The Nepal Romania

रेखाको रिस

2012-02-24T07:18:00.001-08:00

फिल्म 'साथी म तिम्रो'को पत्रकार सम्मेलनमा अभिनेत्री रेखा थापाले भुवन केसीलाई 'थुप्रै शताब्दीदेखि क्रियाशील अभिनेता' भनेर व्याख्या गरिन्। रेखाको गल्ती सुनेर पत्रकार पंक्तिमा हाँसोको पर्रा छुट्यो।
पत्रकारको हाँसो सुनेपछि रेखाले 'किन हास्नु हुन्छ? मलाई सुन्न मन छैन भने बाहिर जानुस्,' भन्दै अंग्रेजीमा हप्काइन्। जब सञ्चारकर्मी सन्दीप सापकोटाले दशक र शताब्दीको अर्थ प्रष्ट पारे उनले थपिन्, 'म तपाईंसँग पछि कुरा गर्छु।'

भुवन निर्देशक बन्ने
अभिनेता भुवन केसीले अर्को फिल्ममा छोरा अनमोललाई मुख्य नायक बनाउने बताएका छन्। 'साथी म तिम्रो'मा छोटो भूमिकाबाट अभिनय थालेका अनमोललाई हिरो बनाएपछि आफू निर्देशनमा लाग्ने भुवनको मनसाय छ।

राजधानीमा बिहीबार आयोजित पत्रकार सम्मेलनमा भुवनले आफू निर्देशक र छोरो हिरो बन्ने फिल्मको स्क्रिप्ट लेखिरहेको जानकारी गराए। कार्यक्रममा उनले नराम्रा फिल्मले उद्योग बिगारेको औंल्याउँदै आफूले 'साथी म तिम्रो' राम्रो बनाएको दाबी गरे।

अभिनेत्री रेखा थापाले यो फिल्मबाट लोभ र विश्वास दुवै उब्जिएको चर्चा गरिन्। 'भुवन दाइको मेहनत दखेर प्रभावित भएकी छु। फिल्मलाई राम्रो पार्न उहाँ मरिमेटेर लाग्नु हुन्थ्यो,' उनले सुटिङको स्मरण गरिन्।
भुवनको अभिनयसँगै पत्रकारिता सुरु गरेका विजयरत्न तुलाधरले आशालाग्दो फिल्मको रूपमा 'साथी म तिम्रो'को चर्चा गरे।
अनमोलले चाहिँ फिल्मको कथासार सुनाए। फिल्मको प्रचारप्रसारमा बाबुसँग स्कुल कलेजमा पुगेको र राम्रो प्रतिक्रिया पाएको उनले बताए। कार्यक्रममा फिल्मका बालकलाकार शीर्षक सापकोटालाई प्रमुख अतिथि बनाइएको थियो। भुवन, रेखा, अनमोल, शीर्षक र विजयरत्नले अडियो सिडी विमोचन गरेका थिए।
फागुन १९ मा देशका ५० भन्दा बढी हलमा फिल्म रिलिज गरिने कार्यक्रममा जानकारी गराइयो। फिल्मका निर्देशक शिव रेग्मी हुन्। पितृशोकका कारण रेग्मी कार्यक्रममा उपस्थित थिएनन्।

दिलीपले भने -’सिनेमा बनाउँदा पैसा सकियो’

2012-02-14T08:58:00.001-08:00

नायक दिलिप रायमाझी सिनेमामा अभिनय गर्ने राम्रा कलाकार हुन् । तर उनी चलचित्र ‘मिस यु’ को रिलिज हुने दिन नजिकिँदै गर्दा चिन्तित देखिएका छन् । चलचित्रको रिलिज हुने दिन नजिकिँदै गर्दा आयोजना गरिएको पत्रकार सम्मेलनमा उनी खासै खुशी देखिएनन् ।निकै भावुक देखिएका यि नायकले भने -’सिनेमा बनाउँदा बनाउँदा पैसा नै सकियो । सिनेमामा अभिनय गर्न धेरै नै सजिलो रहेछ, तर सिनेमा बनाउन यो भन्दा धेरै नै गाह्रो ।’ उनले अगाडि भने -’सिनेमालाई फरक बनाउन पैसा लगानी गर्दै गएँ, तर सिनेमा बन्दा बन्दा गोजी रित्तिसकेछ थाहा नै भएन’ दिलीपको भनाई थियो ।

यही शुक्रबारदेखि प्रदर्शनमा आउन लागेको चलचित्र ‘मिस यु’ लाई दिलिप रायमाझीले लगानी गरेका हुन् । चलचित्रमा सुरेश दर्पण पोख्रेलको निर्देशन रहेको छ । चलचित्रमा दिलिप रायमाझी, नम्रता श्रेष्ठ र नव नायक बरुण राणाको अभिनय रहेको छ । कार्यक्रममा नायिका नम्रता र नायक बरुणको भने उपस्थिति थिएन । चलचित्रको प्रचारका लागि निर्माणपक्षले केही नयाँ उपाय अपनायो ।
पत्रकार सम्मेलनमा बिभिन्न क्षेत्रका चर्चित व्यक्तिहरुलाई अतिथिको रुपमा बोलाईएको थियो । कार्यक्रममा तेक्वान्दो खेलाडि संगीना वैद्य, सगरमाथा आरोही तेन्जिङ दोर्जे शेर्पा र अन्डर १९ महिला क्रिकेट टिमकी क्याप्टेन रुबिना श्रेत्रीलाई बोलाईएको थियो । उनीहरुले नायक दिलिप रायमाझीको दर्पणछायाँ सिनेमा हेरेको सम्झना गरेका थिए । कार्यक्रममा चलचित्रको अडियो विमोचन पनि गरिएको थियो । नेपाल र मलेसियामा छायांकन गरिएको यो सिनेमाबाट नायिका नम्रता श्रेष्ठ नेपाली सिनेमा क्षेत्रमा पुन आउँदैछिन् ।

चलचित्र काठमाडौंका मल्टिप्लेक्स हलका साथै देशका बिभिन्न ठाउँमा रिलिज हुनेछ । चलचित्र ‘मिस यु’ मा ६ वटा गीत रहेका छन् । यसरी नायकबाट निर्माता बनेका दिलिप रायमाझी सिनेमाबाट चिन्तित बनेको वुझ्न सकिन्छ । आशा गरौं दिलिपको यो चिन्ता सिनेमाको रिलिज पछि हट्नेछ ।

मेरो ब्वायफ्रेन्ड.....

2012-02-14T08:52:00.001-08:00

अभिनेत्री केकी अधिकारी

'ह्यापी भ्यालेन्टाइन' कसलाई भन्न चाहनुहुन्छ?
मेरा सबै साथीहरूलाई भन्छु।

तपाईलाई कतिको आउँछ भ्यालेन्टाइन्स डेको शुभकामना?
कहिल्यै गनेको छैन। फ्यान पेज, फेसबुक र एसएमएसहरू धेरै आउँछन्। सकेसम्म रिप्लाई पनि गरेकी छु।

भ्यालेन्टाइन्स डे कसरी मनाउँदैहुनुहुन्छ?
मैले अभिनय गरेको फिल्म 'आई एम सरी' चलिरहेको छ। सबै फिल्म युनिटसँग हेर्न जाँदैछु। विभिन्न हल पनि पुग्छु होला।

कोही भ्यालेन्टाइन भए, के उपहार दिनुहुन्छ?

भ्यालेन्टाइन्स डे भनेको प्रेमको पर्व हो। त्यसैले प्र्रेमलाई बुझाउन रातो गुलाफ नै राम्रो उपहार हुन्छ होला।

तपाईको 'आई एम सरी'लाई किन भ्यालेन्टाइन फिल्म भनिएको हो?
एकदम सही हो। फिल्म लभस्टोरीमा आधारित छ। फेरि भ्यालेन्टाइन डे पर्नेगरी फिल्म रिलिज भएको छ।

गर्लफ्रेन्ड नभएका केटाहरुलाई भ्यालेन्टाइन्स डे मनाउने तरिका के होला?
गलफ्रेन्ड बिना पनि भ्यालेन्टाइन्स डे मनाउन सकिन्छ। त्यसको लागि 'आई एम सरी' फिल्म हेर्न जान सक्नु हुन्छ।

भ्यालेन्टाइन डे मनाउँदा के हुन्छ, नमनाउँदा के हुन्छ?
माया बाँड्ने पर्व भएकोले मनाउँदा एक किसिमको आनन्द अनुभव होला। मनाउनै पर्छ भन्ने चाहिँ छैन।

तपाईको ड्रिम डेट?
बलिउड अभिनेता रणवीर कपुर।

आजकलको 'लभ' विश्वासलाग्दो हुँदैन भनिन्छ नि?
सबै मान्छेको लभ त्यस्तो हुँदैन। मान्छेमा भर पर्छ विश्वासलाग्दो वा नलाग्दो।

ग्रलफ्रेन्ड र ब्वाइफ्रेन्ड छिटोछिटो चेन्ज गर्ने चलन बढ्दो छ रे हो?
मैले पनि सुनेको हो। होला पनि। यो एकप्रकारको विकृति हो। राम्रोसँग नबुझेर सम्बन्ध बनाउँदा यस्तो हुन्छ।

कस्तो केटा मन पर्छ, कस्तो मन पर्दैन?
हेर्दा राम्रो होस्, बुद्धिमानी पनि। धेरै देखावटी गर्ने केटाहरूदेखि दिक्क लाग्छ।

कुनै केटा पहिलोपटक भेट्दा मन पर्‍यो भने के गर्नुहुन्छ?
तत्काल केही भन्दिनँ। घर आएर बहिनी मल्लिकालाई भन्छु।

अनलाइनमा नचिनेको केटासँग च्याट गर्नुहुन्छ?
प्रायः अपरिचित मानिससँग भेटघाट नै हुँदै। कुरा त परकै कुरा भयो।

चारपाँच वर्षदेखि तपाई हरेक वर्ष भ्यालेन्टाइन डेको शुभकामना दिने त्यस्तो कोही छ?
साथीहरू नै छन्। सबै साथीहरू मेरा लागि स्पेशल नै छन्।

केकीको ब्वाइफ्रेन्ड छ भन्ने हल्ला छ नि बजारमा?
आफ्नै आफन्तसँग हिँड्दा पनि गलत हल्ला चल्ने हुँदा म विश्वास गर्दिन। बरू अरूलाई पनि हल्लाको पछाडि नलाग्न आग्रह गर्छु।

आई.एम.सरीः वजेट महङ्गो, सिनेमा सस्तो

2012-02-12T09:30:00.000-08:00

अनायासै भेट भएकी युवती, र उसँग रहँदा-घुम्दा वसेको माया अनि विचमै टुटेको सम्वन्ध र टुटेको प्रेमलाई जोड्न गरिएका विभिन्न कसरतहरुले भरिएको चलचित्र आई.एम.सरी । शुक्रवारवाट देशभरका हलमा प्रदर्शनमा आएको चलचित्र आई.एम.सरीको सारसंक्षेप कथा वस्तु यही नै हो । प्रदर्शनको अगाडि खुवै चर्चा पाएको यो चलचित्रले प्रदर्शनपश्चात धेरै नै आलोचना भोगिरहेको छ । आईएमसरी के दर्शकले हेर्ने खालको छ त ? यसको अप्रेशन हामी यहा गर्दैछौ ।
चलचित्र आई.एम.सरी प्रदर्शन अगावै चर्चामा आएको थियो र यसको मुख्य कारण थियो, नायक आर्यन सिग्देल र नायिका केकी अधिकारीको जोडी । नेपाली सिनेमा उद्योगमा फरक धारका सिनेमा खेल्ने र अभिनय पनि राम्रै गर्ने मानिएका आर्यन र उदाउँदै गरेकी नायिका केकीको जोडीमा राम्रै दम छ भन्ने सोचेर नै
यसको चर्चा भएको हो । तर, चलचित्र हेरीसकेपछि दर्शकले पैसा असुल भएको अनुभूति गर्न नसक्ने अबस्था छैन् ।

अभिनयमा कमजोर
अभिनयको कुरा गर्दा यो चलचित्रका दुई मुख्य पात्र आर्यन र केकीसँग हामीले आई.एम.सरी भन्नै पर्छ । नायक आर्यन सिग्देल यो सिनेमाभित्र कत्ति पनि खुल्न सकेका छैनन् । उनको मुख त चलेको छ तर अनुहार र शरिर कत्तै पनि चलेको छैन । सिनेमाभित्र उनले गरेको अभिनय हेर्दा लाग्छ-उनी निक्कै दिक्क मानेर सिनेमा खेलीरहेका छन् । सिनेमामा आर्यनको कुनै कामै देख्न पाईदैन । ट्याक्सी ड्राईभरको भुमिकामा देखिएको वताएपनि आर्यन यो सिनेमा भित्र एक राणा खानादानको युवराज हुन्छन् जुन भुमिकामा उनलाई दर्शकले चलचित्र ‘मेरो एउटा साथी छ’ मा हेरीसकेका छन् । यसैले, ६ लाख पारीश्रमीक लिने हिरो यो सिनेमावाट वेपत्तासँग तल झरेका छन् । आर्यनको करिअरका लागि यो चलचित्रले आईएमसरी नै भनेको छ ।

नायिका केकी अधिकारी यो सिनेमाभित्र एक धनाढ्य परिवारकी एक्ली छोरी जसको नाममा वजारमा हरेक व्रान्डका सामान पाईन्छन् । तर, केकी कत्तैवाट पनि यस्तो लाग्दिनन् । संवाद वोल्ने क्रममा त केकी चुकेकी छिन् । उनले वोलेको संवाद एक धनाढ्य परिवारको युवतीले वोल्ने जस्तो लाग्दैन, वरु वच्चाले वोलेजस्तो लाग्छ । अभिनयका हिसावमा पनि केकीको खासै तारिफ गरीहाल्नु पर्ने देखिदैन । यि वाहेक अन्य कलाकारको अभिनय औषत नै छ ।

निर्देशन र पटकथा फितलो

चलचित्रको सवैभन्दा कमजोर पाटो यसको पटकथा हो । सिनेमाको कथा कोणबाट अघि बढेको देखिन्न । पहिलो हाफ त सिनेमाभित्र केकी र आर्यनको मात्र जोडिलाई हेर्न पाईन्छ जसले दर्शकलाई निकै दिक्क बनाउँछ । चलचित्रका लेखक प्रदिप भारद्धाजले सिनेमालाई कसरी अगाडि वढाउने र को पात्रलाई कसरी चित्रीत गर्ने भन्ने कुरालाई सोंच्नै सकेका छैनन् । निर्देशकीय पाटोले पनि सिनेमा निक्कै कमजोर छ । पहिलो सिनेमा निर्देशन गरेका दिनेश रावतले सिनेमालाई पट्यारलाग्दो वनाएका छन् । उनले सिनेमालाई कहाँ कस्तो किसिमको मसला आवश्यक पर्छ भन्ने नै भुलेका छन् । पहिलो हाफको अन्तिममा केही सस्पेन्स जस्तो देखिएपछि निदाएका दर्शक अव दोश्रो हाफमा केही आशा जगाए पनि दोश्रो हाफ झनै वोरिङ छ । सिनेमाको दोश्रो हाफ अनावश्यक रुपमा लम्वाईएको छ । एउटै कुरालाई वारम्वार दाहोराउनु र फ्ल्यास व्याकका दृश्यहरु वढि समावेश गर्दा दिक्क लाग्दो वनेको छ यो सिनेमा ।संवादका हिसावले पनि सिनेमा कमजोर सुचिमा पर्दछ ।

गीतसंगीत र छायांकनमा राम्रो

गीतसंगीत र छायांकनका हिसावले यो सिनेमा तारिफ गर्न योग्य छ । संगीतकार ताराप्रकाश लिम्बुले राम्रो संगीत गरेका छन् । तर, प्रचारप्रसारका हिसावले कमजोर रहँदा उनको काम खासै वाहिर आउन सकेन । चलचित्रको अर्को सवल पक्ष हो, यसको छायांकन । छायांकार पुरुषोत्तम प्रधानले सिनेमालाई निक्कै महङ्गो देखिने खालको वनाएका छन् । उनको छायांकनको कारणले नै सिनेमामा करोड लगानी गरिएको हो भन्ने पत्याउन सकिन्छ । उनले खिचेका दृश्यहरु मनमोहक छन् तर सिनेमाको सुस्त वगाईले दिक्क भएका दर्शकलाई छायांकन पाटोले तानेको अनुभुती गर्ने समय नै मिल्दैन ।

लगानी बढि

निर्माता हरि महतले सिनेमा लगानी गर्न कुनै कञ्जुस्याई गरेका छैनन् । उनले, कुनै पनि दृश्य र कुनै पनि स्थानमा पैसा खर्चन टाउको कन्याएको पाईदैन । एउटा राणा खानदानको युवराज र उसको दरवारका भव्य कोठाहरु सेट लगाएर तयार पारिएको छ । जुन हेर्दा साच्चै नै आकर्षक छ । सेट निर्माण गर्ने राजु पेन्टरको कामलाई तारिफ गर्नै पर्दछ । उनले डिजाईन गरेको सेट यस्तो भव्य र आकर्षक लाग्छ । यसकारण, सिनेमाका वास्तवीक हिरो निर्माता र सेट डिजाईनर पनि हुन् ।

सेलिब्रिटीको पहिलो भ्यालेनटाईन सेलिब्रिटीको पहिलो भ्यालेनटाईन

2012-02-12T04:07:00.000-08:00

नेपाली सिनेमा क्षेत्रका कलाकारहरु पनि भ्यालेनटाईन अर्थात ‘प्रेम दिवस’ मनाउन आत्तिएका छन् । वर्षमा एक पटक आउने यो विशेष दिनका लागि कलाकारहरु पनि उत्सुक देखिएको पाईन्छ । प्रेम सम्बन्धमा रहेका कलाकारहरु यो दिनलाई आफ्नो प्रेम ब्यक्त गर्ने उत्तम दिन ठान्छन् । यो सालको भ्यालेन्टाइन मनाइरहँदा हामीले उनीहरुको पहिलो भ्यालेन्टाइन डेको सम्झना गराउँदै छौं ।

मेरो प्रेमीसँग आफ्नै साथीले बिहे गरिदिई

विनीता बराल

चपली हाईटमा दिएको हट सिन र टपलेस फोटोसुटका कारण चर्चामा रहेकी नायीका विनीता बरालको भ्यालेनटाईन काठमाण्डौमा रमाएर वित्नेछ । तर, उनी पनि साथी सँग नै वसेर यो दिनलाई मनाउने सोंचमा छिन् ।

बिनिता भन्छिन- चलचित्रमा अभिनय गर्नु भन्दा अघि पनि मलाई प्रेम प्रस्ताव नआएका होईनन्, तर अहिले त प्रेम प्रस्तावको वाढि नै लागेको छ । मैले आजसम्म जम्मा एकजनासँगको प्रेमको अनुभव सँगालेकी छु । तर, त्यो साह्रै नमिठो थियो । कक्षा ८ मा पढदा एक युवक मलाई धेरै नै मनपथ्र्यो । उसलाई मैले लामो समयपछि आँट गरेर चिठ्ठी लेखेर प्रेम प्रस्ताव राखें । तर, उसले मेरो प्रेम प्रस्तावलाई अस्विकार गरिदियो । उसले अस्विकार गरेपछि म यति धेरै खिन्न भएकी की के भन्ने यसपछि मलाई कसैसँग प्रेम गर्ने सोंच नै आएन् ।

उसको नाम शम्भु भट्ट थियो । उसलाई मैले देख्ने वित्तिकै मन पराएकी थिएँ र प्रेम प्रस्ताव राखेकी थिएँ । पछि, मेरो मिल्ने साथीले उसँग विहे गरी, मेरो साथीले मलाई नै धोका दिई । आजसम्मका लागि मेरा पहिलो र अन्तिम भन्ने भ्यालेनटाई नै त्यही थियो । उ वाहेक अन्य कोही पनि युवक मन परेन आजका दिनसम्म, हेरौं, यो वर्ष के हुन्छ ।

उसका गिफ्ट हेरेर यादमा डुब्छु

-वेनिशा हमाल

‘स्वर’ सिनेमावाट नेपाली सिनेमा क्षेत्रमा आएकी नायीका वेनिशा हमालको भ्यालेनटाईन अनुभव पनि रमाईलो नै छ । युवा पुस्ताकी रोजाईकी नायिकासमेत रहेकी वेनिशा हेर्दा सुन्दरताको बखान धेरै हुन्छ । उनको जीवनमा पनि एक युवक आएका रहेछन, दुई वर्ष अगाडि । जुन उनको पहिलो भ्यालेनटाईन थियो ।

२ वर्ष अगाडिको ‘भ्यालेनटाईन डे’मा भर्खर भर्खर प्रेममा डुवेकी थिइन् वेनिशा । उसले मलाई भ्यालेनटाईन आउनु भन्दा यस्तै २ महिनाअघि प्रेम प्रस्ताव राखेका थिए । मैले उसको प्रेमलाई स्विकार गरेपछि हामी भ्यालेनटाईन डे मनाउन न्युरोड गएका थियौ । त्यो, समयमा हामीले धेरै रमाईलो समेत गरेका थिया । उसले मलाई धेरै चकलेट र २१ वटा गुलावको फुल दिएको थियो । मैले पनि उसलाई सवैभन्दा ठुलो प्रेमकार्ड दिएकी थिएँ । तर, अहिले उ मसँग छैन । तर भ्यालेनटाइन डे नजिक आउँदै गर्दा उसले दिएका गिफ्टहरु हेरेर उसको याद मेटाउँछु ।

कसैको प्रस्ताव स्वीकारेकी छैन

-केकी अधिकारी

‘मन पराउने र प्रेम प्रस्ताव राख्ने त धेरै नै भए तर मैले कसैको पनि प्रेम प्रस्ताव स्विकार गरेको छैन । यसैले, पनि मसँग त्यस्तो भ्यालेनटाईनको अनुभव छैन ।’ सुन्दा अपत्यारिलो लागेपछि केकी अहिलेसम्म आफ्नो प्रेमी नभएको दावी गर्छिन् । ‘यो वर्ष पनि मेरो भ्यालेनटाईन साथीसंगीसँग वसेर ‘आई.एम.सरी’को प्रमोशनमा नै व्यस्त भएर वित्नेछ ।’- केकीको दावी छ- भ्यालेन्टाइन डे मनाएको अनुभव नै छैन् । आजसम्म मैले भ्यालेनटाईन परिवारसँग मात्र मनाएकी छु ।’

मन परे मै प्रस्ताव राख्छु, बिहेले रोक्दैन

2012-02-12T04:02:00.000-08:00

-रेखा थापा

भ्यालेन्टाइन डे आउँदा मेरो पहिलो भ्यालेनटाईनको धेरै नै याद आउँछ । म कक्षा ६ मा पढिरहेकी थिएँ । यो समयमा कक्षा ९ मा पढ्ने एक युवकले मलाई खुवै मनपराउथ्यो । उसले मलाई विहे गर्छु भन्थ्यो । सानैवाट म प्रेमको मामलामा खुला नै थिएँ । उसले मलाई प्रेम प्रस्ताव पनि राख्यो, मैले स्विकार पनि गरें । तर, अहिले सोंच्दा लाग्छ- मैले त्यो समयमा प्रेमलाई वुझेकै रहेनछु । यदि मैले उसलाई साँचो माया गर्थे भने उ मेरो यादमा अहिले पनि आउनु पर्ने हो ।तर मलाई उसको सम्झना खासै आउँदैन । यसपछि त मेरो छविसँग नै भेट भयो । भेट भएपछि हाम्रो विहे नै भयो । मलाई
लाग्छ, प्रेमको कुनै आँखा हुँदैन । प्रेम स्वच्छ र पवित्र हुन्छ । यसैले पनि प्रेम गर्नका लागि विवाह गरेको, नगरेको, धनि, गरिव भन्ने नै हुँदैन । जो सँग पनि हुनसक्छ, जतिवेला पनि हुनसक्छ प्रेम । यदि मेरो जीवनमा पनि कोही नजरमै पर्ने गरि आयो भने नकार्न सक्दिन । मलाई उसँग प्रेम गर्न कुनै संकोच हुनेछैन् ।

मेरो वैवाहिक जीवनले अर्को कुनै युवकसँग प्रेम गर्न रोक्छ जस्तो मलाई लाग्दैन । मेरो बुझाईमा प्रेमको कुनै आँखा हुँदैन । तर, १० वर्ष यता मलाई कसैले प्रेम प्रस्ताव राखेको छैन र प्रेम गर्ने हिम्मत पनि गरेको छैन् । मलाई लाग्छ, अहिलेको अबस्थामा कसैले पनि मलाई प्रेम गर्ने हिम्मत गर्दैन् । मेरो ग्रह कुण्डलीदेखि हरेक कुरा हेर्दा पनि कसैले मलाई प्रेम प्रस्ताव नै राख्ने आँट गर्छ भन्ने मलाई बिश्वास छैन् । अर्थात मैले नै प्रेम प्रस्ताव राख्नु पर्छ ।

छविसँग विहे गरेपछि त्यस्तो कुनै युवक मेरो नजरमा गडेको छैन् । तर मलाई मन पर्यो भने म उसलाई प्रेम प्रस्ताव राख्न सक्छु । किनकी आकर्षण भनेको जो कोहीसँग पनि हुनसक्छ । मलाई कसैले रोक्न सक्दैन् ।

यसपटकको भ्यालेनटाईन मेरो समाज सेवामा वित्नेछ । मेरो विचारमा मायाका लागी हरेक दिन नै शुभ हुनेछ । यसैले कुनै दिन कुर्नु नै पर्दछ भन्ने मलाई लाग्दैन । यो पटकको भ्यालेनटाईनमा म वाहुनडाँगी भन्ने ठाउमा जाँदैछु । त्यहाँ भुकम्प र वाढिले पिडित वनेका जनतालाई म सचेतना दिनका लागी जान लागेकी हुँ । त्यहा हजारौ दर्शक आउनुहुनेछ, जसले मलाई देख्ने वित्तिकै ‘आई.लभ.यु’ भन्नुहुनेछ । यो नै मेरो भ्यालेनटाईनको प्रेम प्रस्ताव हो ।

नम्रताले फाइट खेल्ने

2012-02-08T11:30:00.000-08:00

अभिनेत्री नम्रता श्रेष्ठको हातमा अहिले नयाँ फिल्म 'छड्के'को स्क्रिप्ट छ। फिल्ममा स्त्रि्कप्टलाई प्राथमिकता दिँदै आएकी नम्रता यसमा एक्सन रोललाई कसरी सशक्त बनाउने भन्ने सोचमा छिन्।
निगम श्रेष्ठको पहिलो निर्देशनमा बन्न लागेको 'छड्के'को चैतमा सुटिङ हुँदैछ। यसलाई ग्यांगस्टर फिल्मको रूपमा चर्चा गर्दै निर्देशक श्रेष्ठले भने, 'लुट फिल्म चलेको देखेपछि प्रयोगात्मक फिल्मको पनि बजार रहेछ भनेर हौसला बढेको हो।' एक्सन फिल्म बनाउन लागेकोले सबैलाई यसबारे बुझाउन कार्यशालाको समेत तयारी गरेको उनले जानकारी दिए।'यसअघि एक्सन फिल्ममा काम नगरेकीले नम्रतालाई मार्सल आर्टकै प्रशिक्षण दिन लागेका छौं,'
निर्देशकको योजना छ। नम्रताले भने नयाँ भूमिका चुनौतीको रूपमा लिएकी छिन्। 'स्त्रि्कप्ट मन नपरे म फिल्म साइन गर्दिनँ। कतिपय फिल्म भूमिकाकै कारण छाडेकी छु,' नम्रताले भनिन्। २५ वटा फिल्मको स्त्रि्कप्ट पढिसक्दा ५ वटामात्र राम्रो लागेको उनको कथन छ।

फिल्मकै लागि मार्सल आर्टको तालिम लिने कुराले उनलाई उत्साहित बनाएको छ। डान्स र ड्रामाको प्रशिक्षण लिए पनि मार्सल आर्टमा उनी नयाँ अनुभव गर्दैछिन्। फिल्ममा सौगात मल्ल र दयाहाङ राईको पनि अभिनय रहने छ। सौगात र दयाहाङ पनि स्त्रि्कप्ट अध्ययन गर्दैछन्।

छड्के हान्दै नम्रता

2012-02-07T12:37:00.000-08:00

नायिका नम्रता श्रेष्ठ केही समय गुपचुप रहेपनि अहिले फेरि बिस्तारै बाहिर क्रममा रहेकी छिन् । जीवनमा भुल्न नसकिने सेक्स स्क्यान्डलले एकाएक हराएकी नम्रता अहिले सामान्य रुपमा फकर्ँदैछिन् । युवा पुस्तादेखि संचारमाध्यमले समेत नम्रतालाई राम्रै सहयोग गरे जसका कारण नम्रतालाई चाँडै नै पुनरागमनको लागि सजिलो बनायो ।दुईवटा सिनेमा खेल्न नपाउँदै नम्रताको उचाई चुलिएको थियो । नयाँ पुस्ताले निकै रुचाएकी नम्रता अहिले पनि चलचित्र क्षेत्रमा निकै नै माग भएकी नायिकाको रुपमा चिनिन्छन् । यसैले पनि नम्रताको आगमन सहज रुपमा भएको छ, पुनः एकपटक । अहिलेसम्म नम्रताले चलचित्र ‘सानो संसार’, ‘मेरो एउटा साथी छ’ र ‘मिस यु’ मा अभिनय गरिसकेकी छिन् । उनले अभिनय गरेको
चलचित्र ‘मिस यु’ रिलिजको क्रममा रहेको छ । चलचित्र ‘मिस यु’ ले हलसम्म दर्शक तान्यो भने त्यो नम्रताकै कारणले हुने बिश्लेषण पनि बजारमा नचलेका होईनन् ।

‘मिस यु’ को रिलिजको तयारीका कारण व्यस्त नायिका अब छड्के हान्न तर्फ लाग्ने भएकी छिन् । आखिर नम्रता के कुराको छड्के हान्न तयार छिन् त ? नम्रता कुनै सरकारी निकाय या सिनेमा क्षेत्रका बिभिन्न निकायमा छड्के हान्न तयार भएकी होईनन् । नम्रताले अब चौथो सिनेमामा अभिनय गर्ने पक्का भएको छ, जसको नाम ‘छड्के’ राखिएको छ । यो सिनेमामा नम्रताले अभिनय गर्नेछिन् । चलचित्र ‘छड्के’लाई निगम श्रेष्ठले गर्ने पक्का भएको छ ।

चलचित्रमा उनका साथमा चलचित्र ‘लुट’का चर्चित कलाकार सौगात मल्ल, दयाह्याङ राई र ‘ब्याच नम्वर १६’ का चर्चित खलपात्र अर्पण थापाले अभिनय गर्ने पक्का भएको छ । चलचित्र छड्केले नम्रता धेरै नै उत्साहित भएको बुझिएको छ । जे होस्, छड्के हान्ने तयारीमा रहेकी नम्रतालाई हामी त शुभकामना भन्दा अरु के नै दिन सक्छौं र ?

