यतिबेला हिरोइन झरना थापा थक्थकी मानिरहेकी छिन् । सुटिङ भैरहेको चलचित्र 'संसार आफ्नै'मा उनी यति ब्यस्त भइन् कि आफैले अभिनय गरेको म्युजिक भिडियोको 'लन्चिङ सेरेमोनी' उनले छुटाइन् जसले झरनालाई थकथकी तुल्यायो । झरनाले खेलेको म्युजिक भिडियो लन्च हुने खबरले कार्यक्रममा पुगेका पत्रकार पनि लामो समय उनलाई कुरेर बसे । तर बीचमै आयोजकले झरना आउन नसक्ने बताइदिएपछि त्यसले सबैलाई निराश तुल्यायो ।सेरेमोनी सुरु भैसक्दा झरना थानकोटमा भैरहेको सुटिङमा ब्यस्त थिइन् । थानकोट र कलंकीको जाम छिचोलेर तुरुन्तै नयाँ वानेश्वर आउन पनि सम्भव थिएन । अन्ततः झरना बिनै म्युजिक भिडियो लन्च गरियो । 'आफैले त्यस्तो मिहेनत गरेको म्युजिक भिडियो लन्चिङमा जान नपाउँदा दुःख लागिरहेको छ' झरनाले भनिन् 'आइ मिस म्युजिक भिडियो ।' झरना नआएपछि मोडल तथा पत्रकार सुव्रत आचार्य र गायिका रेणु विष्ट आकर्षणको विन्दु बने ।फिचर फिल्मसँगै म्युजिक भिडियोमा पनि अभिनय गरिरहेकी झरनाको यो पाँचौ म्युजिक भिडियो हो । पत्रकारको जीवनमा आधारित उक्त भिडियोमा झरनाले पत्रकार पत्नीको भूमिका निर्वाह गरेकी छिन् । झरनालाई मात्र थक्थकी लागेन कि उनी नआउँदा थक्थकी मान्नेहरु धेरै भए कार्यक्रममा ।
0 comments:
Post a Comment