍याउनुपर्ने हुन्छ ।'मैले ६ किलो तौल घटाएँ । पुर्‍याउनुपर्ने ५३ किलो हो । आशा गरेअनुसार तौल घटिरहेको छ । प्लिज भगवान मलाई सहयोग गरिदिनुहोस' ऋचाले भगवानसँग सहयोग मागिरहेकी छिन् ।यसका लागि ऋचाले के मात्र गरिन्न ? मर्निङवाक, जगिङ, डाइटिङ सबै । तर उनको हर्वल औषधीले भने प्रभावकारी काम गरिरहेको रहेछ । उनको घट्दो तौलबाट श्रीमान पति शंकर लामिछाने पनि खुशि छन् । साँच्चिकै ऋचाको जवानी बढ्दो उमेरसँगै देखापरिरहेको छ ।