राम्रा भनिएका सिनेमा चोरी काण्डमा

2012-02-04T06:33:00.000-08:00

नेपाली सिनेमाहरु पछिल्लो समयमा केही फरक धारमा बनिरहेका छन् । दर्शकहरु फरक फरक धारका सिनेमाको पछि रुची राख्न थालेपछि सिनेमा बनाउनेहरुले पनि यस्ता खालका सिनेमा निर्माणमा ध्यान दिन थालेका हुन् । यसरी, ध्यान दिएकै कारणले पनि केही सिनेमाहरु राम्रा बनेका छन् । तर, राम्रा सिनेमाहरु चोरी काण्डवाट भने मुक्त हुन सकेका छैनन् । केही समय अघि चर्चामा आएको चलचित्र ‘मेरो एउटा साथी छ’ एक कोरीयन सिनेमाको कपी भएको पुष्टि भएपछि यसले चर्चा भन्दा वढि आलोचना भोग्यो ।

यो सिनेमालाई हेर्नेहरुले सवैले राम्रो रहेको बताएका थिए । अहिले, प्रदर्शनको क्रममा रहेको चलचित्र ‘चपली हाईट’ले पनि पोष्टर सार्वजनिक गरेको भोलीपल्टै एक हलिउड सिनेमाबाट पोष्टर कपी गरेको खबर आयो । यसले यो सिनेमालाई नै असर गर्यो ।

यस्तै, प्रदर्शनको क्रममा रहेको चलचित्र ‘साथी म तिम्रो’ पनि पोष्टर चोरीवाट मुक्त हुन सकेको छैन । यो सिनेमाको लागी तयार गरिएको पोष्टर एक हलिउड सिनेमावाट चोरी गरीएको छ । ‘द पर्सुएट अफ ह्यापिनेश’ भन्ने अंग्रेजी सिनेमावाट यो सिनेमाको पोष्टर कपी गरीएको छ । चलचित्रमा जसरी एक वालकले नायकको हात समातेका छन् नेपाली ‘साथी म तिम्रो’ मा पनि यस्तै खालको पोष्टर तयार गरीएको छ । यसले के देखाउँछ भने भुवनको यो चलचित्र पनि कतै यो सिनेमावाट मिल्न सक्ने अनुमान बजारमा चल्न थालेको छ । अहिले फेसवुकमा समेत यी दुई पोष्टरलाई लिएर धेरै नै चर्चा भएको पाईन्छ ।

यसरी, एक हलिउड सिनेमासँग पोष्टर मिलेको ‘साथी म तिम्रो’लाई यो चोरी काण्डले फाईदा पुग्छ या घाटा यो भने हेर्न वाँकी नै छ । तर, हामी त यत्ति भन्छौं, विशुद्ध नेपाली पनबाट किन नेपाली सिनेमा बन्न सक्दैनन् । के चोरी नगरी हामी केही पनि तयार गर्न सक्दैनौ र ?

जिवनले भने–वेरोजगार भईयो

2012-02-02T03:41:00.000-08:00

नायक आर्यन सिग्देलले केही समय अघि भनेका थिए, म त वेरोजगार कलाकार । हुनत, उनले यसो भने पनि उनको हातमा अहिलेसम्म सिनेमा परेका छैनन् । यसरी, हेर्दा उनी वेरोजगार नै भएका थिए । उनी, अहिलेसम्मकै महङ्गा नायकको रुपमा चिनिन्छन् । उनको पारिश्रमिक ६ लाख रहेको छ ।६ लाख लिन थालेपछि नै आर्यन वेरोजगार भएका हुन् । आर्यनपछि अर्का महङ्गा हिरोको रुपमा रहे, जिवन लुईटेल । उनले, आफ्नो पारिश्रमिक ५ लाख भएको बताए । उनले केही सिनेमामा पनि अभिनय गरे । तर, एक कार्यक्रममा भेटिएका जिवनले
भने-’आजवाट म वेरोजगार भए ।’ उनले, बुधबार चलचित्र ‘मेरो मनको साथी’को छायांकन सकाएका थिए । यसपछि, उनको हातमा सिनेमा छैन रे । उनले भने-’अब, हातमा सिनेमा छैन, यसैले काम नपाएर वेरोजगार भएको छु ।’

६ लाख पारिश्रमिक लिने हिरो वेरोजगार भएको केही महिना वित्न नपाउदै ५ लाख लिने हिरो समेत वेरोजगार भएको कुरा गरिरहेका छन् । नेपाली सिनेमा त बनिरहेका नै छन्, तर नायकहरु भने वेरोजगार भएको कुरा गरिरहेका छन् । यो आफैमा अचम्मको कुरा पनि हो । अहिले, नायकहरु खासै काम नभएपछि निरन्तर महोत्सव र विभिन्न कार्यक्रममा व्यस्त हुन थालेका छन् ।

चलचित्र बनाउनेहरुले फरक धारमा सिनेमामा आँखा लाएपछि र यस्ता सिनेमाका लागि नयाँ नै अनुहारको खोजी हुन थालेपछि मुलधारका सिनेमाका हिरोहरु वेरोजगार हुन थालेका हुन् । हेरौं, जिवनको यो वेरोजगारी पन कहिलेसम्म रहने हो ?

Nepali Movie Didi Bhai full

2012-02-02T02:50:00.000-08:00

click @ poster

Nepali Movie KINA MAYAMA

2012-02-02T02:42:00.000-08:00

click @ poster

Nepali Movie kohi mero full

2012-01-31T04:07:00.000-08:00

click @ poster

उध्रेको चोलीको चर्चा मलेसियामा पनि उत्तिकै (फोटो फिचरसहित)

2012-01-31T03:44:00.000-08:00

नेपाली दर्शक माझ चर्चा बटुलिरहेको शुष्माको उध्रेको चोलीले मलेसियामा पनि उत्तिकै चर्चा बटुलेको छ । चाईनिज नयाँ वर्षको अवसरमा मलेसियाको क्वालालम्पुरमा भएको रिमिक्स धमाका– ४, कार्यक्रममा मलेसिया पुगेकी नायिका शुष्मा कार्कीले नेपालीहरुलाई निकै नृत्य प्रस्तुत गरेर उत्तेजित पारिन् ।भर्खरै नेपालमा प्रदर्शनमा आएको उनले अभिनय गरेको चलचित्र लुटमा आइटम डान्स गरेर नेपाली दर्शकलाई समेत उत्तेजित पार्दै तहल्का मच्चाएकी छिन् । धुम कार्यक्रममा पुगेका अधिकाशं दर्शकले उनको उत्तेजक नृत्यको फोटो समेत खिच्न भ्याए । क्यामरा हुनेहरुले क्यामरामा नै फोटो कैद गरे भने क्यामरा नहुनेहरुले मोवाईलवाट भएपनि फोटो खिच्न भ्याए । अहिले उनको चर्चा मलेसियाभरी नै छ जसरी उनी अभिनित चलचित्र लुटले नेपालमा चर्चा लिइरहेको छ । हेरौ नृत्य प्रस्तु गरिरहेका वेला क्यामरामा कैद गरिएका उनका केही हट तस्वीहरु ।

बर्लिनमा 'हाइवे'को प्रतिस्पर्धा २६ फिल्मसँग

2012-01-29T03:42:00.000-08:00

बर्लिन फिल्म महोत्सवमा नेपालको 'हाइवे'ले 'बेस्ट फस्ट फिचर अवार्ड'मा भिड्ने भएको छ। महोत्सवका सहभागीमध्ये निर्देशकले पहिलोपटक निर्देशन गरेको फिल्म यो प्रतिस्पर्धामा समावेश गरिएको छ। यसपालि दीपक रौनियारद्वारा निर्देशित 'हाइवे'सहित २७ फिल्मले यसमा भिड्दैछन्।
नयाँ पुस्ताका फिल्मकर्मीलाई हौसला दिन सन् २००६ देखि सुरु गरिएको यो अवार्ड जित्नेलाई ५० हजार युरो
(करिब ५१ लाख ५० हजार रुपैयाँ) प्रदान गरिनेछ।
महोत्सवको नियमअनुसार उक्त नगद पुरस्कार निर्माता र निर्देशकले आधा-आधा बाँड्नुपर्नेछ। निर्देशकलाई एउटा ट्रफी (भ्युफाइन्डर) पनि दिइनेछ। विजेताको घोषणा फागुन ७ मा हुनेछ।

आयोजकले यो अवार्ड छनोट गर्ने जिम्मा बेग्लै तीन सदस्यीय जुरीलाई दिएको छ। समितिमा जर्मन नाटककार तथा उपन्यासकार मोरिज रिन्के, लेबनानकी फिल्म अभियन्ता हानिया म्रोउ र अमेरिकी अभिनेता म्याथ्यु मोडिन छन्।

बर्लिन महोत्सवमा माघ २७ मा वर्ल्ड प्रिमियर हुने 'हाइवे' त्यसपछि हरेक दिन माघ ३० सम्म देखाइनेछ।

समीर दीक्षित र लोनिम दीक्षितद्वारा निर्मित 'हाइवे'मा सौगात मल्ल, दयाहाङ राई, कर्म, ऋचा शर्मा, विनय श्रेष्ठ, सन्दीप क्षेत्री, राजन खतिवडालगायतले अभिनय गरेका छन्।

आइएम सरी : ट्रेलर रिलिज

2012-01-27T02:40:00.000-08:00

‘आइएम सरी’ले पब्लिसिटी थालेको छ । विहिबार आयोजित पत्रकार भेटमा सिनेमाले नेसनल टुर, ट्रेलर र संगीत प्रिमियर गर्‍यो । माघ २७ मा सोलो रिलिज सिनेमाको संगीत र ट्रेलरलाई आयोजित जमघटमा निर्माता, निर्देशक र कलाकारले सार्वजनिक गरे । हरि महत र सुनिल मानन्धरले लगानी गरेको सिनेमालाई दिनेश राउतले निर्देशन गरेका हुन् ।

लभस्टोरी सिनेमाको संगीत ताराप्रकाश लिम्बुले भरेका छन् । आर्यन सिग्देल, केकी अधिकारी, नीता ढुंगाना अभिनित सिनेमालाई प्रदीप भारद्धाजले लेखेका हुन् । प्रेसमिटमा बोल्दै अभिनेता सिग्देलले आफूले मिहेनत गरेको बताए । निर्देशक राउतले आर्यनलाई सिनेमाले भिन्न चरित्रमा प्रस्तुत गरेको र उनीप्रतिको दर्शकीय दृष्टिकोण सिनेमाले परिवर्तन गर्ने दावी गरे ।

वर्ष २०११ मा घाटा व्योहोरेका वितरक सुनिल मानन्धरले सिनेमा हिट हुनैपर्ने बताए । उनले ५० लाख लगानी गरेका छन् । सिनेमाले आगामी १५ गतेदेखि देशब्यापी पब्लिसिटी टुर सुरु गर्दैछ । मुलुकका प्रमुख थिएटरमा कलाकार र निर्माताको टोलीले प्रचारप्रसार गर्ने निर्माता राउतले बताए । सिनेमाले दुई चरणमा नेसनल टुर गर्ने योजना राखेको छ ।

संगीत
ताराप्रकाश लिम्बुले भरेको संगीतमा प्रदीप भारद्धाजले गीत लेखेका हुन् । दीपक लिम्बु, अञ्जु पन्त र प्रविशा अधिकारीले गाएका छन् । प्रेसमिटमा औपचारिक भनिएपनि सिनेमाको संगीत र ट्रेलर पहिल्यै सार्वजनिक भैसकेको छ । एकमहिनाअघिदेखि नै मिडियाले प्रसारण गरिरहेका ती म्युजिक भिडियोमा स्लो सेन्टिमेन्टल गीत समेटिएको छ । सीडीबाट निर्माताले १० लाख आशा गरेका छन् ।

प्लट
ट्याक्सी चालक र सम्भ्रान्त परिवारकी युवतीबीचको प्रेमकथा हो ‘आइएम सरी’को कथानक । यसले दुई आर्थिक वर्गबीचको प्रेमलाई चित्रण गरेको छ । लगातारका लभस्टोरीमा अभिनय गरिरहेका अभिनेता सिग्देललाई उस्तै स्वरुपको कथानकबाट भिन्न देखिनु चुनौति हुनेछ । उनकै शब्दमा ‘मैले भरपुर गरेको छु’ भनिएपनि प्रोमो र संगीत हेर्दा त्यस्तो देखिँदैन । ‘स्वर’ र ‘मसान’ अभिनेत्री अधिकारीका लागि स्थापित हुने संघर्ष हुनेछ ‘आइएम सरी ।’

ब्यापार
डेढकरोड यसको लागत बताइएको छ । निर्माताले १ करोड नेट आम्दानीलाई च्यारिटी, संगीत, विदेश प्रदर्शन र नियमित प्रदर्शनबाट समेट्न खोजेपनि बाँकी ५० लाखको विकल्प खोज्न सकेका छैनन् । निर्माताले सिनेमालाई मल्टिप्लेक्स अडिएन्सलाई लक्षित भनेका छन् तर सिंगल वा मल्टिप्लेक्स कुन अडिएन्समाझ यसले ब्यापार गर्छ रिलिजपछि नै निधो हुनेछ । मुलुकका ५० पर्दामा सिनेमा प्रदर्शन हुने अपेक्षा गरिएको छ ।

अभिनेत्री सुशिला रायमाझीको निधन

2012-01-27T02:32:00.000-08:00

लामो समय देखि क्यान्सर रोगले पिडित अभिनेत्री सुशिला रायमाझीको बिहिबार दिउसो निधन भएको छ । पूरानो बानेश्वर निवासी रायमाझीको दिउसो १ बजे बिएण्डबि अस्पतालमा निधन भएको निर्माता रमेशजंग रायमाझीले जानकारी दिएका छन् । सुशिला रमेशजंगको काकी हुन् । निधन पश्चात रायमाझीको शव टिचिङ हस्पिटल महाराजगंजमा राखिएको रमेशजंगले जानकारी गराए । पहिलो श्रीमानबाट एक छोरी र दोस्रोबाट दुई छोरीकी आमा सुशिलाको कान्छी तर्फकी छोरी अमेरिकाबाट आजै राति १० बजे काठमाण्डू ओर्लए लगत्तै उनको अन्तिम दाहसस्कार राति नै गरिने रायमाझीले
जानकारी गराए । रेडियो नाटक हुदै चलचित्र अभिनयमा अब्बल ठहरिएकी सुशिलाको पाठेघर क्यान्सर सम्पूर्ण शरिरमा फैलिएपछी उनी पछिल्लो केही बर्षयता सिकिस्त थिईन् ।

सुशिला राष्ट्रिय नाचघरकी जागिरे पनि थिईन् । उनले हिरोईन भएर खेलेको पहिलो फिल्म चोट हो जसलाई श्याम राईले निर्देशन गरेका थिए । सुशिलाले धनसम्पती भन्ने चलचित्र पनि बनाएकी थिईन् भने पवन मैनालीसंग मिलेर पिजडा भन्ने चलचित्र पनि बनाएकी थिईन् । धनसम्पती मार्फत उनले छोरी प्रसिद्धीका रायमाझीलाई पनि हिरोईन बनाएकी थिईन् । दर्जनौ चलचित्रमा अभिनय गरिसकेकी सुशिलाले पछिल्लो समय सानो संसार' र भुवन केसीको चलचित्र 'म तिमी बिना मरिहाल्छु' खेलेकी थिईन् ।

यो कस्तो प्रिमियर ?

2012-01-27T02:29:00.000-08:00

न कुनै रेड कार्पेट त न कुनै गतिलो व्यवस्थापन नै । भारतका निर्माताले बनाएको सिनेमा त्यसमा पनि भारतकै निर्देशकको निर्देशन रहेको सिनेमाको प्रिमियर केही राम्रोसँग गरिएला भन्ने आशा गरेका थिए, आम चलचित्रकर्मी तथा पत्रकारले । तर बिहीबार दिउँसो गरिएको चलचित्र ‘परिचय’को प्रिमियरमा त्यस्तो कुनै कुरा देखिएन । सामान्य खालको कार्यक्रम र यसैमा गरिएको अडियो विमोचनकाबीच चलचित्रको प्रिमीयर गरिएको छ ।करोड माथिको सिनेमा भनेर प्रचार गरिएको सिनेमाको प्रिमियर कार्यक्रमको भद्रगोलले
व्यवस्थापनलाई चुनौति दिएको थियो । भारतीय निर्देशक आकाश पाण्डेले निर्देशन गरेको यो सिनेमा शुक्रवारबाट देशभरका हलमा प्रदर्शनमा आएको छ । चलचित्रको प्रिमियर कार्यक्रममा अनाथ बालबालिकालाई १५ हजार रुपैंया सहयोग समेत गरिएको थियो ।

प्रिमियर कार्यक्रममा सिनेमामा बिशेष भूमिका गरेका नायक सुशिल क्षेत्री भन्दा अन्य कोही पनि उपस्थित भएनन् । नायक निखील उप्रेती र नायिका मोनीका वेदी कार्यक्रममा देखिएनन् ।

चलचित्र परिचयले खासै नयाँ कथावस्तुलाई उठान गरेको छैन । सामान्य कथावस्तुमा तयार पारिएको यो सिनेमा टेलिसिरीयलको ढर्राबाट अघि बढेको छ । सम्भवतः सिरीयल निर्देशन गरेका निर्देशकले निर्देशन गरेका भए र पनि हुनसक्छ सिनेमा सिरीयल जस्तो लाग्दछ ।

भारतीय नायिका मोनिका वेदीको आवाजमा नेपाली कलाकारको आवाज डब गरिएको छ । समग्रमा चलचित्र परिचयले खासै नौलो परिचय दिने छनक देखिँदैन । एक भारतीय निर्देशकले बनाएको सिनेमा र भारतीय निर्माताको नै लगानी रहेको यो सिनेमाबाट आशा भने धेरै नै थियो ।

शुक्रबार सिनेमा हलमा

2012-01-27T02:27:00.000-08:00

नेपाली सिनेमा शुक्रबार प्रदर्शन हुने परम्परालाई निरन्तरता दिँदै आजबाट तीन सिनेमा एक साथ प्रदर्शनमा आउँदैछन् । सिनेमाहरु जुध्दा चलचित्रको व्यापार खासै राम्रो नहुने भएपनि धेरै सिनेमा बन्दा लगातार रुपमा सिनेमाहरु जुधिरहेका छन् । यो हप्ता पनि सिनेमाहरु जुध्दैछन् र प्रदर्शन हुँदैछन् । यो हप्ता आउने सिनेमा यस्ता छन:
१. सिनेमाको ना: विजयपथ

निर्देशक : बसन्त निरौला

कलाकार : निखील उप्रेती, सुशिल क्षेत्री, संचिता लुइटेल, पवित्रा निरौला, सरोज के.सी. आदि ।

संगीत : बसन्त सापकोटा

छायांकन : शिव ढकाल

पत्रकारहरुको कथावस्तुमा तयार भएको यो सिनेमा आजबाट नेपालभरका बिभिन्न सिनेमा हलका साथसाथै भारतका ४० स्टेशनबाट रिलीजमा आएको छ । एक पत्रिकाको नामबाट सिनेमाको नाम राखीएको हो, विजयपथ । साथमा सिनेमाले बालक अपहरण, माया प्रेमका प्रसंगलाई पनि उठान गरेको छ । द्वन्द्वप्रधान धारमा निर्माण भएको यो सिनेमालाई दर्शकले रुचाउने विश्वास गरिएको छ ।

२. सिनेमाको नाम : परिचय

निर्देशक : आकाश पाण्डे

कलाकार : निखील उप्रेती, मोनिका वेदी, नागेन्द्र रिजाल आदि ।

नायक उप्रेती मुम्बई पसेपछि अभिनय गरेको पहिलो चलचित्र हो, परिचय । भारतीय निर्देशकले निर्देशन गरेको यो सिनेमाका अधिकांश दृश्य नेपालमै छायांकन गरिएको हो । चलचित्रमा नायक निखील उप्रेती फरक गेटअपमा प्रस्तुत भएका छन् ।

३. सिनेमाको नाम : देवयानी

निर्देशक : विजय वस्नेत

कलाकार : निखील उप्रेती, दिलीप रायमाझी, विमला के.सी. आदि ।

संगीत : लक्ष्मण शेष

नारी प्रधान चलचित्र देवयानी काठमाडौंका हलमा भने प्रदर्शनमा आईसकेको छ । यो सिनेमा आजबाट उपत्यका बाहिरका केही हलमा प्रदर्शनमा आएको छ । चलचित्र देवयानी पूर्वका केही हलका साथमा हेटौंडामा मात्र प्रदर्शनमा आउनेछ ।

मेरा सबै सिनेमा करिअरसँग जोडिएका हुन्छन

2012-01-27T02:22:00.000-08:00

नायक आर्यन सिग्देलले अभिनय गरेको चलचित्र आईएमसरीको बिस्तारै चर्चा बढ्न थालेको छ । यो सिनेमा यही माघ २७ गतेबाट प्रदर्शनमा आउँदैछ । यही सिनेमाबाट नायक सिग्देलको सिनेमाको करिअर जोडिने धेरैले बिश्लेषण पनि गरेका छन् । तर नायक आर्यन सिग्देलले भने यो कुराले आफूलाई अचम्ममा पारेका प्रतिक्रिया दिएका छन् ।आर्यनले भने -’मेरो हरेक सिनेमा करिअरसँग जोडिएका छन् । उनले आफूले आजसम्म अभिनय गरेका सबै सिनेमा करिअरका लागि नै गरेका बताए । चलचित्र आई.एम.सरी.को बारेमा जानकारी दिन काठमाडांैमा आयोजना गरिएको एक कार्यक्रममा नायक आर्यन
सिग्देल, नायिका केकी अधिकारी सहभागी थिए ।

नायिका अधिकारीले यो सिनेमा माया गर्नेहरुको सिनेमा भएको बताईन्.। चलचित्रको बारेमा जानकारी दिन आयोजना गरिएको कार्यक्रममा चलचित्रको अडियो क्यासेट पनि बिमोचन गरिएको थियो ।

कार्यक्रममा सिनेमाका दुई गीत र केही प्रोमोशनल भिजुयल समेत देखाईएको थियो । करीब १८ महिना लगाएर छायांकन गरिएको यो सिनेमालाई दिनेश रावतले गरेका हुन् । सिनेमा हरि महतले निर्माण गरेका हुन् ।

चलचित्र आई.एम.सरी. अहिले प्रतीक्षाको रुपमा हेरिएको छ । चलचित्रलाई करोड लगानीमा निर्माण गरिएको बताइएको छ ।

बर्लिन फिल्म महोत्सवमा पहिलो पटक नेपाली फिल्म

2012-01-26T03:16:00.000-08:00

'हाइवे'को वर्ल्ड प्रिमियर महोत्सवमा हुने-विश्वका प्रमुख फिल्म महोत्सव मध्येको एक बर्लिन फिल्म महोत्सवका लागि दीपक रौनियारद्वारा निर्देशित नेपाली फिल्म 'हाइवे' छनौट भएको छ। जर्मनीको बर्लिनमा आउँदो फेब्रुअरी ९ देखि १९ सम्म हुने महोत्सवका लागि छनौट भएका ११ वटा विभिन्न देशका फिचर फिल्ममा 'हाइवे' छनौट भएको हो।
हाइवेको दृश्यमा सौगात मल्ल र सृष्टि घिमिरे

महोत्सवको प्यानोरामा प्रोग्राम अन्तर्गत थप ११ फिल्म आज छानिएका हुन्। छानिएका ११ फिल्ममध्ये ८ वटा फिल्मको वर्ल्ड प्रिमियर सोही महोत्सवबाट हुँदैछ। हाइवेको पनि वर्ल्ड प्रिमियर त्यहीँबाट हुने भएको हो।

आज थपिएका ११ फिल्मसहित यो महोत्सवको प्यानोरामा प्रोग्राममा कूल ५३ वटा फिचर फिल्म प्रदर्शन हुने भएका छन्। तीमध्ये ३७ देशका फिल्म वर्ल्ड प्रिमियर हुनेछन्।

