रेखा थापाले गरिन् सम्बन्ध विच्छेद

नायिका रेखा थापा र निर्देशक तथा उनका पति छवि ओझाबीच आज औपचारिक रुपमै सम्बन्ध विच्छेद भएको छ । १२ वर्षअघि विवाह बन्धनमा गाँसिएर यात्रा गर्दै आएका कलिउडका यी दम्पत्तिले आज औपचारिक रुपमै सम्बन्ध विच्छेदको घोषणा गरेका हुन् । उनीहरुले सम्बन्ध विच्छेद गर्ने क्रममा दुवै जना अत्यन्तै भावुक रहेको बताइएको छ । पति ओझाको कार्यालय नमस्ते नेपालमा सिने पत्रकार प्रकाश सुवेदीलाई साथमा राखेर उनीहरुले सम्बन्ध विच्छेदमा हस्ताक्षर गरेका थिए । हस्ताक्षर पछि नायिका रेखा थापाले छवि आफ्नो अभिभावक भएको र अब पनि अभिभावक नै रहने प्रतिक्रिया दिएकी थिइन् भने निर्देशक छवि ओझाले पनि रेखा थापालाई सँधै सहयोग गर्ने बताएका थिए । सम्बन्धविच्छेद पत्रमा हस्ताक्षर गर्दा सँगै रहेका पत्रकार सुवेदीका अनुसार उनीहरु सम्बन्धविच्छेद पछि एक अर्कालाई अंगालो मारेका थिए ।