को भन्दा को कम॥

मेरोसिनेमा काठमाडौं १९ माघ,
लोडसेडिङ्गको कारण घरको टिभी छोडेर सर्वसाधारण फिल्म हलतिर छिरिरहेको बेलामा फिल्मी पर्दाका चर्चित अनुहारहरु चैं टिभीका सिरियलतिर को भन्दा को कमको हिसाबले तछाड मछाड गरिरहेका छन् ।आजकाल हरेक हप्ता जसो हास्य सिरियलहरमा नेपाली चलचित्र फाँटका अनुहारहरुलाई दर्शकहरुले हेरिरहेका छन् । यि मध्ये केहिले आफ्नो चलचित्रको प्रोमोशनको लागि हास्य सिरियललाई माद्दम बनाईरहेका छन् भने केहिले हास्य सिरियल मै अभिनयलाई निरन्तरता दिईरहेका छन् । नायिका रेजिना उप्रेती हालै चर्चित हास्य सिरियल 'मेरी बाँस्सै'मा देखा परिन् जति बेला सिनेमा हलहरुमा ऊनीद्धारा अभिनित चलचित्र चिनो प्रदर्शन भैरहेको थियो । यता चलचित्र स्वरले राजधानी बाहिर आफ्नो प्रदर्शन प्रारम्भ गरेको अघिल्लो दिन स्वरकी नायिका केकी अधिकारी र नायक यशराज गरच हास्य सिरियल तितो सत्यमा देखिए ।यि त उदाहरण मात्रै हुन् । नेपाली चलचित्र क्षेत्रमा'राते काँइला'का उपनामले प्रख्याति पाएका खलनायक सुनिल थापा पनि केहि समय अगाडि मेरी बाँस्सैका धेरै भागमा देखा परे । त्यस्तै नरेश पौडेल भुवन केसी प्रशान्त तामाङ्ग केशव भट्टराई रेखा थापा पनि हास्य सिरियलहरुमा प्रस्तुत भैसकेका चलचित्रकर्मीहरु हुन् ।यि बाहेक सँचारकर्मी तथा निर्माता जयप्रकाश रिजाल गायकहरु हिमाल सागर धिरज राई भगवान भण्डारी भिजे जिपी तिम_िल्सना पनि भिन्न भिन्न रुपमा हास्यसिरियलहरुमा देखा परिसकेका छन् ।अब के भन्ने त हास्य सिरियलहरुमा देखा पर्नु चलचित्रकर्मीहरुको चाहना हो या स्वार्थ