प्यानोरामामा बहस चलाउने हिसाबले बनाइएका फिल्महरुको छनौट हुने गर्छ।

सन् १९७८ देखि वार्षिक रुपमा आयोजना हुने बर्लिन फिल्म महोत्सवमा पहिलो पटक नेपाली फिल्म छनौट भएको हो।

'हाइवे'मा अमेरिकी कम्पनी लुभर्चुर फिल्मस्ले सहलगानी गरेको छ। यो कम्पनीले अभिषेक बच्चन अभिनित बलिउड फिल्म 'दम मारो दम' पनि निर्माण गरेको हो।
लुभर्चुर फिल्मस्ले निर्माण गरेका फिल्महरू संसारका प्रतिष्ठित फेस्टिभलहरूमा सहभागी हुँदै आएका छन्। त्यसैले कम्पनीसँगको सहकार्यलाई निर्देशक दीपक रौनियार फेस्टिभलको नेटवर्कमा प्रवेश गर्ने ढोका मान्छन्। 'एउटा नेपाली फिल्मले वास्तविक अन्तर्राष्ट्रिय बजार हासिल गर्न सक्छ यो पटक,' दीपकले गत भदौमा नागरिकसित कुरा गर्दै भनेका थिए, 'भविष्यमा अरू नेपाली फिल्मका लागि पनि ढोका उघ्रिनसक्छ।'
समिरमणि दीक्षितद्वारा निर्मित 'हाइवे'मा नेपालीहरूले राजमार्गको यात्रा गर्दा भोग्नु परेका समस्याहरूको कथा उनिएको छ। यसमा कर्म, सौगात मल्ल, ऋचा शर्मा, विनय श्रेष्ठ, इलम, दयाहाङ राई, राजन खतिवडा लगायतको मुख्य अभिनय छ।

हाइवेले अनलाइन क्राउड फन्डिङ वेबसाइट 'किकस्टार्टर' मार्फत् पोस्टप्रोडक्सनका लागि ३३ हजार ६ सय ४७ अमेरिकी डलर (करिब २७ लाख रुपैयाँ) संकलन गरेको थियो।
आज मनोनीत ११ फिल्मको सूचि
बुगिस स्ट्रिट रिडक्स
योनफान, हङकङ

चेरी
स्टेफन इलियट, अमेरिका
वर्ल्ड प्रिमियर

चोको

जोन्नी हेन्ड्रिक्स हिनेस्ट्रोजा, कोलम्बिया
वर्ल्ड प्रिमियर

ग्लाउबे, लाइबे, टड
पिटर केर्न, अस्ट्रिया
वर्ल्ड प्रिमियर

हाइवे
दीपक रौनियार, नेपाल/अमेरिका
वर्ल्ड प्रिमियर

आइरन स्काइ
टिमो भुओरेन्सोला, फिनल्यान्ड/नेदरल्यान्डस्/अस्ट्रिया/जर्मनी
वर्ल्ड प्रिमियर

लभ बाइ डोज
निउ चेन-जेर, चीन/ताइवान

म्यान अन ग्राउन्ड
अकिन ओमोटोसो, दक्षिण अफ्रिका

माइ ब्रदर डेभिल
स्याली एल होसेनी, बेलायत
वर्ल्ड प्रिमियर

रेन्टानेको
नाओको ओगिगामी, जापान
वर्ल्ड प्रिमियर

द कन्भोइ
एलेक्सी मिज्गिरेभ, रुस
वर्ल्ड प्रिमियर

डाइनिङ टेवलको सेक्स प्रियंकालाई मज्जा

2012-01-26T03:03:00.000-08:00

प्रियंका कार्कीको पहिलो परिचय हो सन् २००५ की मिस टीन नेपाल । तर प्रियंका यतिखेर मिस नेपाली सिनेक्षेत्रकी नायिका समेत बनेकी छन भने सिसबाट मिसेस प्रियंका कार्की मैनाली समेत बनेकी छन् ।पतिसँगै अमेरिका बस्ने प्रियंका केही महिना छुट्टी बिताउन नेपाल आएका बखत नेपाली मिडियामा उनको खुवै चर्चा भयो । प्रेम, सेक्स र जीवनबारे खुलेरै गरिएका उनका टिप्पणी यतिखेर सिनेक्षेत्रमा
चियागफका बिषय बनेका छन् । हुँदाहुँदा प्रियंका यतिसम्म खुल्न थालिन की उनले श्रीमानसँग कुन ठाउँमा सेक्स गर्दा आनन्द आउंछ र कुन पोजिसन रुचाउँछिन समेत भन्न भ्याइन् ।

हालै एक साप्ताहिक पत्रिकालाई सेक्स अन्र्तवार्ता दिंदै प्रियंका ले सेक्सका लागि बेड रेगुलर ठाउँ भएपनि नयाँ नयाँ ठाउँमा ट्राई गर्ने बताएकी छन् । प्रियंका भन्छिन-’ नयाँ अनुभवका लागि क्लोजेटमा ट्राई किन नगर्ने ? अझ डाइनिङ टेवलमा सेक्स गर्नुको आनन्दै वेग्लै ।’

कति अबधिमा सेक्स गर्न रुचाउनुहुन्छ भन्ने प्रश्नमा प्रियंका को जवाफ छ- कसैले दिनहुँ गर्लान, कसैले हप्तामा गर्लान तर मेरा लागि सेक्स मुडमा भर पर्छ । प्रायः काममा ब्यस्त भइरहने हुनाले श्रीमानसँग लामो ग्यापमा भेट हुन्छ । त्यतिबेला मेरालागि सेक्स स्पेशल हुन्छ ।’

कुन पोजिसनमा सेक्स उत्तम लाग्छ भन्ने प्रश्नमा प्रियंका भन्छिन- ‘मलाई परम्परागत पोजिसन अर्थात पुरुष माथि र महिला तल हुने पोजिसन नै सहज लाग्छ । आफु माथि हुने पोजिसनमा बढि एक्सरसाइज गर्नुपर्ने भएकाले म यो पोजिसनमा त्यति इन्जोय गर्दिन् ।’

स्वस्थ सम्बन्धका लागि सेक्स अत्यन्तै महत्वपूर्ण रहेको भन्दै प्रियंका भन्छिन- सहि पार्टनरसँग र दुवैले सहज महसुस गर्नुभएको छ भने बिबाहपूर्वको सेक्स सोह्रै आना उचित हुन्छ ।’

आफ्नो पार्टनरसँग रिलेसन राम्रो नहुनेले सही पार्टनरको खोजीमा धेरै पार्टनर बनाउने गरेपनि त्यसको परिणाम राम्रो नहुने बताउने कार्कीले आफुलाई सिंगल पार्टनर नै उत्तम लाग्ने बताइन् ।

रेखा र झरना पछि खै त नायिका ?

2012-01-25T03:18:00.000-08:00

‘यो सिनेमाले मेरो चलचित्र करिअरलाई धेरै माथि उकास्ने आशा गरेको छु’ अधिकांश नायिकाहरु सिनेमा चल्ने बेलामा यस्तै प्रतिक्रिया दिन्छन् । तर सिनेमा चलिसकेपछि उनीहरुको खासै चर्चा हँुदैन । नेपाली सिनेमा बजारमा अहिले नायिकाको अभाव चरम रुपमा देखिन थालेको छ ।अहिले मुलधारका सिनेमामा चलेका भनिएका रेखा थापा र झरना थापापछिको विकल्प को हो त ? कसैको पनि नाम लिन सकिने अवस्था छैन । नेपाली सिनेमामा नायिकाहरुको आवश्यकतालाई पुर्ति गर्दै आएका झरना र रेखा दुवै विवाहित हुन् । यसैले पनि यिनीहरुले अब लामो समयसम्म यो बजारलाई धान्न सक्छन् भन्ने देखिदैन । यो कुरा विगतका नायिकाको उदाहरणले पनि देखाएको छ ।

विश्वको जुनसुकै सिनेमा क्षेत्रमा पनि नायिकाहरुले लामो समयसम्म बर्चस्व कायम गर्न सकेको देखिँदैन । यि बाहेक अन्य थुप्रै नायिकाहरु आज छन् त भोलि छैनन् जस्तै बनेका छन् ।

नायिका केकी अधिकारी, नम्रता श्रेष्ठ, ऋचा शर्मा, नम्रता श्रेष्ठले पनि कुनै कमाल मच्चाएका छैनन् । केही आशा गरिएकी झरना बज्राचार्यले पनि खासै केही गर्न सकिनन् । नयाँ आएका नायिकाहरु काम भन्दा गफ नै धेरै दिने खालका छन् । केही सिनेमा नै खेल्न पाएका छैनन् । नायिकाहरुमा बढ्दोे घमण्डले उनीहरुलाई लामो समयसम्म सिनेमा क्षेत्रमा टिक्न दिएको छैन ।

सुमिना घिमिरे, जिया के.सी, जेनिशा के.सी जस्ता नायिकाहरु खासै बिक्न सकेका छैनन् । कुनै न कुनै निर्देशकसँग निरन्तर नाम जोडिने भएकाले पनि यि नायिकाहरु फिल्मी क्षेत्रका नायिका भन्दा पनि क्याम्पका नायिकाका रुपमा सीमित छन् । यसकारण, पनि यिनीहरुलाई लामो रेसको घोडाको रुपमा हेर्न सकिएको छैन । सबैजना फरकधारको सिनेमा भनेर कराईरहेका छन् । तर कसैले पनि कुनै सिनेमामा काम गरेर तारिफयोग्य प्रतिफल दिन सकेका छैनन् । यसैले नेपाली सिनेमा क्षेत्रमा रेखा र झरना पछिको बिकल्प देखिएको छैन ।

जस्तो कि करिश्माको बर्चस्व रहेको समयमा निरुताको आगमन भयो । जहाँ उनी लामो रेसको घोडा देखिईन् र चलिन् पनि । यसपछि निरुता चल्दा चल्दै नायिका रेखा थापाको सिनेमा क्षेत्रमा प्रवेश भयो र उनी चलिन् पनि । तर १० वर्षसम्म रेखा निरन्तर चल्दा पनि अर्को बिकल्पको रुपमा नायिका आउन सकेको पाइर्ंदैन । यसकारण रेखा थापा र झरना थापापछि को नायिका हुन् भनेर सोच्न सक्ने अवस्था आएको छैन । आखिर को होला त यि दुईपछिको बिकल्प नेपाली सिनेमा क्षेत्रमा ?

पोष्टर मात्रै कि सिनेमा पनि चोरी हो ?

2012-01-25T03:15:00.000-08:00

सोमबार मात्र आफ्नो पोष्टर र गीतसंगीत सार्वजनिक गरेको चलचित्र ‘चपली हाईट’को निर्माणकर्ताहरुले यतिवेला दर्शकको माया पाउनुको साटो आलोचना खेपिरहेका छन् । उनीहरुले आलोचना खेप्नुको कारण हो, सार्वजनिक गरिएको पोष्टर चोरी गर्नु ।बिनिता बराल र दुई नायकका साथमा खिचिएको फोटो हुबहु एक हलिउड सिनेमासँग चोरी भएको देखिएको छ । हलिउड सिनेमा ‘बेसिस ईन्स्टीङ्ट’ बाट यो चलचित्रको पोष्टर कपि गरिएको हो । यो सिनेमाको पहिलो र दोश्रो भागबाट नै सिनेमाको पोष्टर कपि गरिएको छ ।हेर्दा हलिउड सिनेमाको जस्तो लाग्ने अर्जुन कुमारले निर्माण गरेको यो चलचित्रको पोष्टर कपि गरीएको हो । हुन त नेपाली सिने क्षेत्रमा पोष्टर कपि गरिनु खासै नयाँ कुरा होईन । यसभन्दा अघि पनि यस्ता कयौं सिनेमाहरुका पोष्टर कपि भएका छन् । दिपेन्द्र के खनालले निर्देशन गरेको यो सिनेमामा नायिका बिनिता बराललाई पोष्टरमा कपडाबिहिन देखाईएको छ ।

जसरी हलिउड सिनेमामा नायिकाले नायकलाई अंगालो मारेकी छिन्, यसैगरी यो ‘चपली हाईट’को पोष्टरमा पनि यसैगरी बिनिताले नायक आमिर गौतमलाई अंगालेकी छिन् । यस्तै पोष्टरको अर्को
भागमा जसरी हलिउड नायिका बसेकी छिन्, यसैगरी नायिका बराललाई पनि कुर्सीमा राखी फोटो खिचिएको छ ।जे भएपनि यो पोष्टर यो हलिउड सिनेमाबाट पूर्ण रुपमा प्रभावित छ । यसले के देखाउँछ भने फरक पन बोकेको यो सिनेमाले शुरुवातमै आफुलाई चोरीको आरोपबाट मुक्त भने पार्न सकेन । हेरौं सिनेमा भने चोरी भएको छ या छैन ।

नग्नता त सुन्नै सक्दिनन् रे बिनिता !

2012-01-23T10:45:00.000-08:00

कुनै समय एक चलचित्रका लागि नै टपलेस फोटो खिचाएकी नायिका बिनिता बराल अहिले नग्नता, ग्लायमर भन्ने बित्तिकै दिक्क मान्छिन् । कारण ‘चपली हाईट’मा टपलेस फोटो खिचाएपछि एक्कासी विवाद र चर्चामा तानिएकी यि नायिकालाई यो घटनाले नै नग्नता भन्ने शब्दबाट दिक्क लगाएको रहेछ । एक भेटमा बिनिता भन्दै थिईन् -’मलाई नग्नता होईन, अब यसलाई नै मिलाएर सौन्दर्य भन्ने शब्द सुन्न मनलाग्छ । त्यो घटनाले धेरै कुरा सिकाएको छ । हुन त संसारमा बिक्ने नै सेक्स हो । तर
पनि अहिले म यो सुन्न समेत नसक्ने भएको छु । यो शब्द सुन्ने बित्तिकै मलाई भमिट आउँछ ।’

नायिका बराल अब आफुले यस्तो सिनेमा नगर्ने समेत दावी गर्छिन् । चलचित्र ‘चपली हाईट’को स्क्यान्डलका कारण परिवारबाट समेत धेरै नै आलोचना भोगेकी उनी अब यो सिनेमामा दिएको जस्तो भुमिका नगर्ने बताउछिन् । नग्नतादेखि नै दिक्क मानेकी यि नायिका पत्रकारले समेत यसबारेमा प्रश्न नसोधिदिए हुन्थ्यो भन्ने मुडमा देखिएकी थिईन् ।

नायिका बिनिता भन्छिन् -’अब म यस्तो भुमिका गर्दिन । मैले गर्ने अर्को सिनेमामा मेरो भूमिका बेग्लै हुन्छ ।’ जे होस्, पहिलो सिनेमाबाट नै नायिका बिनिता बरालले राम्रै पाठ सिकेकी रहिछन् । हेरौ, उनले खेल्ने आगामी सिनेमामा उनको भूमिका कस्तो हुने हो । तर बिनिताजी समाज र देशको परिवेश हेरेर दृश्य दिएमा यसरी भमिट नै आउने गरी दिक्क मान्नु नै पर्दैन नि ।

शक्तिशाली बन्दै रेखा

2012-01-23T02:49:00.000-08:00

रेखा थापा सिनेमा क्षेत्रका शक्तिशाली नायिका तथा निर्मात्रीको रुपमा चिनिन्छ । तर अब चलचित्र क्षेत्रबाहिर होईन सिनेमाको पर्दामा पनि उनी शक्तिशाली हुने भएकी छिन् । उनलाई शक्तिशाली बनाउने काम गर्न लागेका हुन्, निर्देशक विजयविक्रम बस्नेतले । ‘हाता लाग्यो शून्य’ नामक सिनेमा बनाएका विजयले रेखालाई मुख्य पात्रको रुपमा लिएर चलचित्र ‘द पावर’ निर्माण गर्न लागेका हुन् । चलचित्र ‘द पावर’मा उनका अलवा श्याम कटुवाल मुख्य भुमिकामा रहनेछन् ।नायिका रेखा थापाले मदरासी सिनेमाका नायक जसरी यो सिनेमामा भिलेनको
धुलाई गर्ने निर्देशक बस्नेतले बताएका छन् । चलचित्रमा विकास चौधरीले संगीत भरेका छन् । हाल गीत संगीतको काम तीव्र रुपमा भईरहेको यो सिनेमा फागुनबाट छायांकनमा जाने तयारीमा रहेको छ ।

चलचित्र ‘द पावर’बाट आफ्नो निर्देशकीय छवी द्वन्द्वात्मक धारमा समेत रहने बिश्वास निर्देशक बस्नेतले लिएका छन् । हाल एक सांकृतिक कार्यक्रमका लागि मुम्वई पुगेकी रेखा नेपाल र्फकने बित्तिकै सिनेमाको बारेमा अन्य काम अगाडि बढ्ने छ ।

दुई जोडीलाई विवाह गराउने सिनेमा

2012-01-23T02:43:00.000-08:00

नायक निखील उप्रेतीसँग विवाह बन्धनमा बाँधिएपछि एकाएक संचारमाध्यमबाट टाढा नै बस्न रुचाएकी नायिका संचिता लुईटेल आईतबार पुन पत्रकारबाट लुक्ने प्रयास गरिन् । आफुले अभिनय गरेको चलचित्र ‘विजयपथ’को बारेमा जानकारी दिन आयोजना गरिएको पत्रकार सम्मेलनमा संचिता आउने भनिएतापनि आफन्त विरामी भएको खवर गर्दै उनी उपस्थित भईनन् ।

उनलाई पत्रकार तथा चलचित्रको युनिटले १ घन्टा भन्दा बढी समय कुरेपनि उनको उपस्थित भने अन्तिम समयमा आएर भएन । निखीलसँग विवाह गरेपछि एकाएक संचारमाध्यमबाट टाढा रहेकी संचिता सम्भवतः त्यसपछि पत्रकारको अगाडि परेकी छैनन् र फेरि पनि टाढा नै भईन् ।यही माघ १३ गतेबाट एकसाथ नेपाल र भारतबाट प्रदर्शनमा आउने तयारीमा रहेको चलचित्र ‘विजयपथ’मा संचिताको अलवा निखील उप्रेती, सुशिल क्षेत्री, सरोज के.सी., पवित्रा निरौला, दिपक त्रिपाठीको मुख्य भुमिका रहेको छ । चलचित्र भारतका बिभिन्न ४० स्टेशनबाट एकसाथ प्रदर्शनमा आउने तयारीमा रहेको छ । चलचित्र ‘विजयपथ’मा शिव ढकालको छायांकन, वसन्त सापकोटाको संगीत रहेको छ । ‘विजयपथ
’ सिनेमा पत्रकारहरुको कथावस्तुमा आधारित रहेको छ । यसका साथै चलचित्रमा बालक अपहरण, द्वन्द्व, माया प्रेमका प्रशस्त मसलाहरु समावेश रहेको यसका निर्देशक वसन्त निरौलाले जानकारी गराए । चलचित्र ‘विजयपथ’को छायांकन हुँदाको क्षणमा नायक निखील उप्रेती र संचिताको विवाह भैसकेको थिएन । तर, यो सिनेमाको छायांकन पछि यी दुईले विवाह गराएका थिए ।

यतिमात्र होईन, सिनेमाको छायांकन पश्चात सिनेमाका निर्देशक वसन्त निरौला र नायिका पवित्रा आचार्यबीच पनि विवाह भएको थियो । यो सिनेमाको छायांकनको क्रममा यी दुई जोडीको मायाप्रेम मौलाएको थियो । यसरी हेर्दा सस्पेन्स र थि्रलर भनिएको सिनेमाले वास्तविक जीवनमा भने दुई जोडीलाई वास्तविक जीवनमा विवाह बन्धनमा बाँध्न मद्दत गरेको देखिन्छ । हेरौं सिनेमाको व्यापार भने अवबकस्तो हुने हो ?

नायक पनि, गायक पनि

2012-01-21T02:50:00.000-08:00

पछिल्लो समयमा गायकहरुले समेत चलचित्रमा अभिनय गरेका छन् । यशकुमार, बाबु बोगटीजस्ता गायकहरुले सफल नायकको भूमिकासमेत निर्वाह गरिसकेका छन् । गायक नायक भएजस्तै नायक पनि गायक भएका उदाहरणसमेत धेरै छन् ।फिल्म तथा टेलिभिजनको पर्दामा अभिनय गर्ने कतिजना नायक-नायिकाले गीत गाउने गर्छन् ? तपाईंले अनुमान सहि लगाउन सक्नुहुन्छ । नायक र गायक दुवै क्षमता भएका
कलाकारहरु हिसाब गर्दै जाँदा धेरै भेटिन्छन् । पहिले नायक भएर रहरै रहरमा पछि गायक भएकाहरु धेरै छन् । हास्य अभिनेता र चलचित्रमा नायकको समेत भूमिका निर्वाह गर्ने वरिष्ठ हास्यजोडी मदनकृष्ण श्रेष्ठ र हरिवंश आचार्यले धेरै गीत गाएका छन् । मदनकृष्णको नेवारी गीत धेरै सुन्न पाइन्छ । हरिवंशले एकताका गाएको साझा बसमा जो पनि चढ्दछ……………, चञ्चले चञ्चले………..गीत अहिले पनि चर्चित छन् ।

कलाकारहरुले आधुनिक, चलचित्र र लोकदोहोरीमा समेत गीत गाउन भ्याएका छन् । एकताका नायक भुवन केसीले पानमा पराग छ………भन्ने गीत गाएर सबैलाई चकित बनाए । नायिका निरुता सिंह र रेखा थापाले पनि गीत गाएका छन् । छोडीजाने मायालुलाई………भन्ने गीत गाएर नायिका सिंहले चर्चा पनि कमाइन् । हाँस्य कलाकार किरण केसीले त आफ्नै शब्द र स्वरमा एल्बमसमेत निकालेका छन् ।

गायकलाई नायक बन्नजस्तै नायकलाई गायक बन्न सुरुमा केही अप्ठेरो पर्ने गर्छ । कलाकाहरु यही अनुभव गर्छन् । कति रहरै रहेमा नायक र गायक भएका छन् । कतिपयले दुवैमा सफलतासमेत हासिल गरेका छन् ।

ब्रेकअप एक बर्ष अगाडी नै भएको हो : झरना बज्राचार्य

2012-01-19T10:48:00.000-08:00

सेक्सी एण्ड बोल्ड नायिका झरना बज्राचार्य नेपाली चलचित्रमा कमै मात्र देखिने गर्छिन् तर उनको चर्चा भने सधैं नै भईरहन्छ । कहिले भारत पलायन भएको त कहिले बिबाह अनि कहिले डिभोर्स ।

केहि समय अगाडी मात्र प्रशन्न पौडेलको चलचित्र 'मेरो बेस्ट फ्रेण्ड' मा अभिनय गर्ने तयारी गरेकी झरना एक्कासी लण्डन पुगेपछि सञ्चारमाध्यले उनको बारेमा थुप्रै बिश्लेषण गरे । कतिले उनी आफ्ना श्रीमान भेट्न गएको अनुमान लगाए भने कतिले नेपाली चलचित्रलाई लात हानेर गएको आरोप लगाए । अनुमानहरू थुप्रिदै गए
तर झरना भने मौन बसिरहिन् । कारण उनी मिडियामा आउन चाहन्थिनन् । तर अहिले भने उनी खुलेर प्रस्तुत भएकी छिन् र आफू लन्डन जानुको कारण खुलाएकी छिन् ।

युरोपमा रहेर नेपाल र नेपाली चलचित्रलाई प्रोमोट गरिरहेका झरनाका प्रशंशक लेक्स लिम्बुसँग खुलेर कुरा गर्दै झरनाले आफू मेडिटिएसनका लागि लन्डन आएको बताएकी छिन् । प्रेमी कारार हिलसँगको सम्बन्ध एक बर्ष अगाडी नै ब्रेक भएको बताउँदै झरनाले अहिले आफू सिङ्गल रहेको तर मिङ्गल हुन नचाहेको बताएकी छिन् । हाल बेलायतीहरू सँग मेडिटिएसनमा मस्त रहेकी झरनाले अब नेपाली चलचित्रमा देखिने सम्भावना कम रहेको संकेत देखाएकी छिन् ।

झरनासँग लेक्स लिम्बुको एक छिन

केकीको कमाइ ३ लाख

2012-01-17T08:38:00.000-08:00

डेढ वर्ष लगाई सुटिङ सिध्याएको फिल्म 'आइ एम सरी'बाट अभिनेत्री केकी अधिकारीले अहिलेसम्मकै सर्वाधिक पारिश्रमिक पाएकी छिन्। तीन लाखभन्दा बढी रकम लिएकी केकीको यो फिल्म माघ २७ मा रिलिज हुँदैछ। 'फिल्मको सुटिङ अवधि नै लम्बिएपछि त्यतिको पैसा कम पो भएजस्तो लाग्यो। एउटै फिल्मको लागि धेरै समय दिनुपरेपछि कलाकारलाई पनि अप्ठ्यारो हुन्छ,' उनले भनिन्। एक कर्पोरेट युवतीको भूमिकामा देखिने केकीले पहिलो फिल्म 'स्वर'बाट एक लाख लिएकी थिइन्।त्यसको सुटिङ एक महिनामै सकिएको थियो।
साधारणतया एउटा म्युजिक भिडियोमा ३० देखि ४० हजार लिने उनले २२ दिनमै सुटिङ सकिएको 'मसान'मा दुई लाख लिएकी थिइन्।
'आफूले गरेको काम अनुसार रकम लिनुपर्छ भन्ने विश्वास गर्छु। मैले अभिनय गरेको फिल्ममा मेरो भूमिकाको महत्व बुझ्नेले रकम दिन आनाकानी गर्दैनन्,' उनले भनिन्। 'ए फर अमेरिका' फिल्मको काठमाडौंको सुटिङ सिध्याएर बसेकी केकी म्युजिक भिडियोमा व्यस्त छिन्।

किन चिढिइन् रेखा, हमालसँग

2012-01-17T08:27:00.000-08:00

नायक राजेश हमाल नेपाली सिनेमा क्षेत्रका चर्चित नायक । २२ वर्षदेखि नेपाली सिनेमा क्षेत्रमा राज गर्दै आएका महानायक पनि । उनलाई अहिले नेपाली सिनेमा क्षेत्रको महानायक पनि भनिन्छ । आम दर्शकदेखि चलचित्रकर्मीहरु राजेशलाई महानायक नै भन्ने गर्छन् । उनको योगदान र कामलाई मूल्याँकन गर्दा उनी महानायक हुने व्यक्ति पनि हुन् । तर नेपाली सिनेमा क्षेत्रकी एक चर्चित नायिकाको नजरमा भने राजेश हमाल महानायक होईनन् रे ।अहिलेकी हट एन्ड चुलबुले नायिकाको रुपमा परिचित रेखा राजेशलाई महानायक भन्न रुचाउँदिनन् । उनको नजरमा आखिर को त नेपाली सिनेमा क्षेत्रको महानायक ? रेखा भन्छिन् -’नेपाली
सिनेमा क्षेत्रको महानायक भुवन के.सी हुन् । उहाँको जस्तो अभिनय र उहाँको जस्तो क्रेज नेपाली सिनेमा क्षेत्रमा अरु कसैको पनि छैन । यसैले म उहालाई महानायक भन्न रुचाउँछु ।’आखिर सिनेमा क्षेत्रदेखि दर्शकले समेत राजेश हमाललाई दिएको महानायकको उपाधी रेखालाई भने किन भुवनलाई दिन मन लाग्यो त ? रेखाको जवाफ छ -’यहाँ को को ले को कोलाई महानायक भन्छन् । तर म भन्छु, भुवन के.सी महानायक हुन् ।’

