रेखाका तीन अवतार !

दायाँ छेउको तस्विर हेर्दा लाग्छ असोज १६ को 'अन्दाज' रेखा थापाका लागि खास हुनेछ । अहिलेसम्म रेखालाई पृथक भूमिकामा हेर्दै आएका दर्शकले चलचित्र 'अन्दाज'बाट उनलाई नयाँ फ्लेवरमा पाउनेछन् । उज्वल घिमिरेले आफ्नो निर्देशकीय शैलीमा रेखालाई फरक पात्र र भूमिकामा खरो उतारेका छन् । रेखालाई तीन भूमिका र गेटअपमा पाइनेछ -पहिलो थकाली, दोस्रो मोर्डन गल्र्ज र तेस्रो हाउसवाइफ । भूमिकाअनुसार अभिनय र संवेदना पनि फरक हुने नै भए ।जोमसोमको प्रख्यात होटल ओमसोमकी संचालिका बनेर रेखा थकाली देखिएकी छिन् । थाकखोलाको ड्रेसमा रेखा घोडा हाँक्छिन्, स्याउ टोक्छिन् अनि आर्चरी प्रहार गर्छिन् । ठ्याम्मै थकाली ! अक्सिजन रित्तिएको रातो गालाजस्तो रेखाको डिम्पल हुनेछ । काली थकाली ठिटी आफूलाई मिस जोमसोम भन्न रुचाउँछे र ठिटाहरु उसलाई मिस जोमसोम भनेर छेडछाड गर्छन् ।एउटी अनाथ युवती जो हिट मोडल बन्ने सपना पालेर सहर पस्छे । फ्रयांक अनि सोसल भूमिकामा त्यो ठिटी मोडल बन्न थुप्रै गल्लीहरु नाप्छे । अनि अर्को भूमिकामा रेखा विशुद्ध गृहणी बनेकी छिन् । आकाशे सारीमा पोते, सिन्दुर र मिजासिली आनीबानीकी अर्की रेखा । यी त भए तीन भूमिकाको जानकारी । तर, फिल्ममा रेखा कतिवटा भूमिकामा देखिएकी छिन् त्यो जान्न रेखा दर्शकलाई असोज १६ सम्मको डेटलाइन तोक्छिन् ।जतिसुकै मोर्डन भएपनि पतिधर्म पालना गर्नुपर्छ । तर मान्छेको मन न हो' रेखाले सिनेमाको गुदी पहिल्याइन् 'पुरुष महिला र समाजबीचको दृष्टिकोण र सम्बन्धको जटिलता सिनेमाको सन्देश हो ।' अहिलेसम्म आफू अभिनित चलचित्रमध्ये 'अन्दाज' उत्कृष्ट र राम्रो बनेको उनी बताउँछिन् । 'फरक गेटअप र भूमिकामा उत्रिँदा निकै मिहेनत गर्नुपर्‍यो' रेखाको कथन छ 'कसले चोर्‍यो मेरो मन' ऐतिहासिक भएजस्तै 'अन्दाज' पनि ऐतिहासिक हुनेछ ।' सायदै हुनुपर्छ चुलबुले भूमिकामा खेल्ने गरेकी उनलाई बुहारी बनेर सामाजिक घेराभित्र बस्न निकै कठिन भयो रे । रेखाको अवतार हेर्न भने असोज मोफसलका दर्शकले असोज १६ र काठमाडौंकाले २० गते कुर्नुपर्छ ।