भुवन के.सी.लाई महानायकको उपाधी दिनुको पछाडि रेखा राजेशसँग धेरै नै चिढिएको देखिन्छ । एक कार्यक्रममा राजेश हमालले बिहे कहिले गर्लान् त भन्ने हाम्रो प्रश्नमा समेत नो कमेन्ट भन्दै पन्छिएकी रेखा राजेश हमालसँग चलचित्र खेल्न र उनका वारेमा बोल्न खासै रुची राख्दिनन् । रेखाकै भाषामा भन्ने हो भने त राजेश हमाल त उनका लागि अंकल हुन् । तर, अचम्म के छ भने राजेश सँगैका भुवन भने रेखाको नजरमा अंकल नभएर दाई भएका छन् ।

रेखाले राजेशसँग सुरुवातमा हिरो र यसपछि अजम्बरी नाता खेलेपछि उनको प्रेमिका भएर सिनेमा समेत खेलेकी छैनन् । अधिकांश नयाँ नायकसँग नै सिनेमा खेल्न रुचाउने रेखाले भुवन के.सी.सँग भने साथी म तिम्रो मा प्रेमिका भएर खेल्नुलाई अचम्म मान्न सकिन्छ । तर राजेशप्रतिको उनको व्यवहार र उनले भुवनलाई दिएको महानायकको उपाधीले राजेशसँग रेखा चिढिएकी छिन् भन्ने कुरालाई बुझ्न खासै धेरै समय भने लाग्दैन ।

‘सुमिना र अनुष्काले छोड्नुको अर्थ छैन’

2012-01-17T08:25:00.000-08:00

नायिका सुमिना घिमिरे र अनुष्का ढकालले सिनेमा क्षेत्र छोडेको घोषणा गरे केही महिना अघि । तर यी कुरा खासै चर्चामा आएनन् । सुमिना र अनुष्काले सिनेमा क्षेत्र छोडेर घाटा उनीहरुलाई नै लाग्यो होला, यो क्षेत्रलाई लागेन । नायिका सुमिना घिमिरेले आफ्नो डेब्यु सिनेमालाई नै महत्व नदिएपछि क्रुद्ध बनेका निर्देशक ज्ञानेन्द्र देउजा भर्खर आएका नायिकाले सन्यास लिनुको कुनै औचित्य नभएको बताउँछन् । ‘राजेश हमाल, विराज भट्टले सन्यास लिए भनेर कुरा आए बल्ल सोच्नु पर्ने हुन्छ, यिनीहरुले के योगदान गरेका छन् र सन्यास लिएको कुरा गर्नु ?’ ज्ञानेन्द्रले प्रश्न गरे ।चलचित्र ‘छबिलाल कञ्जुस छैन’बाट सुमिनालाई यो क्षेत्रमा भित्राएका ज्ञानेन्द्र अहिले उनले देखाएको व्यवहारबाट क्रुद्ध बनेका छन् । ‘तीनहप्ता भयो मैले फोन गरेको तर उसले कुनै प्रतिक्रिया जनाएकी छैन, अव के भन्ने ?’ देउजाको भनाई छ । चलचित्र ‘छबिलाल
कञ्जुस छैन’लाई पहिलो पटक युएईमा रिलिज गर्न लागेका देउजा माघ १२ गते त्यता जान लागेका छन् । ‘सनहिल’ नामक कम्पनीले निरन्तर सिनेमा रिलिज गर्ने सोचका साथ पहिलो पटक यो सिनेमा रिलिज गर्न लागेको हो । ‘यसले निर्मातालाई ८ देखि १० लाख रुपैंयासम्म दिन सक्छ, यो राम्रो कुरा पनि हो’ उनले भने ।
चलचित्र ‘छबिलाल कञ्जुुस छैन’को प्रदर्शन माघ १३ गते गोल्डेन प्लाजा नामक हलमा हुने तयारी भएको छ । यसपछि निरन्तर रुपमा महिनामा एकपटक यहाँ सिनेमा रिलिज हुनेछन् । यो कम्पनी नायक सुमन सिहंका आफन्तहरुको हो । यसैले पनि पहिलो पटक सुमन अभिनित सिनेमा रिलीज हुन लागेको हुनसक्छ । तर, युएईएमा सिनेमा सेन्सरका लागि पि्रन्टमा हुनुपर्ने भएकाले पनि डिजिटल प्रविधिका सिनेमा भने प्रदर्शन हुन नसक्ने देखिएको छ ।
यसरी सुमिनाको क्रियाकलापले रुष्ट बनेका ज्ञानेन्द्र युएइमा पाएको बजारले मख्ख भने देखिएका छन् । नेपाली सिनेमाको बजार खोजिरहेको समयमा युएईमा शुरु भएको यो सिनेमा प्रदर्शनको तयारीले पक्कै पनि निर्मातालाई फाईदा गर्ने निश्चित छ ।

‘एकअर्काको फोन खोतल्दैनौं'

2012-01-05T11:51:00.000-08:00

कहिलेकाहीँ फोनमा समस्या आउँदा अभिनेत्री ऋचा घिमिरे आफ्ना पति फिल्म निर्देशक शंकर घिमिरेको मोबाइल चलाउने गर्छिन्। नत्र अरुबेला उनी पतिको फोन छुँदैनन्। न्यु इयरमा फोटो खिचेदेखि यता उनले शंकरको फोन चलाएकी छैनन्। शंकर पनि ऋचाको फोन हेर्दैनन्। कामबाहेक कहिल्यै पनि एकअर्काका फोन नचलाउने उनीहरुको समझदारी छ। शंकरको फोन एनसेल भएकोले नेटवर्क नलागेको बेला ऋताको फोन माग्छन्। ‘तर अरुबेला फोन खोतलेर हेर्ने चलन हाम्रो छैन। त्यतिसम्म अविश्वास गर्न थाले भने त सँगै बस्न सम्भव होला र?' ऋचाको प्रश्न छ। पतिपत्नी
जहिले पनि सँगसँगै हुने हुँदा एकअर्काको फोन चियाउनु पर्ने कारण नै नभएको ऋचा बताउँछिन्। आफूलाई फोन गर्ने केटा र पतिलाई फोन गर्ने केटी सबै चिनाजानका हुने हुनाले चियोचासो गर्न आवश्यक ठान्दैनन् ऋचा।
आफूभन्दा पति नै फोनमा बढी व्यस्त हुने उनको ठम्याइ छ। घनिष्ट साथीहरूसँग कुरा गर्नमात्र फोन प्रयोग गर्ने ऋचा धेरैजसो एसएमएस आदानप्रदान गर्छिन्।
‘मेरो एसएमएस गर्ने बानीबाट धेरै मानिससँग झगडा परेको छ। मलाई केही चित्त बुझेन भने एसएमएस गरिहाल्छु। मानिसहरू त्यसलाई नराम्रो रूपमा लिइदिन्छन् ,' हाल ‘तुलसी' फिल्मको डबिङमा व्यस्त उनले भनिन्।
यसअघि पोस्टपेड चलाउने ऋचासँग अहिले प्रिपेड नम्बर छ। एक पत्रिकाले पोस्टपेड नम्बर छापिदिँदा ब्लफकल आउन थालेपछि उनले फोन बदलेकी हुन्। कुरा गर्नबाहेक
गीत सुन्न र गेम खेल्न मोबाइल चलाउँछिन् उनी।

‘जलजला’ हेर्न प्रचण्ड कुमारी हल पुगे

2012-01-05T10:30:00.000-08:00

एकीकृत नेकपा माओवादी अध्यक्ष पुष्पकमल दाहाल वुधवार विहान एकाएक कुमारी चललिच हलमा देखिए । शासकीय स्वरुप लगायत संविधानका विषयमा दलहरुबीच चलिरहेको रस्साकस्सी छाडेर प्रचण्ड सिनेमा हलमा पुगेका हुन् । माओवादी अध्यक्ष प्रचण्ड चलचित्र ‘जलजला’ हेर्न पुगेका हुन् । उनले चलचित्र आधा मात्र हेरे र बीचमै निस्किएर हिडेका थिए ।जलजला माओवादी जनयुद्धको विषयमा आधारित चलचित्र हो । चलचित्र हेर्नका लागि प्रचण्डसँगै कृष्णबहादुर महरा, अग्नि सापकोटा, लडाकूका कमाण्डर नन्द किशोर पुन कुमारी हल पुगेका थिए । उसो त माओवादी जनयुद्ध र क्रान्तिका विषयमा मात्र बनेका सिनेमा हेर्ने
माओवादी नेताहरु यसअघि पनि हल नपुगेको होइनन् ।माओवादी अध्यक्ष पुष्पकमल दाहालले सिनेमा पुरै नहेरेकाले केही प्रतिक्रिया दिन नसक्ने बताए । यस्तै, नेता महराले सिनेमाले क्रान्तिको पाटोलाई उठाएकाले सबैलाई एकपटक हेर्न आग्रह गरे ।शिवजी लामीछानेको निर्माणमा तयार भएको जलजलामा आयुष रिजाल, रेखा थापाका साथमा केही नयाँ कलाकारको समेत अभिनय रहेको छ । जलजला माओवादी जनयुद्धको समयमा चर्चित वनेको एक स्थान समेत हो । चलचित्र जलजलाले विदेशी हस्तक्षेपका र क्रान्तिका पाटोलाई उठान गरेको छ ।

जे होस्, माओवादी जनयुद्ध र क्रान्तिका विषयमा तयार भएका सिनेमाले अपेक्षित व्यापार भने गरेका छैनन् । यो क्रममा प्रदर्शनमा आउने तयारीमा रहेको चलचित्र जलजलालाई दर्शकले रुचाउने हुन् या होइनन् यो भने अहिले नै आकलन गर्न सकिँदैन ।

महङ्गा सिनेमाले थिचिए आर्यन

2012-01-05T10:26:00.000-08:00

नायक आर्यन सिग्देल अहिले घरमै वसेका छन्, उनको हातमा सिनेमा छैनन् । यस्तै हल्लाहरु छन् बजारमा । एकअर्थमा भन्ने हो भने यो कुरा सत्य पनि हो । आर्यन सिग्देलले अभिनय गरेका सिनेमाले लगानी उठाउन सकेनन्, यसैले पनि उनी असफल नायक हुन् धेरैको विश्लेषण हो यो । यदि चलचित्रले लगानी उठाएन् भने त्यो असफल सिनेमा हो र यो सँग जोडिएका हरेक कलाकार पनि असफल हुन् ।उनले अभिनय गरेका सिनेमा यो वर्ष मात्र दुईवटा असफल भए र बाँकी एक सिनेमा प्रदर्शनको क्रममा रहेको छ । नेपाली सिनेमाले
बजार पाएको छैन, यहाँ महङ्गा बजेटका सिनेमा चलेर लगानी उठाउन गाह्रौ नै पर्दछ । नायक आर्यन सिग्देल पछिल्ला केही समय महङ्गा सिनेमाले थिचिएका नायक हुन् ।

उनले अभिनय गरेको चलचित्र ‘मेरो एउटा साथी छ’ ले करीब ९० लाख निर्माताको हातमा पुर्यायो । तर, यो सिनेमा असफल भयो, कारण यसको लगानी १ करोडको हारहारीमा थियो । यदि यो सिनेमालाई समयमा सकिकिएको भए यो सिनेमाको बजेट १ करोड पुग्दैनथ्यो र लगानी पनि उठाउथ्यो ।

यही वर्ष प्रदर्शनमा आएको चलचित्र ‘के यो माया हो’को कथा पनि यस्तै नै छ । यो सिनेमा पनि १ करोड भन्दा माथिको लगानीमा बन्यो । छायांकन नगर्ने अन्य काम गर्ने भन्ने आरोप खेपेको यो सिनेमाको बजेट पनि १ करोड पुग्दैनथ्यो । तर, लामो छायांकन सेड्युलका कारण सिनेमाको बजेट आकासियो । सिनेमा व्यापारका हिसाबले यो वर्ष प्रर्दशनमा आएका अन्य सिनेमाभन्दा माथी छ तर सिनेमाले लगानी उठाएन । चलचित्र असफल दर्जामा ठहरियो र नायक आर्यन पनि असफल जस्तै नै देखिए । ‘मेरो लभ स्टोरी’को कहानी पनि उस्तै नै हो । यसपछि, अब आर्यनको चलचित्र ‘आइ एम सरी’ बजारमा आउँदैछ ।

यो सिनेमाको बजेट पनि १ करोड भन्दामाथि नाघिसकेको छ । अव, यो सिनेमाले लगानी उठाउने कुरामा शंका व्यक्त गर्न सकिन्छ । लामो समयसम्म छायांकन हुँदा सिनेमाको बजेट वढ्न गएको हो । तर, यही सिनेमालाई पनि कम वजेटमा छायांकन गरी उही स्तरियता दिन निर्माणपक्षले सक्थ्यो होला तर, यसो भएन । अहिले आर्यनको चलचित्र भविष्य यहि सिनेमासँग जोडिएर हेरिएको छ । तर, सिनेमाको बजेट हेर्दा आर्यनको अभिनय र स्टारक्रेजले मात्र यो सिनेमालाई जोगाउन सक्छ भन्ने देखिदैँन ।

यसैले, नायक आर्यन सिग्देल महङ्गा सिनेमाले थिचिएर असफलताको सूचीमा परिरहेका छन् । उनले अभिनय गरेका सिनेमा महङ्गा हुनु, निर्माताको लगानी आकासिनुको कारणले पनि उनी असफल देखिएका हुन् । नेपाली सिनेमाको बजारभन्दामाथि सिनेमा निर्माण गरेर कसरी उठ्न सक्छ लगानी ? आर्यनले पनि यो विषयमा सोच्ने हो की ?

सम्वन्ध विच्छेदको खबरपछि रेखा खुसी ?

2012-01-03T06:26:00.000-08:00

पति छबिराज ओझासँगको सम्वन्ध विच्छेदको खवरले नायिका रेखा थापालाई सम्भवतः दुखित बनाउनु पर्ने हो । तर, रेखा यो खवरले दुःखी छैनन् बरु खुशी नै छिन् । श्रीमान्सँग डिभोर्स हुन लाग्यो भनेर उनी खुशी भएकी होईनन् । उनी खुशी हुनुको कारण हो, यो खबरले अब छबिसँग बोलचाल हुने भयो भनेर ।
‘अनलाइनखवरमा आएको समाचारले मलाई सुखद अनुभुति दिएको छ । कारण, अब हाम्रो घर फेरि राम्रोसँग चल्ने भयो, अनि हामीबीच फेरि बोलचाल हुने भयो’ रेखाले भनिन् । आफूहरुबीचको खवर बाहिर आएपछि पति
छबिराज ओझाले दिएको प्रतिक्रियाबाट उत्साहित रेखाले भनिन्-’त्यो पागल हो जे पनि बोल्दै हिँड्छे भनेर ड्याडी अर्थात छबिले भनेको रहेछ ।’ छबिको यो कुराले रेखालाई निकै खुशी तुल्याएको छ । ‘ड्याडीले नयाँ वर्षको दिनमा रेखा फिल्मस् परिवार भनेर सबैतिर शुभकामना पठाएको छ, धेरैलाई । अब तपाई नै आफैं भन्नुहोस् हाम्रो सम्वन्ध कसरी नराम्रो हुन सक्छ ?’

रेखाले भनिन्-’म निखिल र संचिताको सूचीमा नै पर्न चाहन्न । किनकी, कसैलाई छोड्दै कसैलाई अपनाउँदै हिड्ने खालको म होईन । यस्ता, विषयमा म निक्कै सजक छु । किनकी, यसले मेरो करिअर र व्यक्तित्वमा निक्कै नै असर पुर्याउँछ ।’

रेखाले आफूहरुबीच डिभोर्स हुन लागेको भन्ने कुरा सत्य नभएको पनि बताईन् । ‘बोलचाल नभएको त हो, तर अब समाचारका कारणले गर्दा म काठमाडौं आएपछि हामीबीच बोलचाल पनि हुन्छ । पत्रकारहरुले कहिलेकाँही सेलीव्रेटीको घरवार बसालीदिने काम पनि गर्नुपर्दछ, जुन यसपटक मिडियाले गरीदिएको छ’ रेखाले भनिन् ।

यसैबीच नायिका रेखा थापाले आफुले जडिवुटीमा घर किनेको भन्ने खवरलाई समेत अस्वीकार गरेकी छिन् । ‘एक वर्ष अगाडि म एउटा घर हेर्न जडिवुटी गएको थिएँ । यसपछि त मैले हेरेको घरलाई नै रेखाको घर भनेर हल्ला गरिएछ । तर, मैले घर किनेँ भने सबैलाई भनेरै किन्छु’ उनको भनाई छ ।

यसरी, रेखा र छबिबीचको डिभोर्स हुने कुरा भने यसपटक टरेको देखिन्छ । हेरौँ अव काठमाडौ आएपछि रेखाले के कुरा राख्ने हुन् । कतै, रेखा र छबिबीचको वोलचाल नभएका तथा डिभोर्स हुने कुराहरु रेखा फिल्मस्को व्यानरमा तयार भएको सिनेमा रावणको पबिलसिटीको एउटा बहाना त होईन ?

'लुट' वयष्कलाई मात्र

2012-01-03T06:01:00.000-08:00

आउँदो पुस २९ मा रिलिज हुने फिल्म 'लुट'लाई सेन्सर बोर्डले सोमबार 'ए' सर्टिफिकेट दिएको छ। अर्थात् यो फिल्म वयष्क उमेरका दर्शकले मात्र हेर्न पाउनेछन्। फिल्ममा प्रयोग भएका गालीगलौजका शब्दहरुलाई पनि सेन्सर बोर्डले मेटाइदिएको छ।
गालीगलौजका शब्द मेटाएपछि पनि 'ए' सर्टिफिकेट दिएकोमा निर्माता माधव वाग्ले रुष्ट छन्। फिल्मका पात्रले बोल्ने संवाद जस्ताको तस्तै राखेर 'ए' सर्टिफिकेट दिएको भए उनी सन्तुष्ट हुने थिए। तर, संवाद पनि काटिदिँदा फिल्म अपांग हुने उनको दावी छ।
'हामीले घर, टोलछिमेकमै सुनिँदै आएका र धेरै चल्तीमा रहेका गालीका शब्द नै प्रयोग गरेका हौं,' वाग्लेले भने, 'तर, सेन्सर बोर्डका सदस्यहरुले हाम्रो तर्क सुन्न नै चाहेनन्।' जुन शब्द सुनेर दर्शकले फिल्मको प्रोमो मन पराएका थिए, त्यही शब्द काटिएकोमा उनको गुनासो छ।

'छोटो लुगाभन्दा उध्रेको चोली नै ग्ल्यामर'

2012-01-03T05:57:00.000-08:00

रिलिजको तयारीमा रहेको फिल्म 'लुट'को आइटम गीत 'उध्रेको चोली' अहिले चर्चामा छ। गीतमा नाच्ने अभिनेत्री सुष्मा कार्कीसँग कुराकानीः

-आइटम डान्सले फिल्म चल्न कति सहयोग गर्छ?
फिल्म प्रमोसनमा आइटम डान्सले महत्वपूर्ण भूमिका खेल्छ जस्तो लाग्छ। एउटै आइटम गीतले नै दर्शकलाई फिल्म हेर्न हलसम्म तान्छ। अझ 'लुट'मा यो गीत आवश्यक नै छ।

-छोटो लुगा ग्ल्यामर्स हुन्छ कि उध्रेको चोली?
दुवैको तुलना गर्नुपर्दा 'उध्रेको चोली' नै ग्ल्यामर्स् देखिन्छ नि।

-चोली चाहिँ कति लगाउनुहुन्छ? सधैं टिसर्टजस्तो देखिन्छ?
कहिल्यै लगाउँदिन भन्दा पनि हुन्छ। मलाई चोली सुहाउँदैन पनि। टिर्सट नै सुहाउँछ र धेरै लगाउँछु।
-तपाईले साँच्चिकै उध्रेको चोली लगायो भने मान्छेले के भन्ला?
गीतकै लाइन 'फर्की फर्की' भन्लान् कि। तर म बाहिर निस्कँदा चोलीबाहिर ज्याकेट लगाउन सक्छु।

-तपाईसँग भएको चोली उध्रियो भने के गर्नुहुन्छ? सिउनुहुन्छ कि नयाँ किन्नुहुन्छ?

मसँग चोली नै छैन। नहोस् नै भन्न चाहन्छु।

-गीतमा 'उध्रेको चोली हेरिन्छ' भनिएको छ, वास्तवमा हेरिन्छ भन्न खोजेको चीज चाहिँ चोली नै हो त?
त्यो चाहिँ गीत तयार गर्ने कम्पोजर र रचनाकारलाई थाहा हुनुपर्छ।

-गीतको सुटिङमा लगाएको चोली तपाईसँग छ कि, फिल्मकै मान्छेले लगे?
फिल्ममा कहिलेकाहीँ आफ्नो लुगा प्रयोग हुन्छ। त्यो चोली चाहिँ मेरो थिएन र सुटिङपछि फिल्म युनिटले नै लग्यो।

-आइटम डान्स गर्दा हिरोइनले छोटो लुगा वा उध्रिएको चोली नै लगाउनुपर्छ?
अहिलेसम्म आइटम डान्स हेर्ने हो भने छोटो लुगा अनिवार्य नै देखिन्छ। अरु लुगा पनि मिल्ने भए त धेरै फिल्ममा देखिनुपर्ने हो नि।

-तपाईलाई उध्रेको चोली भनेर मान्छेले जिस्काउन थालेका त छैनन्? कस्तो लाग्छ?
चिन्ने मानिसहरूले जिस्काउँछन्। यसलाई सामान्य रूपमा लिन्छु। फिल्म रिलिज हुनुअघि यस्तो चर्चा हुनुपर्छ जस्तो लाग्छ।

-उध्रेको चोली गीतको के मनपर्छ बढी?
कलाकार भएकोले 'उध्रेको चोली'को सबै पक्ष राम्रो लाग्यो। त्यसैले पनि त्यो गीतमा अभिनय गर्ने निर्णय गरेकी हुँ

बिहेको मुडमा भुवन

2011-12-30T05:17:00.000-08:00

फरकफरक समयमा दुईपटक बिहे गरेका अभिनेता भुवन केसीलाई अहिलेको एक्लो जीवन विरक्त लाग्न थालेको छ। ‘दाम्पत्य जीवनमा स्थायीत्व खोजेकै हुँ नि,' बिहीबार नेपालगन्जमा उनले भने, 'के गर्नु, धोका खाइयो। कर्ममा यस्तै लेख्या हो कि?' विजया र सुस्मितासँग निकै दुःखसुख साटे पनि सम्बन्ध सुमधुर हुन नसकेको र आफ्नो कुनै गल्ती नभएको भुवनले बताए। करिब एक महिनाअघि जेठी छोरी काजोलको बिहे गरिदिएर ससुरा बनेका भुवन तेस्रोपटक दुलाहा बन्ने मुडमा छन्। नेपालगन्जको सिद्धार्थ कटेजमा सञ्चारकर्मीसँगको भेटघाटमा उनले भने, ‘लामो समय एक्लै बस्न सकिँदैन होला। बिहे गर्न सक्छु। भाग्यको खेल के हुन्छ हेरौं।'

कैलाली महोत्सव जान बिहीबार नेपालगन्जमा विश्राम लिएका भुवनले आफू अझै तन्नेरी भएको तर्क दिए। बाजा बजाएर बिहे गरेकी विजया अमेरिकामा लामो समय बसेपछि सुस्मितासँग सम्बन्ध गाँसेको बताए। तर, समयको खेलले गर्दा सुष्मिता र विजया दुवै अहिले साथीमा सीमित भएको उनले बताए।
अब बिहे गर्ने बेला निकै सोचविचार गर्ने भन्दै उनले योजना खुलाए, ‘मेरो जीवन चलाउने रिमोट कन्ट्रोल चाहिँ मेरै हातमा छ। छोरा, फ्यान र फिल्म उद्योगको हितलाई ध्यानमा राखेर पाइला चाल्छु।'
केटीसँग जोडिएका स्क्यान्डलको प्रसंग उठ्दा उनले आफू ३२ लक्षणले युक्त नभएको बताए। केही स्क्यान्डल आंशिक सत्य भएको स्विकार्दै उनले थपे, ‘धेरैजसो चाहिँ अलि बढाइचढाइँ गरिएका छन्।'
नयाँ फिल्म रिलिजका बेला नयाँनयाँ स्टन्ट गर्ने भुवन पाँचौं फिल्म 'साथी म तिम्रो' फिल्मको प्रवर्द्धनमा व्यापक लागेका छन्। उनले भने, ‘फिल्म चल्ने बेला मेरो अलि चर्चा हुन्छ। चर्चाका लागि स्क्यान्डल चाहिँ गरिँदैन।' यो फिल्ममा उनले सुष्मिताबाट जन्मेका छोरा अनमोललाई खेलाएका छन्।
'फिल्म हेर्न दर्शकले रुमाल लिएर हलभित्र पस्नु पर्ने छ। मेरो जीवनको करिब ६० प्रतिशत अंश यसको कथासँग मिल्छ,' उनले दावी गरे। फिल्ममा रेखा थापा, ऋचा घिमिरे लगायतको अभिनय छ। यो फिल्म हिट नभए आफूले फिल्ममा लगानी नगर्ने उनले घुर्की देखाए।

नेपाली ‘डर्टी पिक्चर्स’ खेल्ने रहर छः ऋचा

2011-12-30T05:05:00.000-08:00

बलिउडमा बनेको चर्चित फिल्म ‘डर्टी पिक्चर्स’ले नेपालमा समेत हलचल मच्चायो । अधिकांश नेपाली कलाकारले समेत यो सिनेमा हेरे । तर एकजना नायिकालाई भने यो सिनेमामा विद्या वालनले निर्वाह गरेको भूमिका निभाउने रहर जागेको छ । उनी हुन् नेपाली सिने क्षेत्रमा काली सुन्दरीको उपनाम पाएकी ऋचा घिसमरे । भर्खर मात्र गर्भवती भएको समाचार बाहिर आएको थियो उनको । उनै ऋचा अब आफूलाई केही भिन्न सिनेमामा अभिनय गर्न मन लागेको बताउँछिन् ।‘म डर्टी पिक्चर्स जस्तो सिनेमा खेल्न चाहन्छु’ केही फरक सिनेमा खेल्ने ईच्छा राखेकी ऋचाले भनिन् । अब सिनेमामा केही फरक र
गम्भीर भुमिका गर्ने रहर छ । केही समय अघि नेपाली सिने क्षेत्रबाट नै सन्यास लिएको खवरतर्फ इंकित गर्दै उनले भनिन् -’म यो कुराको पनि खण्डन गर्न चाहन्छु कि मैले कहिले पनि सन्यास लिएको छैन । म निरन्तर सिनेमा खेल्न चाहन्छु ।’ ऋचाले आफू आफ्नो ‘होम प्रोडक्शन’मा बनेका सिनेमा मात्र खेल्ने भन्ने कुराको समेत खण्डन गर्दै भनिन् -’म होम प्रोडक्शनको मात्र होईन बाहिरबाट कुनै सिनेमाको अफर आएपनि खेल्न तयार रहेको छु । जहाँबाट मलाई केही गम्भीर र फरक खालका भुमिकाको अफर आओस ।’
तर ऋचाले डर्टीर् पिक्चर्सको जस्तो भूमिका भने आमा बनिसकेपछि मात्र खेल्ने बताईन् । जे होस्, फरक खालको भूमिका गर्न रुचाउने ऋचाको यो चाहनालाई पनि मान्नैपर्दछ । हेरौं यस्तो किसिमको भूमिकामा उनलाई कसले अफर गर्ने हो । तस्विरः साइबरसंसार

जसले जोगाउन सकेनन् क्रेज

2011-12-30T04:53:00.000-08:00

वर्ष २०११ आर्यनका लागि ‘खुशिपूर्ण’ रहेन । आर्यन स्टारर ‘सपना’, ‘के यो माया हो’, ‘मेरो लभस्टोरी’ले लगानी पनि उठाउन सकेनन् । वर्ष २०१० का ‘स्टारपावर’ आर्यनको क्रेज पछिल्लोवर्ष यति तीव्र गतिमा ओरालो लाग्यो कि उनले दर्शकको मनोविज्ञान र ट्रेन्डलाई आत्मसात गर्न सकेनन् । उस्तै भूमिका, उस्तै शैली र उस्तै गेटअप आर्यनका लागि ‘स्लो पोइजन’ रहे । वर्ष २०११ को अन्त्यपनि आर्यनका लागि ‘सुखद’ रहेन । ६ लाखमा साइन भैसकेको ‘काठमाण्डू नाइट’ अनिश्चित बन्यो । उनले साइन
गरेको बंगाली प्रोजेक्ट पनि यतिबेला गुमनामजस्तै छ । रिलिज अगाडि मिडियाले उनलाई गुथाएको ‘स्टारपावर’ लगातारका रिलिजपछि ध्वस्त मात्र भएन, उनी अहिलेसम्म बेरोजगार छन् । केही समय सिनेमा नगर्ने उनका अभिव्यक्तिहरूले उनी अझै केही समय बेरोजगार रहनेतर्फ संकेत गर्छन् । उनलाई तत्कालै कमब्याक गराउने अपेक्षा गरिएका निर्देशक सुदर्शन थापा पनि केही समय रेस्ट गर्न चाहन्छन् ।

महंगा हिरोको महंगो सिनेमा ‘के यो माया हो’ले जम्मा दुई लाख नेट (ग्रस होइन) कलेक्सन गर्नु आर्यनका लागि सर्वाधिक असफलताको किस्सा थियो । यो असफलतालाई उनले ‘मेरो लभस्टोरी’मार्फत रिकभर गर्न त खोजे तर, हाता लाग्यो शुन्य । मेरोसिनेमासँग उनले वर्ष २०११ को सुरुआतमा आफू वर्षकै लोकप्रिय अभिनेता हुने बताएका थिए । तर, उनको अनुमानहरू यतिबेला गलत सिद्ध भए जतिबेला उनी एउटै ट्रयाकमा हिँडिरहे ।

अब, आर्यनको खस्कँदो क्रेज जोगाउने एउटै तात्कालिक उपाय छ , त्यो हो –‘आइएम सरी’ । आगामी माघ २७ गते आर्यनको अपकमिङ करियरले कुन दिशा लिन्छ, त्यसका संकेतहरू देखापर्नेछन् । आर्यनको सिनेमा करियरलाई २०१० कै उचाइमा लैजान ‘आइएम सरी’ले कुनै हालतमा जित्नुपर्छ । ‘आइएम सरी’को पराजय आर्यनको करियरकै पराजयसँग जोडिएको छ । विश्लेषकहरू मात्र होइनन्, स्वयम ‘आइएम सरी’ निर्माता हरि महत आफ्नो सिनेमाको सफलतालाई आर्यनको करियरको सफलतासँग जोडेर हेर्छन् । ‘ऊ टिक्न कुनैपनि हालतमा आइएम सरी चल्नुपर्छ’ आर्यनबारे हरिको भनाइ छ ।

सम्भवतः करियरबारे सचेत भएकैले होला, रिलिज एकमहिना अघिदेखि नै पब्लिसिटीका लागि पश्चिम नेपालको दौडाहामा आर्यन छन् । यसबीच उनले टीकापुर र नेपालगञ्जका दर्शकलाई भेटिसकेका छन् । वर्ष २०१२ उनका लागि अवसर र चुनौतिको वर्ष हुनेछ । अवसर –२०११ का गल्तीलाई समिक्षा गरे भने । चुनौति –ती गल्तीलाई नजरअन्दाज गरिदिए भने । वर्ष २०१२ मा आर्यनलाई उनका फ्यानहरूले जोगाउन सक्नेछैनन्, सक्नेछन् त उनी आफैले कमजोरी सुधारेर । कमजोरी उनी आफैभित्र छ । आर्यनजस्तै अन्य ‘स्टारपावर’हरूले पनि बेलैमा ट्रेन्डलाई पछ्याएनन् भने वर्ष २०१२ प्रलयको वर्ष हुनेछ ।

छवि र रेखा बोल्दैनन्

2011-12-28T05:48:00.000-08:00

केही समयअघि आफ्ना पति छविराज ओझाको कारणले आमा बन्न नसकेको गुनासो गरेकी नायिका रेखा थापाले आफू र छविबीचको सम्वन्ध राम्रो नरहेको स्वीकार गरेकी छिन् । अहिले चलचित्र ‘लंका’को छायांकनका लागि सर्लाहीमा रहेकी थापाले कुरा गर्दै भनिन् -’छवि र मबीच बोलचाल नभएको दश महिना भैसकेको छ । तर, म छविलाई डिभोर्स दिन्छु या दिन्न भन्ने कुरा अहिले नै सोचेकी छैन ।’रेखाको भनाई थियो -’नबोल्नुको अर्थ कसैसँग अब कुनै काम नै नगर्नु, व्यवसायिक सम्वन्ध नै नहुने भन्ने होइन । ऊसँग मेरो व्यवसायिक सम्वन्ध रहन्छ ।’आफ्नो छविसँग व्यवसायिक सम्बन्ध रहन्छ भन्ने रेखाको भनाईले उनी छविसाग आफ्नो व्यक्तिगत सम्वन्ध भने टुटाउन चाहन्छिन भन्ने देखिन्छ । आफू अहिले
काठमाडौं भन्दा बाहिर रहेकाले यो सम्वन्धका बारेमा केही भनिहाल्ने अवस्थामा नरहेको उनको भनाई थियो । बुधवार बिहान टेलिफोनमा अनलाइनखवरसँग कुरा गर्दै रेखाले भनिन् -’सबै कुरा काठमाडौं आएपछि भन्छु । यहाँ म पत्रपत्रिकादेखि कुनै पनि संचारमाध्यमको पहुँचमा छैन । यसकारण केही थाहा पनि पाएको छैन ।’

छविलाई आफ्नो श्रीमान् भन्दा पनि ड्याडी भन्न रुचाउने रेखा कुनै कुरामा चित्त नबुझे सँगै बस्न पर्छ भन्ने पनि नरहेको बताउँछिन् । उनले डिभोर्सका बारेमा ड्याडी अर्थात उनका पति छविराज ओझासँग सोध्न आग्रह गरिन् । गएको भदौ ५ गते आफ्नो जन्मदिन मनाउने क्रममा रेखाले छविकै कारणले आफू आमा बन्न नसकेको समेत बताएका थिइन् । ‘उसलाई बुवा हुनुमा कुनै खुशी नै छैन । किनकी ऊ पहिले नै पिता भैसकेको छ । तर, म आमा बन्न चाहन्छु, तर यसमा छवि कुनै चासो नै देखाउँदैन’ त्योबेला रेखाले भनेकी थिईन् ।

आफ्ना सहकर्मी नायिकाहरु आमा बनेको देख्दा आफुलाई निकै गाह्रो महशुस भएको रेखाले बताएकी थिईन् । यसरी बिभिन्न कारणले गर्दा चिसिएको रेखा र छविबीचको सम्वन्ध अहिले आएर टुक्रने अवस्थमा आएको छ ।

चलचित्र ‘हिरो’ मार्फत नेपाली सिने क्षेत्रमा प्रवेश गरेकी नायिका रेखा थापाले यही चलचित्रका निर्माता समेत रहेका छविसँग विवाह गरेकी थिईन् । तर उनीहरुको बिवाह धुमधामका साथ भने भएको थिएन । हेरौं काठमाडौ आएपछि सबै कुरा बताउँछु भनेकी नायिका रेखाले डिभोर्सका विषयमा के निर्णय गर्ने हुन् ?

हिरोइन निशाविरुद्ध उजुरी

2011-12-26T05:13:00.000-08:00

'तिम्रो र सुरेशको समस्या के हो? तिमीले उसको फिल्म नखेले पनि एउटा गीतमा नाच्ने र एडभान्स रकम फिर्ता गर्ने कुरा गरेकी थियौ रे?' निर्माता संघका महासचिव केशव भट्टराईले फोन गर्दा अभिनेत्री निशा अधिकारी अचम्म परिन्। महासचिव भट्टराईले नै निशालाई बुझाए, 'थ्री लभर्स' फिल्ममा काम नगर्ने भएपछि निशासँग रिसाएका निर्देशक सुरेशदर्पण पोखरेलले उनीविरुद्ध निर्माता संघमा उजुरी दिएको कुरा। भनेको समयमा सुटिङ नगर्ने र आफैं उजुरी गर्ने पोखरेलको शैली निशालाई निको लागेको छैन। 'हामी कलाकारलाई समय मिलाउन साह्रै अप्ठ्यारो हुन्छ । कति दिन कुर्दा केही नहुने निर्माताले भनेको समयमा तयार नभए यस्तो सिधै उजुरी?' निशाले प्रश्न गरिन्।
निशाका अनुसार 'थ्री लभर्स'को सुटिङ दशैं र तिहारको बीचमा सुरु गर्ने भनिएको थियो। 'त्यसैले मंसिरमा सुरु हुने सिमोस सुनुवारको फिल्म 'मिसन पैसा रिलोडेड' खेल्ने सम्झौता भयो। तर, बेल्जियममा सुटिङ हुने भनिएको फिल्म 'थ्री लभर्स' तिहारपछि पनि सुरु भएन,'
मंसिर १५ मा बल्ल सुटिङ थालिँदा समय दिन नसकेको निशाको भनाइ छ। 'मिसन पैसा'को स्त्रि्कप्ट मन परेकोले सोही फिल्म आफ्नो रोजाइमा परेको उनले बताइन्। अन्तिम समयसम्म पनि पोखरेलले सही तालिका नदिएपछि आफूले फिल्म नगर्ने जानकारी गराएको उनको दावी छ। पोखरेलले पैसा फिर्ता नदिएको आरोपको पनि उनले खण्डन गरिन्। 'उतिखेरै पैसा फिर्ता गर्ने खबर पठाएकी हुँ। उहाँहरुले वास्ता नै गर्नुभएन। म पनि व्यस्त भएँ,' फिल्मको प्रिप्रोडक्सनमा क्रियटिभ निर्देशकको समेत काम गरेको दाबी गरिन् निशाले।
निर्देशक पोखरेल भने निशाको भनाइमा सहमत छैनन्। 'उनी दुवै फिल्म एकैसाथ गर्न चाहन्थिन्। मेरो फिल्मको तालिका सार्नुपर्‍यो भनिन्,' उनले भने, 'मैले मंसिरमा सुटिङ हुन्छ भन्दा उनले मानिनन्। तीन हप्ता भइसक्यो पैसा पनि फिर्ता गरेकी छैन।' निशाका लागि एक दिन पनि सुटिङ रोक्न नसक्ने बताउँदै उजुरी दर्ता गरेको पोखरेलले बताए।
सम्झौता अनुसार निशाले ५५ हजार रुपैयाँ एडभान्स लिएकी थिइन्। निर्माता संघका महासचिव केशव भट्टराईले उजुरी परेपछि दुवैसँग कुरा गरेर सम्झाएको बताए। 'कुनैबेला निशालाई एकमात्र योग्य अभिनेत्री मान्दै आएका सुरेशले उजुरी नै गर्नुपर्ने अवस्था चाहिँ थिएन। समझदारीमै कुरा मिलाउन सकिन्थ्यो ,' भट्टराईले भने।

वर्ष २०११ - जो पलायन भए

2011-12-24T05:34:00.000-08:00

वर्ष २०११ कलाकार पलायनको वर्षपनि बन्यो । ब्यावसायिक संकटले अधिकांश कलाकार पेशाबाटै बाहिरिए भने कतिपय होमप्रोडक्सनमै खुम्चिइरहेका छन् । यो वर्ष नयाँ कलाकारहरू धमाधम त आइरहे तर भएकै कलाकारको अस्तित्व सुखद हुन सकेन । चर्चामा रहेका तर, वर्ष २०११ मा कुनैपनि सिनेमा रिलिज नभएका सेलिव्रिटी पनि छन् । कुनैबेला नेपाली सिनेमामा विकल्परहित बनेका एकाध कलाकार सो वर्ष कुनै बहानामा उद्योगबाट पलायन भए ।वर्ष २०११ मा नेपाली सिनेमाबाट पलायन भएका अभिनेता हुन् बिराज भट्ट । कुनैबेला नेपाली सिनेमाका स्टारपावर बिराज वर्षभरि नै भोजपुरी सिनेमामा

प्रवेश गरे । सो वर्ष उनले कुनैपनि नयाँ सिनेमा गरेनन्, र उनका नयाँ सिनेमा रिलिज भएनन् । केही महिनादेखि नेपालमा रहेका विराजले अबदेखि सिनेमा करियरलाई निरन्तरता नदिने स्रोतहरू बताउँछन् । स्रोतका अनुसार उनी भोजपुर सिनेमामा कमब्याक गर्न चाहँदैनन् । तर, यसको स्वतन्त्र पुष्टि भैसकेको छैन । २०१० बाटै उनले नेपाली सिनेमा छाडेका थिए ।

पलायन भएका अर्का अभिनेता हुन् निखिल उप्रेती । वर्ष २०११ भरि उनी सिनेमाभन्दा गैरब्यावसायिक ढंगले चर्चामा रहे । त्यतिबेलै भारत पलायन भएका निखिलका नयाँ सिनेमा यो वर्ष रिलिज भएनन् (स्टकमा बाहेक) । निखिल सिनेमामा कमब्याक त गरेका छन् तर, उनको अपकमिङ करियरले निरन्तरता पाउने वा नपाउनेबारे शंका छ । निखिल पत्नी सञ्चिता पनि २०११ बाटै पलायन भइन् । बच्चा जन्माएर उनी घरमै थन्किएकी छिन् । हिरोइन मेलिना मानन्धर बच्चा जन्माएपछि पलायन भइन् ।

युना उप्रेती वर्ष २०११ बाटै पलायन भइन् । नम्रता श्रेष्ठ वर्ष २०११ मा पलायन त भइन् यद्यपी नम्रताको एउटा सिनेमा २०१२ मा रिलिज हुँदैछ । अरुणिमा लम्साल २०११ बाटै सिनेमाबाट पलायन भइन् । बच्चा जन्माएर उनी घरभित्रै सीमित रहिन् । खासगरि डिजिटल सिनेमा प्रादुर्भावपछि फिल्म (सेल्युलोइड) पुस्ताका स्टारपावरहरू धराशायी भएका छन् । महानायक राजेश हमाललाई सदावहार मान्नुपर्छ । महानायकको नायकत्व २०११ भरि नै केन्द्रियतामा रह्यो ।

निखिललाई 'गोलमाल–४' प्रस्ताव

2011-12-24T05:31:00.000-08:00

बलिउड ब्लकबस्टर ‘गोलमाल’ चौंथो सिक्वेलका लागि निर्माता तथा निर्देशक रोहित सेठ्ठीले नेपाली अभिनेता निखिल उप्रेतीलाई एप्रोच गरेका छन् । प्रस्ताव भने को–एक्टर्सका लागि हो । प्रस्तावलाई स्वीकार वा अस्वीकार गर्नेबारे निखिलले केही बताएका छैनन् । यद्यपी, सानो भूमिकाप्रति उनी सन्तुष्ट देखिएनन् । ‘मलाई मेरै देशका दर्शकले ठूलो भूमिकामा हेर्न चाहनुहुन्छ भने बलिउडमा किन सानो रोल गर्ने ?’ निखिलले असन्तुष्टि व्यक्त गरे ।असन्तुष्टिका बाबजुद पनि निखिलले ‘गोलमाल’ प्रस्तावलाई स्वीकार वा अस्वीकार के गर्छन्, निधो छैन । स्रोतका अनुसार सम्भवतः उनले प्रस्ताव स्वीकार्न पनि सक्छन् । निखिल र रोहित मुम्बइमा स्टन्ट क्लासका साथीहरू हुन् । यसअघिका तीनैवटा सिक्वेलमा रोहितले स्टन्ट पनि सिकाएका छन् । तर, चौंथो सिक्वेलमा उनी यो काम निखिललाई दिन चाहन्छन् । ‘खेल्न पनि सक्छु, यो हामीबीचको अन्डस्ट्यान्डिङमा भर पर्ने कुरा हो उनले भने ।

सन् २०११ मा उनी बलिउड संघर्षका लागि मुम्बइ गएका थिए । जहाँ उनले सोचेअनुसार सफलता हासिल गरेनन् । यतिबेला काठमाण्डू फर्किएका छन् र डेढवर्षपछि आरबीके शरदको सिनेमा ‘नबोले नि हाँसिराख न’बाट कमब्याक गरेका छन् । उनले अब सेलेक्टेड सिनेमाहरू मात्र गर्ने बताए । ‘अब म कागजी होइन रिजर्भ बन्न चाहन्छु’ निखिलले भने । उनको ‘गोलमाल’ निर्णय भने प्रतिक्षाको विषय बनेको छ ।

निर्मात्री नायिकासँग निखिल असन्तुष्ट

2011-12-20T10:48:00.000-08:00

नायक निखिल उप्रेती अहिले नेपालमा छन् । नेपालमा रहेका निखिल चलचित्र ‘नबोले नी हाँसी राख न’ मा अभिनय गर्नका लागि नेपाल आएका हुन् । केही समय अघि मुम्बई पसेका निखिल त्यहाँ जानुअघि नेपाली सिनेमाका चर्चित नायक हुन् । उनले अभिनय गरेका सिनेमाले नेपालमा धुम मच्चाउँदा मच्चाउँदै उनी मुम्बई पसेका हुन् ।अहिले नेपाली सिनेमामा खासै काम नपाएका निखिल मुम्बई फिल्ममा संघर्षरत भएपनि खासै काम भने पाएका छैनन् । यसै क्रममा, चलचित्र ‘नबोले नी हाँसी राख न’ को छायांकनका लागि नेपाल आएको बताएका निखिल सोमबार पोखराबाट काठमाडौं फर्किएको बताइएको छ । उनी सोमबार काठमाडौंको विमानस्थल अगाडि रहेको एक गेष्ट हाउसमा बसेको श्रोतको भनाई छ ।

उनै नायक निखिल उप्रेती आफुले अभिनय गरेको चलचित्र ‘नबोले नी हाँसी राख न’ की नायिकासँग असन्तुष्ट रहेको खवर प्राप्त भएको छ । यो चलचित्रमा निखिल नायिका शान्ति गिरीसँग चलचित्रको पर्दामा रोमान्स गरिरहेको भेटिन्छन् । शान्ति नेपाली सिनेमाको लागि नवनायिका भन्दा पनि नवनिर्मात्री हुन् । उनले आफैंले सिनेमामा लगानी गरेर नायिका बनेकी हुन् । निखिलले सुटिङको समयमा आफ्ना वरपरका व्यक्तिहरुसँग यिनै नायिकाको बारेमा असन्तुष्टि पोख्ने गरेको थाहा भएको छ । उनको कामलाई लिएर निखिल असन्तुष्ट रहेका श्रोतको भनाई छ । आफूले अहिलेसम्म काम गरेका नायिकामध्ये गिरी खासै राम्रो नलागेको र उनीसँग काम गर्न गाह्रो भएको निखिलले छायांकनका समयमा वरपरका व्यक्तिहरुसँग बताउने गरेका थिए । नायिकासँग असन्तुष्ट रहेकाले निखिललाई यो सिनेमामा काम गर्न पनि गाह्रो भएको बुझिएको छ ।

आफैंले लगानी गरेर नायिका बन्ने भिडमा आएकी शान्ति गिरीले अभिनय तथा अन्य कुराहरु जानेकी नै छन् भन्ने पनि छैन । उनको काम सिनेमा हेरीसकेपछि मात्र थाहा हुनेछ । तर, निखिलको असन्तुष्टीलाई हेर्दा लाग्छ, उनी यो सिनेमाबाट खासै सन्तुष्ट देखिएका छैनन् । हामी त के भन्ने ? आफैं लगानी गरेर नायक तथा नायिका बन्नेहरुसँग चलेका नायकले पो के गर्न सक्छन् र ।

प्रेमिकालाई दिने समय समेत छैन हमालसँग

2011-12-20T05:17:00.000-08:00

नेपाली सिनेमा क्षेत्रमा जति नया नायकहरु आए पनि २२ वर्षदेखि यो क्षेत्रमा एकलौटी राज गरेका नायक राजेश हमालको व्यस्तता घटेको छैन । उनी, आज पनि सिनेमा क्षेत्रमा उत्तिकै व्यस्त तथा सक्रिय रहेका छन् । नायक हमालसँग अहिले आफ्नो प्रेमिकालाई दिने समय समेत नभएको बुझिएको छ । उनी हिजोआज दैनिक जम्मा ५ घन्टा मात्र आरा मगर्न पाउँछन् ।यो ५ घण्टामा उनले खाना खान, आराम गर्न र सुत्न भ्याईरहेका छन् । आखिर किन यस्तो व्यस्त छ ? हमालका सहयोगी चीरञ्जिवी आचार्यले भने -’हाल उहाँ दुई सिनेमाको छायांकन गरिरहनु भएको छ । दिनभर एक सिनेमाको छायांकन गर्ने हमाल वेलुकी अर्को एक सिनेमाको छायांकन गरिरहेका छन् । दिनभर हमाल अहिले सुरज सुब्बा नाल्बोले निर्देशन गरिरहेको चलचित्र ‘फेसबुक’मा अभिनय गरिरहेका छन् । दिनभर यो सिनेमाको छायांकन सकेर बेलुकी यस्तै ५ बजेतिर घर पुग्ने
हमाल बेलुकी ६ वजे चलचित्र ‘कारवाही’को छायांकनका लागि निस्कन्छन् । यो सिनेमाको छायांकन रातभर भईरहेको छ । रातभर छायांकन सकेर बिहानपख आफ्नो निवास फर्केपछि नायक हमाल फेरि चलचित्र फेसबुकको छायांकनका लागि सुटिङ स्पोर्टमा पुग्छन् । यसकारण उनको तालिका समेत बिगि्रएको छ ।

आखिर हमाललाई किन दिउसो, बेलुका नै काम गर्नु पर्ने बाध्यता आएको हो त ? ‘के गर्नु काम गर्नु पर्यो भनेर अफर आउँछ, नगर्ने कुरा पनि भएन । यसैले सेड्युल बिग्रिएको हो’ सहयोगी आचार्यले भने । यसरी, १९ घन्टा काम गरिरहेका हमालसँग फुर्सद निकाल्ने समय नै छैन । निकै व्यस्त भएपछि उनले आफ्नो प्रेमिकालाई समेत समय दिन नभ्याएको श्रोतको भनाई छ ।

नेपाली सिनेमा क्षेत्रमा जति नया नायकको आगमन भएपनि हमाल भने झनै व्यस्त बनिरहेका छन् । तर पैसा आउँछ भन्दैमा आफ्नो स्वास्थ्यलाई ख्याल नगरी काम गर्नु भने हुँदैन कि हमाल जी….? .हाम्रो सुझाव मात्र ।

केकीले मनाईन् जन्मदिन

2011-12-19T05:29:00.001-08:00

नायिका केकी अधिकारीले आफ्नो जन्मदिन मनाएकी छिन् । चलचित्र ‘आई एम सरी’को छायांकनमा ब्यस्त केकीलेसुटिङ युनिटसागै जन्मदिन मनाएकी हुन्. । उनले पहिलो पटक आफुले परिवार भन्दा बाहिर जन्मदिन मनाएको बताईन् ।

छायांकन स्थलमा जन्मदिन मनाउन पाउँदा निकै खुशी लागेको केकीले बताईन् । आफ्नो बहिनीले छायााकन स्थलमा नै केक ल्याएर आफुलाई ‘सरप्राईज’ दिएको उनले बताईन् ।

सुटिङको काम केही समय रोकेर जन्मदिन मनाएको उनको भनाई छ । तर केकीले आफ्नो उमेर भने बताउन चाहिनन् । आईतबार आफ्नो जन्मदिन मनाएकी केकीलाई हाम्रो तर्फबाट पनि जम्मदिनको शुभकामना ।

आफ्नै जीवनमाथि कोमलको सिनेमा

2011-12-19T05:15:00.000-08:00

‘दबदबा’ हिरोइन कोमल ओलीको परिचय अब हिरोइनमा सीमित रहेन । सन् २०१२ मा उनी निर्मात्री बन्नेछिन् । आफ्नै जीवनकथामा आधारित रहेर उनले सिनेमा निर्माण गर्नेछिन् जसको स्क्रिप्ट उनी आफैले लेखिरहेकी छिन् । नेपाली समाजमा एकल महिलाहरूको संघर्षबारे उनको सिनेमा चित्रित हुनेछ । उनी स्वयम एकल महिला हुन् जो घर्कँदो उमेरमा पनि अविवाहित छिन् ।अनटाइटल प्रोजेक्टको निर्देशन कसले गर्छन्, कोमलले निधो चाहिँ लगाइसकेकी छैनन् । सोसल ड्रामा ‘दबदबा’बाट रजतपटमा डेब्यु
गरेकी संचारकर्मी तथा लोकगायिका कोमल सिनेमाबाट आफूजस्तै एकल महिलाहरूको यथार्थ जीवनलाई उत्खनन गर्न चाहन्छिन् । अविवाहित मात्र होइन, पति गुमाएर एक्लै जीवन जिइरहेका नेपाली महिलाहरूलाई उनको सिनेमाले समेट्नेछ ।

‘दबदबा’ निर्देशक अग्रज केसीले कोमलको अभिनयले उनलाई नयाँ अभिनेत्रीको ट्याग भिराउन नहुने बताए । ‘उहाँको अभिनयमा पाकी अभिनेत्रीको छनक छ’ उनले भने । अभिनयसँगै उनलाई सिनेमा निर्माणको मुड चलेको हो । जेहोस, नेपाली सिनेमाका सबै पाटोमा महिलाहरूको सक्रियता बढिरहँदा कोमलको यो योजनालाई त्यसैको एउटा श्रृङ्खलाको रुपमा लिनुपर्ने हुन्छ ।

सुटिङमा राजेशः आफ्नै खाना, आफ्नै पोशाक

2011-12-19T05:09:00.001-08:00

नेपाली सिनेमामा काम गर्ने अधिकांश कलाकारहरु छायांकनका क्रममा प्रायः सिनेमासँग नै आबद्ध हुन्छन् । चलचित्रको लागि आवश्यक पर्ने पोशाक डिजाईनरले तयार पारेको नै लगाएका हुन्छन् । छायांकनको क्रममा धेरैले सुटिङ स्पर्टमा नै खाना खान्छन् । तर नायक राजेश हमाल यो कुरामा केही फरक देखिन्छन् ।
राजेश हमाल कहिल्यै पनि छायांकनका क्रममा सुटिङको खाना खादैनन् । घर र बाहिर समेत खासै खाना खान नरुचाउने हमाल
सुटिङको क्रममा फलफूल तर्फ बढी जोड दिएको पाईन्छ । यतिमात्र होईन, राजेश हमालले लगाउने कपडा समेत डिजाईनरले तयार गर्न पाउँदैनन् । हमालको कपडा सुटिङ युनिटसँग हुँदैन पनि । आफ्नो कपडा हमाल आफ्नै रुची अनुसारले बनाउँछन् र लगाउँछन् । चलचित्रमा कस्ता खालका कपडा चाहिन्छ भन्ने बुझेपछि हमाल आफंै कपडा बनाउन लगाउँछन् र सुटिङमा लिएर जान्छन् ।

उनको यो बानी पनि अचम्मको नै छ । कपडाको रकम चलचित्रबाट नै लिने हमालको कपडा चलचित्रका डिजाईनरले डिजाईन गर्दैनन् । चलचित्रको छायांकन स्थलमा उनले कपडा लिएर गएको देख्न पाईन्छ । यसमा राजेशका सहयोगीहरुले सहयोग गरेका हुन्छन् । तपाईले सिनेमामा देख्ने प्रायः हमालले लगाउने पोशाक उनको रुची अनुसारले तयार गरिएका हुन् ।
नृत्यमा समेत नृत्य निर्देशकको भन्दा आफ्नै स्टाईलले नाच्न रुचाउने हमालको बानी छ । यो बानीमा उनको पोशाक समेत मिसिएको छ । छायांकनको समयमा सुटिङ युनिटको खाना नरुचाउने हमालको कपडा पहिरिने तरीकालाई पनि मान्नैपर्छ । यसैले पनि हुनसक्छ, हमालले लगाउने अधिकांश चलचित्रमा पोशाक एकै प्रकारको रहेको देखिन्छ ।

अमेरिकामै रञ्जनाको दोस्रो विहे

2011-12-18T10:36:00.000-08:00

अन्ततः उनको फेसबुक प्रोफाइलबारे चलेका गाइँगुइँहरू सत्य सावित भएका छन् । अमेरिकामा रहेकी अभिनेत्री रञ्जना शर्माले केही महिना पहिले फेसबुक प्रोफाइलमा ‘सिंगल’ लेखेकी थिइन् । मेरोसिनेमालाई प्राप्त विश्वस्त विवरणअनुसार रञ्जनाले अमेरिकामै विहे गरेकी छिन् । उनको यो दोस्रो विहे हो । नेपालमा रहेका सिनेमा निर्देशक पति श्याम भट्टराईसँग उनको वैधानिक डिभोर्स भने भैसकेको छैन ।
स्रोतका अनुसार ढिलो गरि प्राप्त खबरमा रञ्जनाले एकवर्ष पहिले नै विहे गरेकी हुन् । कोसँग उनले विहे गरेकी हुन् ? त्यो खोजी भैरहेको छ । यद्यपी, ती युवक काठमाडौंकै हुन् । लामो समयदेखि
अमेरिकामा रहेका उनी ट्याक्सी यातायात व्यावसायी हुन् । अमेरिकामा लुकेपछि रञ्जना ती युवकसँग एउटै फ्ल्याटमा बसिरहेकी छिन् । उनलाई अमेरिकामा रहन ती युवकले नै सहयोग गरेका थिए । स्रोतका अनुसार केही महिनापहिले रञ्जनाले नेपालमा रहेका पति भट्टराईलाई डिभोर्स मागेकी थिइन् ।

तर, श्यामले डिभोर्स दिएका छैनन् । रञ्जनाको दोस्रो विहेबारे बुझ्दा श्यामले आफूलाई पनि जानकारी नभएको बताए । स्रोत भन्छ –‘उता विहेपछि रञ्जनाले श्यामलाई उति राम्रो व्यवहार गरिरहेकी छैनन् ।’ विहेपछि रञ्जनाले आफ्नो फेसबुक एकाउन्टलाई पर्सनल गराएकी थिइन् । नेपालमा रहँदा रञ्जना र श्याम असमझदारीपछि नौ महिना अलग्गै रहेका थिए । त्यसपछि उनीहरू फिल्मी ढंगमा मिले । यसबेला फेरि यो जोडी अलग भएको छ ।

विहेको तयारीमा युना
अभिनेत्री युना उप्रेतीले आफ्नो विहे भैसकेको कुरालाई खण्डन गर्दै आफू विहेको तयारीमा रहेको बताएकी छिन् । पछिल्लो समय रजतपटमा निष्क्रिय हिरोइनको विहेलाई लिएर उनका परिवारबीच कुरा चलेको थियो । कोसँग उनले विहे गर्दैछिन्, त्यो चाहिँ खुलाइएको छैन । यद्यपी निकट भविष्यमै उनको दोस्रो विहे हुँदैछ । यसअघि उनले राप्रपा कार्यकर्ता प्रेम चौलागाईँसँग विहे गरेकी थिइन् । केही समयपछि उनीहरूको डिभोर्स भएको थियो ।

आर्यन पोखिँदा को को उम्लिए ?

2011-12-18T03:54:00.000-08:00

नायक आर्यन सिग्देल अहिले गुमनाम जस्तै छन् । कारण, उनी जुन पायो त्यही सिनेमा नखेल्ने रे । यसैले पनि हुनसक्छ, आर्यन दैनिक केही सिनेमाको रिजेक्ट गर्दै वसिरहेका छन् । यति मात्र होईन चलचित्र वनाउनेहरु भन्छन्, ‘आर्यनले छोटो समयमै चर्चा वटुलेकाले उनमा केही घमण्ड वढेको छ ।’जसले जे भने पनि सत्य एउटै हो – नायक आर्यन सिग्देलको हातमा नयाँ सिनेमा छैनन् । तर आर्यनले यसरी भाऊ खोज्दा प्रतिस्पर्धी अन्य नायकहरुलाई खुदो पल्टिएको छ । आर्यन सँगसँगै आए पनि खासै धुम नमच्चाएका नायक जीवन लुईंटेलले सम्भवः आर्यनको सेलेक्टिभ नेचरको सवैभन्दा बढि फाइदा उठाएका छन् ।

उनको पारिश्रमीक पनि सिनेमा क्षेत्रमा सवैभन्दा महङ्गो भएको छ अहिले । आर्यनको अभावलाई पूर्ति गर्दै अहिले नायक सुमन सिंह पनि व्यस्त नायकको सुचिमा देखिएका छन् । सुमनको पारिश्रमीक पनि अहिले ह्वात्तै वढेको छ भने उनी नेपाली सिनेमा क्षेत्रमा अहिले भाग्यमानी नायकको रुपमा देखिएका छन् ।

यी दुई नायकका सिनेमा अहिले धमाधम रिलीज भैरहेका छन् भने केही रिलिजको तरखरमा छन् । यसकारण पनि हुनसक्छ, सिनेमा क्षेत्रमा केही चकलेटी नायकहरु धमाधम प्रवेश गरेका छन् । आर्यनले सिनेमा नै खेल्दैन भन्ने परिसकेको छ नेपाली सिने उद्योगमा । धेरै भन्छन् ‘आर्यन उम्लेन् मात्र पोखिए पनि’ यसकारणले पनि अरुले अवसर पाएका हुन् ।

तर आर्यनको तर्क छ- ‘म सिनेमा छानेर खेल्छु, जुन पायो सिनेमा खेलेर केही हुँदैन ।’ सिनेमा क्षेत्रको विकास लागि सिनेमा छानेर खेल्नुपर्दछ भन्ने उनको धारणा छ । कत तर राम्रा सिनेमा खेल्ने र सिनेमाको स्तर बढाउने आर्यनको चाहनालाई अन्यथा मान्न सकिन्न । तर, निमार्ता निर्देशक र नेपाली दर्शकले नबिर्सदै आर्यनले सोंचेनन भने आर्यनको अडान उनको पलायनको सुरुवात पनि हुनसक्छ ।

जाडो र सेलिब्रिटी

2011-12-16T04:03:00.000-08:00

केही दिनयता देशको वातावरणीय तापमान चाहिँ ह्वात्तै घटेको छ । दिउँसोको पारिलो घाम सबैलाई प्रिय लाग्न थालेको छ । फुर्सदमा हुने त घाम ताप्लान् तर प्रायः व्यस्त दैनिकी हुने सेलिब्रिटीहरूले दिउँसोको घाम ताप्न त के, बिहान-बेलुकीको चिसोसमेत भन्न पाउँदैनन् । गायकगायिकाले स्वर तन्दुरुस्त राख्ने र नायिकाले कम लुगामा आत्मविश्वासी देखिने चुनौती कसरी झेल्दै होलान् ? केही छानिएका कलाकारको जाडो अनुभव:

इन्दिरा जोशी, गायिका

के गर्ने, यतिबेला झन् महोत्सवको सिजन छ, नहिँडी नहुने । कार्यक्रमका कारण पनि बिहानै उठ्नै पर्छ । तर अघिल्लो दिन लेट नाइट भयो भने अलि ढिला पनि हुन्छ, उठ्न । नत्र ५ बजे नै निद्रा खुल्छ । तर उठ्ने त सात बजेतिर मात्रै हो । दुई घन्टा एक्स्ट्रा (लामो हाँसो) । सिंगरलाई जाडोमा साह्रै अप्ठ्यारो । मौसमकै कारण भोकलमा समस्या आउँछ । फेरि म बाइकमा हिँड्ने भएकोले चिसोले झन् समस्या पार्छ । अहिले पनि चिसोले स्वर बिग्रेको छ । अस्ति धनगढी गएकी थिएँ, गर्मी ठाउँ त्यति जाडो नहोला नि भनेको त झन् बढी चिसो रहेछ । समातिहाल्यो ।

मलाई एकदम गर्मी र एकदम जाडो कुनै पनि मन पर्दैन । तर स्वास्थ्यका हिसाबले जाडोभन्दा त गर्मी नै ठीक । मैले अनुभव गरेको अहिलेसम्मको सबैभन्दा बढी चिसो एकपटक काठमाडौंमै भोगेकी थिएँ । चिसो मौसमको बेला म बाइकमा कुद्दै गर्दा पानी परेर नराम्ररी भिजेकी थिएँ । त्यो चिसो भुल्नै सक्दिनँ । आफू त ब्राह्मणकी छोरी, जहिले पनि नुहाउनै पर्‍यो नि (लामो हाँसो) । काठमाडौंमा हुँदा बरु सधैं ननुहाए पनि बाहिर हिँड्दा भने अनिवार्य नुहाउने गर्छु, चाहे गर्मी सिजन होस् या जाडो । फेरि म जीउ भने सधैं नुहाउँछु । कपाल भने एक/दुई दिन बिराएर मात्रै धुने गर्छु । दिनहुँ टाउको नुहाउँदा पनि कपाल बिग्रन्छ । नुहाउँदा भने म जुनसुकै मौसममा पनि तातो पानी नै प्रयोग गर्छु । तातो पानीले नुहाउँदा शरीरलाई फाइदा गर्छ भनेर ।

सुगम पोखरेल, गायक

पहिले रेडियोमा काम गर्दा सात बजे नै उठ्नुपर्ने हुन्थ्यो । तर वैशाखदेखि नै रेडियो छोडेपछि भने अचेल परिस्थिति हेरी ढिला/चाँडो उठिन्छ । काम पर्दा कुनै बेला पाँच बजे पनि उठियो । तर आफ्नै मर्जी भएको बेला जाडो बिहानीमा उठ्दा १२/१ पनि बजाइन्छ । फ्रि भयो भने मज्जाले सुतिन्छ । सबभन्दा मिठो निद्रा नै बिहानी हुन्छ, त्यसैले यस्तो बेला चाँडो उठ्नुपर्‍यो भने त सास्ती नै । तातो ओछयान प्यारो लाग्छ ।

जाडोमा पनि मैले खासै बार्दिनँ । चिसो पानी नै खाएको हुन्छु । झन् जाडोमा मःम खानुको मज्जा मिस गर्न मन लाग्दैन । तर पनि यसको चिल्लोले घाँटीमा अलि समस्या भने पार्छ । त्यसैले प्रायः गाउनु आधा घन्टा पहिले भने भोकललाई असर गर्ने त्यस्तो केही खान्नँ ।

मलाई जाडो मन पर्थ्यो । तर अघिल्लो वर्षको चिसोमा युकेमा थिएँ । ओहो, त्यहाँको चिसो भोगेपछि त मलाई जाडोप्रति नै वितृष्णा जाग्यो । जाडोमा कपडा लगाए भइहाल्यो नि भनिन्छ तर त्यहाँ त जति लगाए पनि नहुने । धन्न हिमालका मान्छे कसरी बस्छन् । उनीहरू धेरै ननुहाउने पनि त्यही भएर होला (लामो हाँसो) । बरु खलखली पसिनामा भिज्नु नै ठीक ।

पानी तताएर कहिले दैनिकजसो कहिले २/३ दिन बिराएर नुहाउँछु । दिउँसो घाम लाग्दा त चिसै पानीले पनि नुहाउने गरेको छु । तर के गर्ने उमेर पनि हुँदै गयो स्वास्थ्यको पनि ख्याल गर्नुपर्ने । चिसोबाट बच्न न्यानो कपडा नै लगाउँछु । हिटर पनि तापिन्छ । बाहिर हिँड्दा बाइक चलाउनुपर्ने भएकाले चेस्टगार्ड, ग्लोभ्स, मास्क लगाउनुगर्छु । तर ज्यान तताउन अरूले जस्तो ड्रिङ्क्स गर्दिनँ । फेरि मलाई ड्रिङ्क्सले ज्यान तताउँछ जस्तो पनि लाग्दैन । सायद खाएपछि जोस आउने भएकाले अरूले त्यसो भनेका हुन् कि । काठमाडौं बाहिर गइयो भने बरु साथीभाइसँग रमाइलो गर्न भने अलिकति पिउने गर्छु ।

प्रमोद खरेल, गायक

बिहान उठ्न त गाह्रै हुन्छ । तर पनि अचेल पहिलाको जस्तो जाडो महसुस भएको छैन । बेडरुममै घाम आएपछि आफैं उठ्छु । योगा गर्छु, रियाज गर्छु । लेट नाइट भयो भने चाहिँ अलि ढिलो साढे सातसम्म पनि सुत्छु । जाडोले गर्दा समय तालिकामा त खास फरक पर्दैन तर गायक भएकोले घाँटीमा समस्या पार्छ । फेरि मलाई पिनास पनि छ । चिसो पर्नै हुँदैन । राति रेकर्डिङ गरी बाइकमा फर्किनुपर्ने भएकोले प्रायः काम गर्दिनँ । आजै पनि एउटा राति गर्नुपर्ने रेकर्डिङ क्यान्सिल गरें ।

व्यक्तिगत रूपमा त मलाई जाडो नै मन पर्छ तर के गर्ने पेसाले मान्दैन । भव्य जाडोमा ग्वाम्म कपडा लगाएर रमाइलो गर्नुको मज्जा नै बेग्लै हुन्छ । फेरि हामी जस्तालाई मोटो पनि देखाउँछ नि (लामो हाँसो) । गर्मीमा पसिना गन्हाएरै समस्या ।

२०५२ सालमा म आईएससी पढ्न बानेश्वरदेखि पाटनसम्म बिहानै चार बजे उठेर जानुपर्थ्यो । ओहो, त्यसबेलाको जाडो । सायद बिहानै भएर पनि होला तर त्यो वर्षको जस्तो जाडो त कहिल्यै भोगिएन । क्याम्पस पुग्नुअघि नै तात्तातो चिया र दुनोट खाएर मात्रै क्लास छिर्थें ।

चिसोबाट बच्न प्रायः इनर, ज्याकेट, पन्जा लगाउँछु । घाममा बस्छु तर नर्मल्ली हिटर ताप्न मन लाग्दैन । अति नै जाडो भयो भने मात्रै हो । वाइन स्वाइन खाएर जीउ तताउने भने गरेको छैन, समारोहमा खानु छुट्टै कुरा भयो ।

चिसो भएकोले एकदमै धेरै नुहाउन सकिन्न । हप्तामा ३ पटकजस्तो । अझ पिनासले च्यापेको बेला त झन् कम नुहाउँछु । नुहाउनै परे पनि तातो पानी तताएर । उसो त म मुख पनि तातै पानीले मात्रै धुन्छु ।

निशा अधिकारी, नायिका

ओहो, उठ्न त कति गाह्रो कति नि । अलार्म लगाए पनि पहिलो पटकमै त कहिल्यै उठ्दिनँ । अहिले त झन् 'मिसन पैसा रिलोडेड' को सुटिङ चलिरहेकोले बिहानै उठ्नुपर्ने बाध्यता छ । एकपटक उठेर पाँचै मिनेट भए पनि फेरि सुत्न पाइयो भने कस्तो मज्जा आउँछ भने । त्यो जस्तो मिठो निद्रा केही हुँदैन । तर सिरकमै गुटमुटिएर किताब पढ्न पनि मजै लाग्छ । जाडोमा ढिला हुँदा पनि साढे आठसम्म निद्रा खुल्छ ।

जाडोले अलिअलि काममा असर त पार्छ नै । बिहान मात्रै नभई, राति अबेरका सुटिङ त्यसमा पनि झन् आउटडोर छ भने त समस्यै हुन्छ । यो बेला हेल्थ पनि हेर्नुपर्छ । त्यसैले म त पोर्टेबल लाइट ब्लाङ्केट नै बोकेर हिँड्ने गरेकी छु, सुटिङ नहँुदा त्यही ओढ्छु । रुघा, खोकी त नर्मल्ली लागिहाल्छ । त्यसले पनि कामलाई अलि अप्ठ्यारो पार्छ ।

चिसो भगाउन प्रायः तातो पेय पिउँछु । न्यानो लुगा लगाउने र हनी हट लेमन खान्छु । तर चिया, कफी भने मलाई मन पर्दैन । महिलाहरूको पहिरन तुलनात्मक हिसाबले अलि एक्पोज हुने खालका भएकाले पनि जाडोले हामीलाई बढी असर पार्छ । तर म त स्वास्थ्यमा ख्याल राख्ने भएकाले ग्वाम्म कपडा नै लगाएर हिँड्छु । जीउलाई कष्ट दिन्नँ ।

मलाई जाडो नै मन पर्छ । जाडो सहन सक्छु तर गर्मीमा त दिमाग नै ताते जस्तो हुन्छ । एकदम इरिटेसन हुन्छ । जाडो वा गर्मी दिनहुँ नुहाउन भने छुटाउँदिनँ ।

सन् २००७ को भ्यालेन्टाइन्स डेको दिन मलाई सबैभन्दा जाडोको महसुस भएको थियो । त्यो दिन काठमाडौंमा हिउँ परेको थियो । त्यस दिन मैले पहिलो फिल्म 'मिसन पैसा' को कन्ट्रयाक्ट साइन गरेर सपिङका लागि काठमाडौं प्लाजा निस्केकी थिएँ । बिहानैदेखि धुम्म परेकोले कम कपडा लगाएर निस्केकी थिएँ, तर दिउँसो त झ्याप्पै हिउँ पर्न थालेपछि जाडोले मारिहाल्यो ।

‘दिल’को चर्चा अमेरीकासम्म

2011-12-16T03:40:00.001-08:00

चलचित्र ‘पर्खिराख है’ बाट नेपाली सिनेमाको क्षेत्रमा प्रवेश गरेका नायक दिल श्रेष्ठ अहिले मख्ख छन् । उनले अभिनय तथा निर्माण गरेको यो सिनेमा अहिले देशभरका हलमा प्रदर्शन भईरहेको छ । तर, दिल मख्ख पर्नुको कारण यति मात्र होइन । उनले आफ्नो चर्चा अमेरिकासम्म भएको तब थाहा पाए, जब उनलाई एउटा अमेरिकाबाट एउटा एसएमएस आयो ।

एसएमएसमा लेखिएको थियो, ‘तपाईंको चर्चा यहाँका नेपालीले धेरै नै गर्दछन् । तपाईको यहाँ धेरै नै नाम छ, तपाईं अमेरिका
कहिले आउने चलचित्र लिएर ? यो एसएमएसले दिललाई अलम्मित बनायो । उनले हामीसँग कुरा गर्दै भने – ‘अमेरिकाबाट पनि मलाई राम्रो छ भन्दै एसएमएस आयो, पहिलो चलचित्रबाट नै यति धेरैले चिनेकोमा म खुशी छु । पहिलो सिनेमामा अभिनय गरेर धेरैले चिने यो नै मेरो सफलता हो ।’ दिलले अभिनय गरेको चलचित्र ‘पर्खिराख है’ ले अहिले देशभरका हलमा सन्तुष्टको व्यापार गरेको छ । तर, दिल भन्छन् -’मैले चलचित्रबाट पैसा भन्दा पनि आफुलाई चिनाउन खोजेको थियो, त्यसमा म सफल भएँ ।’ उनले ‘पर्खिराख है’ को सफलताले हौसिँदै अर्को नया सिनेमा पनि बनाउने बताए । ‘अब, नयाँ सिनेमा बनाउँछु, जसले नेपाली दर्शकलाई ठग्ने भन्दा पनि स्तरीयताको छनक दिओस्’ उनले भने ।

झरनाको पारिश्रमिक उठेन

2011-12-14T07:54:00.001-08:00

फिल्म 'माई लाइफ'का निर्माता सुरज आरडीले पारिश्रमिक पूरा नदिई अरूलाई नै डबिङ गराएको भन्दै नेपाल चलचित्र निर्माता संघमा अभिनेत्री झरना थापाले उजुरी पठाएकी छिन्। तर, उनले सो संघबाट सहयोग नपाउने भएपछि बुधबार कलाकार संघ जाने उनको तयारी छ।
निर्माता सुरजविरुद्धको उजुरी दर्ता नगरेको संघका सचिव सुरेशदर्पण पोखरेलले बताए। 'पेशागत संघले व्यावसायिक कुरामात्र हेर्छ। आफ्नो सदस्यविरुद्धको उजुरी दर्ता नगर्ने निर्णय गरेका छौं,' उनले
नागरिकसँग भने। कारबाही गर्न विधानले नदिने समेत पोखरेलले जिकिर गरे।

५० हजार पारिश्रमिक बाँकी राखेका सुरजले आफ्नो डबिङ अरूलाई नै गराएकोमा झरनाको आपत्ति छ। 'पारिश्रमिक दिनुपर्ला भनेर अरूलाई नै डबिङ गराएछन्। अहिले त फिल्मको च्यारिटी सो गर्दै हिँडेको सुनेकी छु,' उनले भनिन्। फिल्मका अन्य प्राविधिकको समेत पारिश्रमिक नपाएको झरनाको भनाइ छ।

निर्माता संघका अध्यक्ष राजकुमार राईले भने यो विषयलाई छिट्टै टुंगोमा पुर्‍याउने वचन दिए। 'सम्बन्धित व्यक्ति सम्पर्कमा नआएकाले एक पक्षीय कुरा मात्र सुन्नु परेको छ,' निर्माताको गलत नियत भए कारबाही गर्ने बताउँदै उनले थपे, 'झरना कहिल्यै विवादमा नपरेको हुनाले कुरा सही हो जस्तो लाग्छ। निर्माताको अवस्था बुझेर निकास निकाल्छौं।' जीवन रसाइली फिल्मका निर्देशक हुन्।

आर्यन र निरज भन्दा राजवल्लभ अगाडि

2011-12-14T07:52:00.000-08:00

संख्याका हिसाबले नायक आर्यन सिग्देल, निरज बरालका भन्दा राजवल्लभ कोइरालाको सिनेमा धेरै होलान् । तर, व्यापारका हिसाबले भन्ने हो भने यी दुई नायकको भन्दा राजवल्लभको सिनेमाको व्यापार पछाडि छ । तर, नायक राजवल्लभ कोइराला आज आएर यी दुईभन्दा अगाडि देखिएका छन् । कारण, उनले यी दुई नायकलाई नराम्रोसँगै पछारेका छन् ।यो पनि कुनै नेपाली सिनेमामा छनोट भएर होइन, हिन्दी सिनेमामा पनि होइन, नायक राजवल्लभ कोईराला हलिउड सिनेमाका लागि छनोट भएका हुन् । उनले, नायक आर्यन सिग्देल, निरज बराल, विनय श्रेष्ठलाई पछि पार्दै हलिउड सिनेमामा आफ्नो छनोट पक्का गरेका हुन् । अब, हलिउड सिनेमामा राजवल्लभले अभिनय गर्ने भएका हुन् । यो सिनेमाको नाम ‘हाइवे टु धम्पुस’ रहेको छ । धम्पुस नेपाली सिनेमाको छायांकनदेखि पर्यटकीय हिसावले चर्चित स्थान हो ।
उनी, हलिउडका केही सिनेमामा अभिनय गरेका एक पात्रको समानान्तर भुमिकामा देखिन लागेका हुन् । यो सिनेमालाई हलिउडका निर्माता, निर्देशकले नै बनाउन लागेका हुन् । सिनेमाको पुरा अंश नै अंग्रेजीमा ‘डव’ हुनेछ । यो सिनेमामा राजवल्लभ अडिसन दिएर छनोट भएका हुन् । अडिसन दिनका लागि आर्यन सिग्देल, विनय श्रेष्ठ, निरज बराल लगायतका नायकहरु पनि पुगेका दिए ।

तर, निर्माणपक्षले राजवल्लभलाई उत्कृष्ट ठहराउँदै चलचित्रको मुख्य पात्रको रुपमा छनोट गरेको हो । राजबल्लभले भने -’यो सिनेमामा छनोट हुँदा धेरै नै खुशी लागेको छ । म राम्रो गर्ने कोशिस गर्नेछु ।’ उनले पारिश्रमिकका बारेमा भने -’नेपाली सिनेमाको भन्दा धेरै नै बढी छ ।’ ठूलो उद्योग भएपछि पक्कै पनि पैसा पनि त्यही अनुसारको हुने नै भयो । हलिउड सिनेमामा छनोट भएकोमा नायक राजवल्लभ कोईरालालाई बधाइ ।

राजवल्लभ हलिउड सिनेमामा अनुबन्धित

2011-12-13T08:35:00.000-08:00

बधाइ छ, नेपाली अभिनेता राजवल्लभ कोइरालालाई जो हलिउड सिनेमामा अनुबन्धित भएका छन् । रिक म्याक फारल्यान्डले निर्देशन गर्ने अपकमिङ प्रोजेक्ट ‘हाइवे टु धम्पुस’मा राजवल्लभले साइन गरेका हुन् । हलिउड कलाकारसँगै राजवल्लभ यो सिनेमामा समानान्तर भूमिकामा अभिनय गर्दैछन् । फिप्टी फिल्म्स प्रोडक्सनले निर्माण गर्ने सिनेमाको सुटिङका लागि राजवल्लभ जनवरी अन्त्यमा हलिउड सिटी लस एन्जल्स प्रस्थान गर्दैछन् ।

‘दुईवटा सिन पठाउन भनिएको थियो र त्यो अडिसनबाटै म छनौट भएको हुँ’ राजले
मेरोसिनेमासँग भने, ‘यसप्रति म उत्साहित छु ।’ पारिश्रमिक पनि नेपालमा पाउनेभन्दा ठूलो परिमाणमा पाएको उनले बताए । उनले सिनेमाबारे थप खुलाउन चाहेनन् । बीसवर्षसम्म बलिउडमा रहेर डकुमेन्ट्री निर्माण गरेका निर्देशक फारल्यान्डले ‘माई गर्लफ्रेन्ड्स ब्वाइफ्रेन्ड’ (२०१०) र ‘स्टल्किङ सान्टा’ (२००६)जस्ता चर्चित सिनेमा निर्माण गरेका छन् । उनले थुप्रै टिभी सिरिज पनि बनाएका छन् ।

राजका अनुसार सिनेमामा नेपालको कथापनि समेटिएको छ । अन्नपूर्ण फेदीको धम्पुससहितका नेपाली ठाउँहरूमा सिनेमा सुटिङ हुनेछ । छायांकनका लागि सिनेमा युनिट जनवरी तेस्रो साता नेपाल आउनेछ । यो फिल्ममा हलिउडका नाम चलेका कलाकार पनि रहेको बताइएपनि नाम खुलाइएको छैन । राजवल्लभ यतिबेला सुटिङ ढिलाइ भैरहेको नेपाली सिनेमा ‘ए फर अमेरिका’मा व्यस्त छन् । ‘तर, उताको सेड्युल ठीक समयमा सुरु हुने भएकाले काम थालेको हुँ’ उनले भने ।
साभार : मेरो सिनेमा

‘मेरी बास्सै’ मा हमाल किन ?

2011-12-13T08:28:00.000-08:00

नायक राजेश हमाल अहिले सिनेमाको छायांकनको सँगसँगै नेपाल टेलिभिजनबाट प्रशारण भैरहेको हास्य टेलिसिरीयल ‘मेरी बास्सै’ खेल्नमा पनि व्यस्त छन् । नायक हमालले टेलिसिरीयलमा अभिनय गरेपछि यसले चर्चा पाउनु त स्वभाविक कुरा नै हो । तर, यसले ‘हमालले अब सिरीयल पनि खेल्न थाले’ भन्ने जस्ता आरोपहरु पनि निम्त्याएको छ ।

तर, नायक हमालले ‘मेरी बास्सै’मा खेल्नुको कारण अरु नै छ । नायक हमालले सिरीयल खेल्नुको पछाडि न त सिरीयलको क्रेजलाई देखेर हो न त पैसाको लोभ नै हो । उनी एउटा यस्तो भ्रम चिर्न चाहन्छन्, जसका कारण उनी ‘मेरी बास्सै’ सम्म
पुगेका हुन् । अहिले नेपालका बिभिन्न भागमा महोत्सवहरु आयोजना हुने क्रम बढेको छ । महोत्सवमा नायक हमालको नाम बिकाउने प्रचलन पनि बढ्दै गएको छ । महोत्सवमा हमाल आउँदैछन् भनेर टिकट बिकाउन आयोजकहरु लागि परेका छन् । तर, नायक हमाल भने त्यस्तो कुनै महोत्सवमा भाग लिन पुगेका छैनन् ।

यसले के देखाउँछ भने, आयोजकले दर्शकलाई हमालको नाम बिकाएर झुटो समाचार फैलाउने, यता हमाल नजाँदा दर्शकलाई हमालप्रति आक्रोश हुने । यही भ्रम चिर्नका लागि नायक हमालले ‘मेरी बास्सै’ खेलेका हुन् । राजेशका सहयोगी चिरञ्जीवि आचार्यले भने -’उहाँको नाम बिकाएर टिकट बिकाउने अनि उहाँ नजाँदा उहाँप्रति नै दर्शकले नराम्रो सोच्ने भएकाले ‘मेरी बास्सै’ खेल्नुभएको हो ।’

मेरी बास्सैका निर्देशक तथा कलाकार सिताराम कट्टेलले यही विषयलाई लिएर खेल्न आग्रह गरेपछि हमाल खेल्न राजी भएका हुन् । हाल चलचित्रको छायांकनमा व्यस्त भएपनि हमालले ‘मेरी बास्सै’मा समय दिईरहेका छन् । ‘मेरी बास्सै’को छायांकनबाट हमाल निकै सन्तुष्ट रहेको बुझिएको छ । यस्तै, नायक हमालसँगसँगै ‘मेरी बास्सै’का कलाकार तथा निर्देशक सिताराम कट्टेल पनि सन्तुष्ट देखिएका छन् । यसरी महोत्सवका कारण नायक हमाललाई अहिले सिरीयल खेल्नु परेको हो ।

कसैले पनि बिहेको प्रस्ताव गरेनन्

2011-12-12T01:02:00.000-08:00

दीपा श्री निरौला, कलाकार

नेपाल टेलिभिजनको लोकप्रिय कार्यक्रम तीतो सत्यकी कलाकार दीपा श्री निरौलालाई नचिन्ने कमै मात्र होलान् । सानैदेखि कलाकारितामा लागेकी निरौला आफ्नो प्रस्तुति देखाउन देश विदेशका धेरै ठाउँ पुग्नुभएको छ । प्रस्तुत छ, कलाकार निरौलासित अनलाइनखबरले गरेको अमेरिका संवाद ।

कहिले के सिलसिलामा जानुभएको थियो ?

कार्यक्रम प्रस्तुतिको क्रममा एक वर्षअघि त्यहाँ पुगेको थिएँ ।

अहिलेसम्म कतिपटक जानुभयो ?

त्यही एकपटक गएको हो । त्योबेला दुई महिनासम्म अमेरिका बसियो ।

नेपाली कलाकारहरुलाई पनि भेट्नुभयो होला ?

भेटें । सबैसित त भेट भएन । केही कलाकारहरुसित भेट भयो ।

उनीहरुको अवस्था कस्तो छ ?

राम्रो छ । जहाँ गएपनि कला मर्दैन भन्ने कुरालाई उहाँहरुले प्रमाणित गरेर देखाइदिनुभएको छ । कतै सांगीतिक कार्यक्रम भएको थाहा पाउने बित्तिकै उहाँहरु आफ्नो प्रस्तुति देखाउन पुग्नुहुन्छ । खोजी खोजी कार्यक्रममा जानुहुन्छ । नेपालबाट कोही गयो भने घरमा बोलाएर खुवाउनुहुन्छ । नेपालका अरु कलाकारहरुसित छुट्टिएर बस्नुपर्दा उहाँहरुले नरमाइलो महसुस त गर्नुभएको छ । तर आफ्नो कला र कलालाई मर्न दिनुभएको छैन ।

नेपालमा जस्तै चर्चा पाउन सकेका छन् त त्यहाँ कलाकारहरुले ?

नेपालमा जस्तो त किन हुन्थ्यो । यहाँ जस्ता नाम त छैन । तैपनि उहाँहरुले संघर्ष गर्नुभएको छ । आफ्नो कला देखाउने मौका पाइरहनुभएको छ । यहाँ जस्तो नभएपनि उहाँहरुले आफ्नो धर्म छोड्नुभएको छैन ।

तपाईंसित भेट हुँदा के भने त कलाकारहरुले ?

नेपाललाई धेरै ‘मिस’ गर्यौं भन्नुहुन्छ उहाँहरु । नेपालप्रति उहाँहरुको धेरै माया र श्रद्धा छ । मिश्रति प्रतिकृया छ । नेपालमा भएको भए यहाँ जस्तो दाम हुँदैन थियो भन्नुहुन्छ कोही । अनि नेपालमा हुँदा यहाँ भन्दा बढी नाम हुन्थ्यो भन्नेहरु पनि छन् । जे भएपनि उहाँहरुले नेपाललाई धेरै ‘मिस’ गर्नुभएको छ ।

तपाईंलाई चाहिं अमेरिकामा नै बस्न मन लागेन ?

त्यतिबेला लागेन मलाई । अहिले मेरो आवश्यकता यतै छ । त्यसैले मन गएन ।

भनेपछि पछि हुँदा उतै बस्ने मन हुन सक्छ ?

पछि के हुन्छ थाहा छैन । तत्काललाई चाहिं मेरो नेपालमा नै आवश्यकता छ ।

कति कलाकारले अमेरिकामै घरजम गरेर बसेका छन् । त्यहाँ पुग्दा कसैले बिहेको प्रस्ताव गरे की तपाईंलाई पनि ?

अहँ कसैले पनि गरेनन् । भोलिपर्सि के हुन्छ त्यो त थाहा छैन । तर पोहोर जाँदा कसैले पनि यस्तो प्रस्ताव गरेनन् । धेरै नेपालीहरुले यतै बस्नोस् कमाई राम्रो हुन्छ भन्नुभएको थियो । तर बस्न मन लागेन ।

अरु नेपालीको अवस्था कस्तो पाउनुभयो ?

अमेरिकामा धेरै नेपाली डीभी परेर गएका छन् । सबैजना खुशी नै छन् । तैपनि पछि ग्रीनकार्ड मिल्छ भनेर गएका, बिहे गरेर गएका र परिवार नलिइकन गएकाहरु चाहिं चिन्तित देखिन्छ । परिवारसित टाढा बस्नुपर्दाको पीडा छ उहाँहरुलाई । तैपनि यस्तै हुन्छ भनेर गएका हुनाले सबैले चित्त बुझाएकै छन् ।

नेपाल र अमेरिका तुलना गर्दा तपाईंले के फरक पाउनुभयो ?

प्राकृतिक वातावरणको हिसाबले नेपाल अमेरिका भन्दा राम्रो छ । तर अरु धेरै कुरामा अमेरिका राम्रो लाग्यो । त्यहाँ कामलाई सम्मान हुन्छ । कुनै भेदभाव छैन । राजनीति हस्तक्षेप पनि नहुने । स्थीर सरकारको कारण शासन प्रणाली मजबुत छ । नियम कानुन पनि बलियो । सबै उस्तै । सर्वसाधारण जनतादेखि राष्ट्रपतिसम्मलाई उस्तै नियम कानुन र प्रणाली भएकाले त्यहाँ कसैलाई भेदभावको महसुस नै नहुने रैछ । यो सानो काम, यो ठूलो काम भनेर तुलना पनि नहुने । यो कुरा मलाई त्यहाँको धेरै राम्रो लाग्यो । जुन कुरा नेपालमा पाउन मुश्किल छ ।

त्यहाँको के कुराले बढी प्रभावित बनायो ?

सबैभन्दा बढी मलाई त्यहाँको लाईफ स्टाइल मन पर्यो । आफ्नो टाइम टेबलमा हिंड्न पाईन्छ । सबैजना आआफ्नै कामधन्दामा व्यस्त छन् । कहिले कुनबेला के काम गर्ने निश्चित तालिका हुन्छ । सबैले त्यसको पालना गरेका हुन्छन् । सबैजना आआफ्नै कामधन्दामा व्यस्त छन् । कसैको बारेमा चासो राख्ने फुर्सद पनि हुँदैन । काम अनुसारको आम्दानी पनि राम्रो हुन्छ । जिन्दगी त अमेरिकाकै राम्रो जस्तो लाग्यो मलाई ।

अमेरिका रहँदा विर्सन नसक्ने कुनै क्षण ?

यहाँ हुँदा मैले हलिउडको बारेमा कुरा मात्रै सुनेको थिएँ । तर त्यहाँ हलिउड चलचित्रको ‘लाइभ सुटिङ’ हेर्ने मौका मिल्यो । देख्दै अचम्म लाग्दो अत्याधुनिक प्रवधिले मलाई निकै आकषिर्त बनायो । अर्को रमाइलो कुरा चाहिं समय मिलाउनको लागि मैले दुईटा घडी नै राख्नुपर्यो । एउटा नेपाली समयको लागि, अर्को अमेरिकाको समयको लागि ।

अमेरिका गएर त्यहाँको विकास निर्माणबारे धेरै कुरा हेरेर र्फकनुभयो । त्यहाँको जस्तै विकास नेपालमा सम्भव होला ?

अवश्य हुन्छ, तर त्यसको लागि सरकार र दलहरुसित इच्छाशक्ति हुनुपर्छ । सुशासन र स्थिर सरकारको आवश्यकता छ । सबैलाई नियम कानुन बराबरी हुनुपर्छ । कामको भेदभाव गर्न हुँदैन । यस्तो भएमा पक्कै पनि नेपालमा पनि अमेरिकाको जस्तै विकास सम्भव छ ।

अमेरिकामा जस्तै विकास भयो भने कोही पनि बिदेश पलायन हुँदैनन् त ?

आफ्नै देशमा राम्रो भयो भने पक्कै पनि कोही पनि बिदेश जानु पर्दैन । अहिले त शान्ति, सुरक्षा र सुशासन नभएकै कारण धेरै बिदेशमा भौंतारिन बाध्य हुनुपरेको हो । यहाँ जति गरेपनि कामको सम्मान हुँदैन, पैसा पनि हुँदैन, भेदभाव गरिन्छ । त्यसैले त विदेश जानुपर्ने बाध्यता भएको । नेपालमा भन्दा धेरै कुरामा राम्रो हुने भएकाले धेरैजना अमेरिका जस्ता देशहरुमा पलायन हुन बाध्य छन् । अमेरिकामा जस्तै राम्रो हुने हो भने कोही पनि पलायन हुँदैनन् । गएका पनि आफ्नै देशमा फर्किन्छन् ।

'मेरी बास्सै'मा राजेश हमाल

2011-12-10T04:13:00.000-08:00

अभिनेता राजेश हमाल हास्य शृंखला 'मेरी बास्सै'मा देखिने भएका छन्। शनिबार प्रसारण हुने सिरियलमा उनी 'राजेश हमाल'कै भुमिकामा देखा पर्न लागेका हुन्। आउँदो तीन शृंखलामा उनको उपस्थिति देखिने निर्देशक एवं कलाकार सीताराम कट्टेल 'धुर्मुस'ले बताए। 'सिरियलमा उहाँकै प्रसंग छ। मैले क्यारिकेचर गरेर फैलाएको भ्रम चिर्न उहाँको प्रवेश हुन्छ,' सीतारामले भने।

अहिलेसम्म सिरियलमा अभिनय नगरेका हमाल कन्सेप्ट मन परेकोले 'मेरी बास्सै'का लागि राजी भएको उनले बताए।
मंगलबार राति नै राजेशको सुटिङ सकाएका छन् सितारामले। अबको तीन हप्ता 'राजेश हमाल विशेष' हुने उनको दाबी छ। 'सुरुमा त यो अफरलाई अपमान गरेको ठान्ने हो कि जस्तो लागेको थियो। कथा सुनाएपछि राजी हुनुभयो,' योजना सफल भएपछि फुर्किएका सीतारामले भने, 'पारिश्रमिकको कुरा गर्ने मौका नै पाइएन। हाम्रो गच्छे अनुसार सम्मानजनक रकम दिन्छौं।'

(नागरिक)

‘साथीको मोबाईलमा ब्लु फिल्म हेरेकी छु’

2011-12-08T09:20:00.000-08:00

नेपाली सिनेमा क्षेत्रमा ‘स्वर’ नामक सिनेमा मार्फत नायिकाको रुपमा डेव्यु गरेकी केकी अधीकारी चलचित्रमा भन्दा पनि म्युजिक भिडियोमा जमिरहेकी छिन् । चलचित्र निर्देशक बदि्र अधिकारीकी छोरी केकी अभिनयमा सानैदेखि रुची राख्थिन् । आफ्नो अभिनयलाई पर्दामा उतार्न लागिपरेकी नायीका केकी अधिकारीको अभिनय क्षमतालाई धेरैले रुचाएका पनि छन् । उनै नायिका अधिकारीसँग अनलाइनखबरका विजय आवाजले गरेको कुराकानीः

· नामको अर्थ ?

मयुर

· घुम्न मन लागेको देश ?

स्विजरल्यान्ड

· गर्न मन लागेर पनि नपाएको कुरा ?

एमबीबीए गर्न

· मिठो पकाउने खानेकुरा ?

चाउचाउ । अरु त आउँदैन ।

· भेट्न मन लागेको व्यक्ति ?

सलमान खान

· डेटमा जान मन लागेको सेलिब्रेटी ?

सलमान खान

· चुम्वन गर्न मन लागेको सेलिब्रेटी ?

त्यस्तो कोही पनि छैन ।

· विवाहको बारेमा सोच्नु भएको छ ?

अहिले त्यस्तो केही पनि सोचेको छैन

· मनपर्ने नेता ?

गगन थापा

· मोडलिङ कि चलचित्र ?

कलाकारिता

· अवको दश वर्षपछिको केकी ?

विवाह गरेर घरजम गरेको हुन्छु होला ।

· तपाई सिनेमा क्षेत्रमा जम्न सक्नु भएन भन्छन् नि ?

दुई सिनेमा खेल्दैमा यसको मुल्यांकन गर्ने वेला अयो जस्तो लाग्दैन मलाई ।

· के पाउनु भयो सिनेमा क्षेत्रमा आएर ?

जीवनमा धैर्य गर्न सक्नुपर्छ भन्ने कुरा सिकंे मैले

· देशको महिला मन्त्री भए ?

महिला र बालबालिकाको हितका लागि काम गर्थें

· मनपर्ने युवक ?

बौद्धिक र बुझ्ने खालको

· आफूले आफूलाई मुल्यांकन गर्दा ?

म मा धेरै कमजोरी छ । अरुलाई चाँडै विश्वास गर्छु, जसले मलाई धेरै ठाउँमा धोका दिएको छ ।

· तपाई बाटोमा हिँड्दा कसैले पछाडिबाट पिटेमा ?

पहिला त ऐया नै भन्छु नि

· सिनेमा क्षेत्रमा गर्न मन लागेको कुरा ?

मलाई रानी मुखर्जीले ‘ब्ल्याक’ सिनेमामा गरेको भुमिका गर्न मन लागेको छ

· सेक्सी लाग्ने कलाकार ?

टोम ह्याङस, जस्टिन हर्सम्यान र व्राड पिट

· झट्ट हेर्दा पुरुषको मन पर्ने कुरा ?

आँखा

· अवको योजना ?

पहिला एमबीबीए पूरा गर्छु अनि म्युजिक भिडियो र फिल्ममा काम गर्छु । कम सिनेमा खेल्छु तर स्तरीय खेल्छु ।

· ब्लु फिल्म हेर्नु भएको छ ?

हेरेको छु तर पुरै भने कुनै पनि हेरेको छैन । साथीको मोवाईलमा साथीले देखाउँदा हेरेको छु ।

· तपाईको मोवाईल या कप्युटरमा यस्तो सिनेमा छ ?

छैन

· ब्लु फिल्म हेर्न कत्तिको कौतुहलता लाग्छ ?

त्यस्तो लाग्दैन, साथीहरुले मेरो मोवाईलमा छ भन्दा हेर्न मन लाग्छ ।

· अन्त्यमा प्रदर्शनको तयारीमा रहेको चलचित्र ‘मायाको बारीमा’को बारेमा के भन्नुहुन्छ ?

यो सिनेमामा माया प्रेममा हुने ‘जेनेरेशन ग्याप’लाई देखाईएको छ । यो एक मसलेदार सिनेमा हो ।

राजेशले हौस्याए निमाले गाए

2011-12-08T09:15:00.000-08:00

पाटन दरबार स्क्वायरको वातावरणले अभिनेता राजेश हमाललाई कवि बनायो। उलाई एकाएक चेतनामूलक स्लोगन फुर्‍यो।
'गो ग्रिन एन्ड किप गोइङ
अन्टिल द चेन्ज टेक्स प्लेस'
हरियाली कायम राख्ने कार्यमा लागि पर्न सन्देश दिने यो भावलाई उनले गुम्स्याएनन्। कार्यक्रम स्थलमा टाँगिएको सेतो कपडामा सबै सामु लेखिदिए।काठमाडौं कलेज अफ म्यानेजमेन्टको सोसियल वेलफेयर क्लबले बुधबार आयोजना गरेको कार्यक्रममा उनको दायित्व थियो विद्यार्थीले कोरेको चित्रकला र स्लोगन जाँच्नु। 'ग्लोबल वार्मिङ'का बारेमा अरूको रचना
हेरिसकेपछि उनले आफ्नो सिर्जनासमेत देखाएका हुन्। सहभागी माझ उनले विश्व तापमान बृद्धिको असरबारे आफ्नो बुझाइ समेत व्यक्त गर्न भ्याए। करिब तीन घन्टाको अवधिमा उनले यसबारे जागरण पैदा गर्न विद्यार्थीको भूमिका प्रभावकारी हुने चर्चा गरे।
कार्यक्रममा राजेशसँगै देखिएका गायक निमा रुम्बा पनि आफ्नो सिर्जना पस्किन पछि परेनन्। 'हरियाली जोगाउँ, वातावरण बचाउँ' भन्ने नारा लेख्दै गर्दा लम्बिएर गीत नै बन्यो। उनले राजेशसित नारा होइन गीत सिर्जिएको सुनाए। राजेशले उनलाई तुरुन्तै हौस्याए, 'त्यसो भए सुनाउनुस् न त।' निमा पनि के कम! ठाउँको ठाउँ कम्पोज गर्दै सुनाइदिए।
'द ग्रिन राइड : फाइट अगेन्स ग्लोबल वार्मिङ' नामक कार्यक्रम अभिनेता र गायकको उपस्थितिले प्रभावकारी बनेको आयोजक संस्थाकी युग्मी थापाले बताइन्।

'सेलिब्रेटीलाई कार्यक्रममा सहभागी गराउँदा स्थानीयवासी र अन्य सर्वसाधारणको जमघट राम्रो भयो। कार्यक्रमभर उनीहरुले निकै चाख मानेर सहभागिता जनाए,' उनले भनिन्। बिहान आठ बजे ग्वार्कोबाट सुरु भएको साइकल र्‍याली कोटेश्वर, बानेश्वर, मैतीदेवी हुँदै पाटन दरबार स्क्वायर पुगेको थियो।
विद्यार्थीको क्लबले गत वर्ष पनि यस्तै जनचेतनामूलक कार्यक्रम आयोजना गरेको थियो। ग्लोबल वार्मिङ, वातावरण संरक्षण र सरसफाइको विषयमा निरन्तर कार्यक्रम गर्ने क्लबका विद्यार्थीको योजना छ।

'नेपाली फिल्ममा पनि डर्टी'

2011-12-06T10:02:00.000-08:00

मिलन लुथरियाद्वारा निर्देशित बलिउड फिल्म 'डर्टी पिक्चर'ले भारतजस्तै नेपाली दर्शकबीच पनि राम्रो आम्दानी गरिरहेको छ। सधै शालिन र सामान्य पहिरनमा उत्रने हिरोइन विद्या वालनले फिल्ममा सन् ८० को दशककी दक्षिण भारतीय हिरोइन सिल्क स्मिताको भूमिका निर्वाह गरेकी छिन्। सेक्सी लुक र संवादका कारण चर्चित रहेको फिल्म हेरेपछि पाँच नेपाली हिरोइनको टिप्पणीः
डर्टी संवाद
नम्रता श्रेष्ठ, अभिनेत्री
एउटा फिल्मको सम्पूर्ण प्याकेज छ। सुरूदेखि अन्तसम्म तानिएँ म। फिल्म बनाउन झन्डै १० वर्ष अध्ययन गरिएको रहेछ। विद्या बालानको इनोसेन्ट
भूमिकाले फिल्मलाई भल्गर हुन दिएको छैन। सबैले गरेको मिहेनत फिल्ममा देखिएको छ। नेपालमा पनि यस्तो फिल्मको सम्भावना छ। तर यहाँ महिला सम्बन्धी फिल्म नै कम बनिरहेको छ। विद्याले पाएको जस्तो भूमिकाले कलाकारको क्षमता पनि उजागर हुन्छ।

माल्भिका सुब्बा, अभिनेत्री

यो एउटा खतरानक फिल्म हो। ८० को दशकको घटनाक्रमले अहिलेका दर्शकको मन छुनु नै यसको प्रमाण हो। फिल्मलाई भल्गर भन्न मिल्दैन। भलै सेक्सको सहारामा सफलता हासिल गर्नेको अन्त्य पनि भयानक हुन्छ भन्ने कुरा देखाएको छ। संवाद पनि सहयोगी छ। विद्यालाई भर्सटायल अभिनेत्री मान्न सकिन्छ। उनले सबै जोखिम मोलेर फिल्म खेलेकी छिन्। नेपालमा पनि प्रतिभाशाली अभिनेत्री छन्। तर यहाँ यतिको राम्रा फिल्म नै कति बनेको छ र?

हर्षिका श्रेष्ठ, अभिनेत्री
थोरैलाई मात्र मैले राम्रो फिल्मको सूचीमा राखेकी छु, त्यसमध्ये 'डर्टी पिक्चर' पनि एक हो। मान्छेको तुच्छ चरित्रको परिचय फिल्मले उजागर गरेको छ। सफलता पाउन मान्छे कतिसम्म गिर्नसक्छ र छोटो समयमा हासिल गरेको सफलता धेरै टिक्दैन भन्ने कुरा फिल्मले प्रस्तुत गरेको छ। फिल्म क्षेत्रमा काम गर्ने सबैले यो फिल्म एकपटक हेर्नै पर्छ। नेपाली फिल्ममा सिल्कजस्ता पात्रको उपस्थिति हुनसक्छ। तर नेपालमा पनि यस्तो सफलता टिक्ने वातावरण छैन।

ऋचा घिमिरे, अभिनेत्री
एकदमै राम्रो फिल्म बनेको छ। फिल्मको प्रोमो र थि्रलरले मलाई हलसम्म जान प्रेरित गर्‍यो। हिन्दी फिल्म हेर्न पैसा खर्च नगर्ने म यो फिल्म हेर्न चाहिँ गइहालेँ। विद्याको अभिनय र उनले खेलेको भूमिकाको तारिफ गरिनै पर्छ। सिल्क स्मिताको बायोग्राफीभन्दा केही फरक प्रस्तुत गरिएको हुँदा पनि फिल्म राम्रो बनेको हो। कतैकतै भल्गर भएको हो कि जस्तो लागे पनि अर्को दृश्यले भल्ग्यारिटीलाई हटाइहाल्छ। संवादले पनि फिल्मलाई भल्गर हुनबाट बचाएको छ। वास्तविक नेपाली फिल्ममा पनि यस्ता चरित्रका अभिनेत्रीहरू मैले देखेकी छु। सेक्सलाई हतियार बनाएर सफल हुन खोज्ने मानिसको सफलताको आयु कम हुन्छ भन्ने कुरा उनीहरू बुझ्न चाहन्नन्।

प्रियंका कार्की, अभिनेत्री
विद्या बालानको फ्यान भएकोले हो या किन हो मलाई फिल्म उत्कृष्ट लाग्यो। उनी भर्सटायल अभिनेत्री हुन् भन्ने कुरा प्रमाणित भएको छ। निर्देशकको मिहेेनत खेर गएको छैन। फिल्मको सुरूदेखि अन्तसम्म दर्शकलाई टक्क अड्याउन सक्नुनै सफल फिल्मको संद्या हो। जुन यसमा फिल्मको लागि सकारात्मक कुरा पनि हो। दिइएको कथावस्तु सेक्स सम्बन्धी भए पनि विद्याले न्याय र सन्तुलन गरेकी छिन्। फिल्म राम्रो हुन स्त्रि्कप्ट र क्यारेक्टर छनोटले पनि महŒवपूर्ण भूमिका खेल्छ भन्ने यसबाट बुझिन्छ।

महानायकले ‘ऊ ल ला...’ हेर्ने !

2011-12-04T06:09:00.000-08:00

महानायक राजेश हमालले दक्षिण भारतीय अभिनेत्री सिल्क स्मिताबारे बनेको सिनेमा ‘डर्टी पिक्चर’ हेर्ने भएका छन् । ‘मैले जाने र बुझेसम्म सिल्क स्मिताको जीवनमा निकै राइज एन्ड फल्सहरू छन्’ सुटिङको टी व्रेकमा संवाददातासँग उनले भने, ‘रिलिज अघिदेखि नै मलाई यो सिनेमाले निकै प्रभावित तुल्याएको छ । फुर्सद निकालेर चाँडै चिरञ्जीविसँग फिल्म हेर्नेछु ।’ शनिबार ‘डर्टी पिक्चर’ हेरिसकेपछि सहयोगी चिरञ्जीविले महानायकलाई फिल्म हेर्नैपर्ने भनेर सुझाएका रहेछन् ।

‘डर्टी पिक्चर’ एउटा अभिनेत्री कसरी सफलताको उत्कर्षमा पुग्छिन् र जिरोमा झर्छिन् अनि मृत्युवरण गर्छिन् भन्ने कथामा आधारित छ । जहाँ सिल्क स्मिताको भूमिकामा विद्या बालनले अभिनय गरेकी छिन् । केही महिनापहिले वर्कसपको सिलसिलामा काठमाण्डू आएका बलिउड अभिनेता नसुरुद्दिन शाहले पनि त्यतिबेलै ‘डर्टी पिक्चर’ हेर्न हमाललाई सुझाएका थिए । तर, लगातारको सुटिङ दौडाहाले महानायकले फुर्सद निकाल्न सकिरहेका छैनन् । ‘प्रोमो र म्युजिक भिडियो हेर्दा पनि विद्याले बोल्ड एक्टिङ गरेकी रहिछन्’ हमालले भने ।

‘द युगदेखि युगसम्म’ फर्कियो राजधानी

2011-12-04T06:07:00.000-08:00

आफू डेब्यु सिनेमा ‘युगदेखि युगसम्म’ प्रदर्शन जमघटपछि शुक्रबार निर्देशक समाजबाट बाहिरिँदा अभिनेता राजेश हमालले अर्को एक कुरा सुनेर मुस्कुराए । त्यो थियो –‘द युगदेखि युगसम्म’ पुस एक गते रिलिज हुने भएछ ।’ खबर सुनाउनेलाई तत्कालै उनले भने –‘एउटा युगदेखि युगसम्मले २५ वर्ष पुर्‍यायो भने अर्को युगदेखि युगसम्मले अर्को २५ वर्ष पुर्‍याउने भो ।’ हमालले सरल तथा सोच्नबाध्य उत्तर दिए ।युगदेखि युगसम्मको ‘रिमेक’ (?) सिनेमा ‘द युगदेखि युगसम्म’ पुस सक्रान्तिमा रिलिज हुने भएको छ । संयोगवश निर्देशक दीपक रायमाझीको निधनको ४५ दिनको छेकोमा उनीद्धारा निर्देशित ‘युगदेखि युगसम्म’ प्रदर्शन भैरहँदा उक्त रिलिज डेट
तय गरिएको थियो । ‘गजबको संयोग परेछ’ निर्माता अर्जुनकुमार भन्दै थिए, ‘फिल्मले राजेशदाईलाई अझै ज्यँुदो जाग्दो राख्नेछ ।’ सम्भवतः महानायकका ज्योतिष हरिहर अधिकारीले अझै १० वर्ष हमाल हिट हुने भनेर गरेको प्रक्षेपणसँग यी अभिव्यक्तिहरू मिलेका हुनसक्छन् ।

हमाल, नन्दिता केसी र अनु शाह स्टारर सिनेमा सो मितिदेखि काठमाडौं उपत्यकामा क्यू च्यानलअन्र्गतका हलमा रिलिज हुँदैछ । दुईवर्ष अगाडि मोफसलमा फिल्म चलिसकेको छ । यही सिनेमा हो जहाँबाट हमालले आफ्नो परम्परागत लुक्समा चेन्ज गरेका थिए । निर्देशक दीपेन्द्र के. खनालले हमाललाई मोर्डन लुक्समा त उतारे तर त्यसपछि भने हमाल पुरानै लुक्समा कमब्याक भए । के साँच्चिकै ‘द युगदेखि युगसम्म’ले हमाललाई अझै दशकसम्म हिट तुल्याउला ?

सुष्मासँग राजेशको रोमान्स (फोटो फिचर सहित)

2011-12-02T04:30:00.000-08:00

नायक राजेश हमालले नायिका सुष्मा कार्कीर्र्लाई बिस्तारै आफ्नो अंगालोमा राखे र निधारमा चुम्बन गरे । चारैतिरबाट सजाईएको बेडमा लजाउँदै बसेकी सुष्माले पनि राजेशको ओठमा चुम्बन गरिन् । यसपछि नायक हमालले सुष्मासँग ईशारामा सेक्सको अफर गरे । सुष्माले पनि उनको अफरलाई सहजै स्वीकार गरिन् । सुष्मालाई बेडमा बिस्तारै पल्टाएर नायक हमालले उनको गाउनको माथिल्ला भाग खोलीदिए । सुष्माले पनि हमालको सर्ट खोलिन् र चुम्न थालिन् । सुष्माको चुम्बनले राजेश लगभग उत्तेजित भैसकेका थिए । यतिकैमा, निर्देशकले ‘ओके कट’ भने ।

चलचित्र ‘मेरो जीवन साथी’का लागि नायक हमाल र नायिका कार्कीले दिएको ‘बेड सिन’को दृश्य हो यो । झण्डै साढे २ घन्टा लगाएर छायांकन गरिएको यो दृश्यमा नायक हमाल र नायिका कार्कीले खुलेर दृश्य दिए । शुरुवातमा यो दृश्य दिनका लागि दुवैले आनाकानी गरेपनि निर्देशक दिवाकर भट्टराईको आधा घन्टा लामो संझाईवुझाईपछि दुवै सहमत भए । दृश्य दिने समयमा कैयौं पटक दुवैले ‘यति भए त भैहाल्छ नि’ भनेर निर्देशकसँग आग्रह गरेका थिए । तर, निर्देशक भट्टराईले हुँदैन भन्दै दुवैलाई यो दृश्य खिचाएका थिए ।

राजेश हमालसँग पहिलोपटक यस्तो हट सिन दिनु परेकाले पनि हुनसक्छ नायिका कार्की सुटिङ अवधिभर धेरै नै नर्भस देखिएकी थिईन् । चलचित्र ‘मेरो जीवन साथीका लागि यी दुईले दिएको यो दृश्य भ्यालेन्टाईनको दिनमा प्रेमी र प्रेमिकाबीच हुने रोमान्सको हो । चलचित्र चलाउनैका लागि तयार पारिएको यो रोमान्सले सिनेमालाई फाईदा पुर्याउँछ या पुर्याउँदैन, त्यो त हेर्न बाँकी नै छ ।

साभार :online khabar.com

ब्रसेल्समा ‘दिलमा सजाएँ तिमीलाई’

2011-11-30T11:40:00.000-08:00

नेपाली चलचित्र ‘दिलमा सजाएँ तिमीलाई’ युरोपेली मुलुक बेल्जियमको नेपाली डायस्पोरामा प्रदर्शन गरिने भएको छ । युरो नेपाल कलाकार संघको पहलमा चार डिसेम्बरमा त्यहाँको एन्त्रोपेन फिल्म हाउसमा सिनेमा प्रदर्शन गर्न लागिएको छ । १८ डिसेम्बरमा लुवेनको ओन्स हाउसमा पनि चलचित्र स्क्रिनिङ हुँदैछ । प्रदर्शनले नेपाली सिनेमाको अन्तराष्ट्रियकरणमा सघाउने विश्वास आयोजकले लिएका छन् ।

चलचित्रको निर्माण बेल्जियममा बसोबास गर्ने गैरआवसिय नेपाली तेजेन्द्र कँडेलले गरेका हुन् । राजु अधिकारी निर्देशित सिनेमा यसअघि स्वदेशमा प्रदर्शन भैसकेको छ । किशोरप्रसाद शर्मा, जेएन घिमिरे र कँडेलले मिलेर निर्माण गरेको चलचित्रमा आयुष रिजाल, युना उप्रेतीलगायतको अभिनय छ । चलचित्रमा एक्सन, संगीत र रोमान्स समेटिएको निर्देशक अधिकारीले बताए ।

एउटा अविष्मरणीय यात्रामा दिपक र दीपा

2011-11-30T11:24:00.000-08:00

निकै हर्षित हुँदै बुधबारको चिसो साँझमा सञ्चारकर्मी माझ कमेडी किङ दिपकराज गिरी भन्दै थिए, 'ब्यावसायिकतलाई हेरेर विदेश त धेरै पटक गईयो तर पुरै देशको प्रतिनिधित्व गर्दै यसपालिको जेनेभा भ्रमण जिवनकालकै अवस्मिरणीय हुने छ ।तितो सत्यमा उनको श्रीमती भएर अभिनय गर्ने दीपश्री निरौलाको साथमा आउदो आईतबार देखि बिहीबार सम्म स्वीटजरल्याण्डको जेनेभामा आयोजना हुने विश्व स्वास्थ्य संगठनको विशेष कार्यक्रममा उनीहरुले अर्न्तराष्ट्रिय सिने संगीत सेलिब्रेटी, विभिन्न क्षेत्रका उच्चपदाधिकारी र जर्नलिष्ट हरुको माझमा नेपालको प्रतिनिधित्व गर्दै दश मिनेट प्रेजेन्टेशन दिने कार्यक्रम छ । जहाँ उनीहरुले तीन बर्ष अगाडी नेपाल सरकार अर्न्तगत राष्ट्रिय क्षयरोग केन्द्रको पहलमा सद्भावना राजदुत हुँदा भोगेका, देखेका र क्षयरोग उन्मुलन गर्न चालेको विभिन्न प्रयासहरुलाई प्रस्तुत गर्दैछन् ।

विश्व स्वास्थ्य संघगठनको कार्यक्रममा नेपालबाट यो जोडी छनौट भएका हुन् । प्रेस भेटघाटमा उपस्थित क्षयरोग केन्द्रका पदाधिकारी गोकुल मिश्रले भने, 'भब्य रुपले आयोजना हुने उक्त कार्यक्रममा विभिन्न देशका चर्चित सेलिब्रेटीको पङ्तिमा तीतो सत्य जोडी पनि परेको हो ।' सामाजिक कार्यक्रमा अनुबन्धीत भएका दीपक र दीपाको करिब डेढ दशकको अभिनय यात्रामा पहिलो पटक देशको प्रतिनिधित्व गर्दै उनीहरुले अर्न्तराष्ट्रिय मञ्चमा आफ्ना सामाजिक कार्यका उपलब्धीलाई प्रस्तुत गर्नेछन् ।

सन् २००२ मा पहिलो पटक हङकङमा ब्यावसायिक रुपमा कार्यक्रम प्रहसन गर्न जादाको दिन सम्झदै दीपकले भने, 'त्यसपछी पनि प्रहसनका लागि हामी धेरै पटक विदेश गईसकेका छौ जुन नितान्त हाम्रो ब्यक्तिगत फाईदाको लागि थियो तर यसपालि भ्रमण देशकै ईज्जत भएकाले यसरी प्रेस भेटघाट गरिएको हो ।'

डब्लूएचओको एक हप्ते विशेष कार्यक्रममा भाग लिन जान लागेको उक्त टोलीले पशुपतिको जात्रा सिद्राको ब्यापार भने जस्तै यूरोपका विभिन्न मुलुकमा कार्यक्रम पनि गर्दैछ । क्रिसमशको पूर्वसन्ध्यामा यूरोपमा रहेका नेपाली एनआरएनहरुले गर्ने विभिन्न कार्यक्रममा तितो सत्य जोडीले सहभागीता जनाउने छ जुन नितान्त ब्यावसायिक हुनेछ । तर यो कुरालाई दीपक कलाकार भएको नाताले प्रस्ताव आएका विभिन्न कार्यक्रममा सहभागीता जनाउने स्वरूप भाग लिन लागेको बताउँछन् ।

दिपक र दीपाले ईटाली, बेल्जियम, जर्मनी लगायत युरोपका बिभिन्न मूलुकका करिब दश स्थानमा आयोजना हुने साँस्कृतिक कार्यक्रममा सहभागीता जनाउदैछन् । जसका लागि डेढ महिनाका लागि तितो सत्यको प्याकेज सुटिङ उनीहरुले गरिसकेका छन् । मौका मिले उनीहरूले स्विटजरल्याण्डमा पनि तितो सत्यको सुटिङ गर्नेछन् ।

आखिर होइन रहेछ विनिताको नाङ्गो तीस्बर,! क्यामेराको खेलले सबैलाई हैरानी

2011-11-30T03:29:00.000-08:00

आफ्नो पहिलो सिनेमा 'चपली हाईट'लाई हिट बनाउन दर्शकको आर्कषणको लागी माथि सर्वाङग भएर हिरोको हातले स्तन छोपेको जस्तो तस्वीर खिचाएकी नायिका विनिता बरालले तस्बिरले आफ्नो वेइजती गरेको भन्दै निर्मातालाई टेन्सन दिन थालेपछि ‘चपली हाइट’का दसहजार प्रति पोस्टर जलाइएको छ ।

अभिनेत्री विनिता बरालले प्रेसमिट आयोजना गरि टपलेस र निर्वस्त्र आरोपहरूको खण्डन गरेकी थिइन् । लगत्तै, निर्माताले पोस्टरबाट ती फोटोहरू हटाउने निर्णय गरेका थिए । फिल्मका लागि भनेर खिचिएको उक्त फोटोलाई विनिताले इन्टरवेयर लगाएरै खिचिएकी थिइन् जुन कुरा उनले पछि सार्वजनिक गरिन् । तस्बिरहरु केलाउँदै जाँदा यो क्यामेराको खेल मात्रै भएको तर विनिताको नाङ्गो तस्बिर नभएको पाइएको छ ।
पत्रपत्रिकामा आएको तस्बिर यस्तो थियो :

‘टपलेस’ विवादमा मुछिएको यो सिनेमाका निर्मातालाई सो परिमाण बराबरको पोस्टर र रि–डिजाइनिङसहित अढाइ लाख रुपैंया क्षति समेत पुगेको छ ।

तीस गुणा चालिस साइजका ती पोस्टरलाई बुधबार बिहान जलाइएको निर्देशक दीपेन्द्र के. खनालले बताए । ‘हामीलाई पैसाभन्दा पनि बढी तनाव भएको छ’ उनले भने, ‘टेन्सनसामु अढाइ लाख पनि सानो हुँदो रहेछ ।’

दस हजार पोस्टर रि–डिजाइन र प्रिन्ट गर्नुपर्ने भएपछि निर्माता अर्जुनकुमारलाई थप भार पुग्ने भएको छ । यति मात्र होइन, पुनः पोस्टर छाप्नुपर्ने भएपछि चलचित्रको फस्टलुक, टिजर र म्युजिक रिलिजमा ढिलाइ हुने पक्का भएको छ । यसअघि मंसिर ९ गतेको रिलिजलाई स्थगित गरिएको सिनेमाको अपकमिङ रिलिज पनि अनिश्चित बनेको छ ।

पोस्टरको नयाँ डिजाइनलाई फाइनल गर्ने काम धमाधम भैरहेको छ । यसअघि पोस्टरका लागि खिचिएको फोटोलाई मिडियाले टपलेस भनेर प्रकाशित गरेपछि सिनेमा विवादमा तानिएको थियो ।

कता हराए कोरस डान्सर

2011-11-30T00:33:00.000-08:00

बढीभन्दा बढी कोरस डान्सरलाई नाच्न लगाई गीत भव्य बनाउने होडबाजी नेपाली फिल्ममा एकताका खुब चलेको थियो। फिल्मका 'धनीमानी'ले खोलाको किनारादेखि डाँडापाखा कोरस डान्सरले छोपिदिन्थे। नृत्य निर्देशकबाट निर्माता बनेका राजु शाहले त 'मुस्कान'मा राम्रैसँग आफ्नो 'जनपरिचालन' देखाए। अत्याधिक कोरस प्रयोग गर्ने उनको सामर्थ्यको लामै समय चर्चा चलेको थियो। अहिलेका फिल्मी गीतमा भने कोरस देख्नै मुस्किल पर्न थालेको छ। अनिवार्य पक्ष नभए पनि नेपाली फिल्ममा गीतको संख्या घटेको छैन। तर, हिरोहिरोइनका पछाडि नाच्ने कोरस डान्सरहरु भने घटेको मात्र होइन लगभग हटिसके।
बजेट घटाउने नाममा कोरसको कटौती गर्न थालेको बताउँछन् मेघलाल बम्जन। 'महिनामा दुई वटा गीत पनि पाउन गाह्रो भयो। एउटा गीतको १७ सयले कसरी बाँच्नु?' नाम र दामको आकर्षण देखेर यो क्षेत्रमा लागेका बम्जन जीविकोपार्जनका लागि क्यासिनोमा नाच्न थालेका छन्। पारिश्रमिक थोरै भए पनि दोहोरीमा काम पाइरहेका थिए उनले। तर, दोहोरी गीतका निर्माता चलाख हुन थालेका छन्। 'पहिला आठ मिनेटको गीत बन्थ्यो।

अहिले ३० सेकेन्डको प्रोमोले काम चलाउँछन्,' यसले कोरस डान्सरको बेरोजगारी अझै बढायो।

दिलिप रायमाझी र सुशील क्षेत्रीलाई यही पेशाले हिरो बनाएको देखेका बम्जन ठूलै सपना सजाएर नाच्न थालेका हुन्। 'हामीजस्तो साधारण मानिसलाई माथि पुग्न गाह्रो रहेछ,' यो बुझाइसँगै उनी विकल्पको खोजीमा लागे।

कोरस डान्सर बबिता लामालाई पनि यो पेशाको मोह घटेको छ। साथीसंगीले गतिलो कमाइ गरेको बुझेपछि विदेश जाने प्रयासमा छिन्। 'दुबईमा डान्सरको खुब डिमान्ड छ भन्छन्। अब त्यतै लाग्ने सोचमा छु,' बबिताले भनिन्। उचित पारिश्रमिक नदिने र सिकारुबाट काम चलाउने परिपाटीले पनि उनलाई अझै वितृष्णा पैदा गरेको छ।

सिपालु डान्सरलाई फिल्म, मध्यमलाई आधुनिक र पप, ठिकैकालाई दोहोरी गीतमा खटाउने गरेका छन् कोरसका ग्रुप लिडर सागर लामाले। काम अनुसार पारिश्रमिक पनि फरक छ। फिल्ममा नाच्नेले दुई हजार पाउँछन् भने आधुनिक र दोहोरीकाले क्रमशः एक हजार र पाँच सय। राजधानीको बागबजारमा डान्स सेन्टरसमेत चलाउने सागरले कोरसको पारिश्रमिक बढेपछि निर्माताहरु तर्सिएको अनुभव गरेका छन्। उनको आफ्नै विश्लेषण छ, 'उचित पारिश्रमिक दिएर योग्य कलाकार राख्दैनन्। फिल्म लाइन खस्किएको त्यही भएर हो।' फिल्मले कोरस घटाएपछि स्कुल, क्यासिनो, रेस्टुरेन्ट र विदेशतिर उनीहरु विस्थापित भएको देख्छन् उनी।

नेपाल टेलिभिजनको डान्स सम्बन्धी रियालिटी सो 'छमछमी'ले गर्दा नृत्य सिक्न आउनेको संख्या बढेको मान्छन् सागर। सोही कार्यक्रमका उत्पादन पार्वती राई र पूर्णिमा श्रेष्ठको सफलताले धेरैलाई लोभ्याएको अड्कल उनको छ।

थोरै बजेटका फिल्मले आफूहरुलाई काम दिन नसकेको डान्सरहरू सुनाउँछन्। थोरै पारिश्रमिक, त्यो पनि समयमा नदिने निर्माताले धेरैलाई हैरान बनाएको छ। तर, नृत्य निर्देशक गोविन्द राई भने फिल्मी गीत निर्माता होइन नृत्य निर्देशकको खटनमा चल्ने दाबी गर्छन्। अनुभवले खारिँदै गएपछि उनको मान्यता पनि फेरिएको छ।

कोरसबिनाको गीतलाई नुनबिनाको तरकारी जस्तै ठान्ने नृत्य निर्देशक रोम्यान्टिक गीतमा कोरसको प्रयोगलाई 'वाहियात' बताउँछन्। 'फिल्ममा अचेल रोम्यान्टिक गीतको लहर छ। यसमा कोरस सुहाउँदैन। युगल गीतमा कोरसले माहोल नै बिथोल्छ,' उनले भने। अहिले रिलिज भइरहेको फिल्म 'जब जब माया बस्छ'लाई कोरस बिना नै पूरा गरेका राईले गत वर्षको हिट फिल्म 'गोर्खा पल्टन'मा कोरसले मैदान भरेका थिए। 'त्यो मेलाको गीत थियो। त्यसैले सुहायो। तर, जथाभावी कोरस प्रयोग गर्दा नेचुरल हुँदैन,' यस्तै बुझाइका कारण फिल्ममा कोरसको प्रयोग कम हुन थालेको निष्कर्ष उनी दिन्छन्।

मण्डपमा वस्दा समय काट्नै गाह्रो भो : निरज बराल (नायक)

2011-11-29T14:27:00.000-08:00

रिल लाईफमा थुप्रै पटक वेहुलाको भुमिका निभाएका 'कुसुमे रुमाल-२' डेव्यु हिरो निरज बराल गत मंसिर ६ गते मंगलबार रियल लाईफमा नै वेहुला बनेका छन् । करिव पांच वर्ष अघि देखि झापाकी निवेदिता ढकालसंग प्रेम गरिरहेका निरजले आफ्नो प्रेमलाई विवाहमा परिणत गरेका हुन् । व्रेक फेल स्टार निरजले कतार एयररवेजकी एयर होस्टेज निवेदितासंग हिन्दु संस्कार अनुरुप नै विवाह सम्पन्न गरेका हुन् । प्रस्तुत छ नव दुलाहा निरजसंग विवाह सम्वन्धमा रहेर बुटवलका रंगपत्रकार संजय सौगातले गरेको कुराकानी-

विवाह वन्धनमा बाधिनुभएको छ, कस्तो लागिरहेको छ ?
विल्कुलै फरक अनुभुती गरिरहेको छु । रिल लाईफमा र रियल लाइफमा विवाह विल्कुलै फरक हुदो रहेछ । रिल लाइफको विवाह एक्सन कटमा सकिन्थ्यो तर यो विवाह त बाचुन्जेल सम्मका लागि जोडिएको छ । रिल लाइफमा विवाह गर्दा रमाइलो अनुभुती हुन्थ्यो तर साँच्चिकै रियल लाइफमा विवाह गर्दा भने मान्छे गम्भिर हुने रहेछ । किनकी उसको जीवनशैलीले नै विवाहको दिनदेखि नयाँ शैली लिंदो रहेछ । मलाई पनि त्यस्तै भएको छ । भविष्यको वारेमा पनि केही सोच्न बाध्य बनाएको छ ।

विवाहको मण्डपमा वस्दा तपाईंले कस्तो अनुभव गर्नुभयो ?
साँच्चै नै विवाह मण्डपमा वसिसकेपछि समय काट्न निकै गाह्रो पर्दो रहेछ । रिल लाइफमा त दुई चार मिनेटमै विवाह सकिन्थ्यो खासै वोर हुन्थेन रमाइलो लाग्थ्यो तर साँच्चिकै विवाहमा भने तीन चार घण्टाको त्यो समय विताउन निकै गाह्रो पर्‍यो ।

विहे गर्ने सोच पहिले तपाईंले बनाउनुभएको हो की निवेदिता जीले ?
पाँच वर्षको प्रेम सम्वन्ध पछि हामी दुवैले नै सोच बनाएका हौं । किनकी प्रेम सम्वन्धलाई धेरै लामो समय सम्म राख्नु पनि उपयुक्त हुन्न भन्ने हाम्रो सोचाई थियो ।

विवाह पछि एक दिनमै आफुलाई कत्तिको परिवर्तन भएको अनुभव गर्नु भयो ?
परिवर्तनको अनुभुती गरेको छु किनकी हिजो सम्म म एक्लै थिएँ अव दुई जना भएका छौं । साथै अर्काकी छोरीलाई जिम्मा लिएपछि उसको भविष्यको वारेमा पनि सोच्नु मेरो दायित्व हो । त्यस वारेमा पनि मैले अहिलेदेखि नै सोच्न थालिसकेको छु । त्यसैले पनि आफुलाई परिवर्तन भएको महसुस गरेको छु ।

विवाह पछिको योजना के छ ?
खासै त्यस्तो महत्वपुर्ण योजना त अझै बनाएको छैन । अवको दाम्पत्य जीवन सुखमय तरिकाले विताउने सोचमा छु । साथै दुवैको करिअरलाई पनि राम्रो संग अगाडि बढाउने सोचमा छु । त्यस्तै अव लगत्तै सुरेश दर्पण पोखरेलको निर्देशनमा वन्न लागेको चलचित्र 'थ्री लर्भस' सँगै राम्रा राम्रा चलचित्रमा काम गर्ने योजनामा छु । क्वान्टिटी हैन क्वालिटीमा ध्यान दिनेछु ।

'फेसबुक'को सिंगापुरमा सुटिङ

2011-11-29T14:18:00.000-08:00

होम प्रोडक्सनको फिल्म 'फेसबुक'को सुटिङ गर्न सिंगापुर पुगेकी अभिनेत्री झरना थापा आइतबार काठमाडौं फर्किएकी छिन्। उनीसँगै फिल्मका निर्माता सुनिलकुमार थापा र निर्देशक सुरज सुब्बा 'नाल्बो' सहित १३ जनाको टोली पनि फर्किएको छ।
स्क्रिप्टले विदेशको दृश्य मागेपछि 'फेसबुक'को रोजाइमा परेको हो सिंगापुर। दुई गीत र केही दृश्यको सुटिङ सात दिनमा सकाउने योजनाका साथ त्यता गए पनि क्यामेरामा खराबी आएपछि बसाइ लम्बिएर ११ दिन पुगेको झरनाले बताइन्। 'उता बनाउने प्रयास गरे पनि सकिएन। नेपालबाट वायर नमगाई क्यामेरा नबन्ने भएपछि कुर्नुको विकल्प भएन,' उनले भनिन्, 'महँगो ठाउँमा बिना काम बस्नुपर्दा केही तनाव पनि भयो।'

सिंगापुरको पर्यटकीय क्षेत्रमा सुटिङ गर्न जाँदा त्यहाँका नेपालीले निकै अचम्म मानेको समेत अनुभव गरिन् झरनाले। 'ओहो नेपाली फिल्मको पनि सिंगापुरमा सुटिङ! भनेर रेस्पोन्स देखाउँदा इज्जत बढेको जस्तो लाग्दो रहेछ,' फिल्मलाई नौलो रूप दिन यस्तो प्रयास गरेको बताउँछिन् उनी।

युनिटमा ४० भन्दा बढी सदस्य, हिरोइनलाई छाता ओढाउने छुट्टै जनशक्ति, कुर्सीसहित 'स्ट्यान्ड बाइ' स्थल सहयोगी जस्ता सुविधाबाट भने सिंगापुरको सुटिङमा बिमुख रहिन् झरना। १३ जनाको टोलीले सबै काम धान्नुपर्दा आफ्नो मात्र होइन अरुको काममा समेत सहयोग गरेको उनले लुकाइनन्।

'त्यहाँ सानो-ठूलो भन्ने भावना नै रहेन। काम राम्रो गर्न सबैले सबै खाले काम गरियो। न हिरोइनले झोला बोक्नु हुँदैन भन्ने भावना ममा पलायो न त अरू सदस्यले नै आफ्नो मात्र काम गरे। रियल टिमवर्कको अनुभव गर्‍यौं,' उनले भनिन्। सहरी परिवेश, 'आइडियल लोकेसन', त्यहाँको जीवनशैलीलाई फिल्ममा उतारेको उनको भनाइ छ।

बिहान ५ वजे उठेर ७ बजे नै सेट तयार पार्ने 'फेसबुक' टोलीले त्यहाँको गर्मी र झरीलाई समेत झेल्नु पर्‍यो। सिंगापुरमा जस्तै छिटो काम गरे ३० दिनमा सुटिङ सकिने झरनाको हिसाब छ। बाँकी सुटिङ काठमाडौं, लुक्ला र पोखरामा हुने उनले जानकारी दिइन्।

फिल्मको बजेट ६० लाख नकटाउने योजना छ। 'विदेशमा सुटिङ गर्दैमा लागत १ करोड कट्ने होइन। यहाँ अनावश्यक खर्च धेरै गरेर फिल्मको बजेट बढी बताउने चलन छ,' राम्रो व्यवस्थापन गर्न जाने सस्तोमा राम्रो फिल्म बनाउन सकिने दाबी गरिन् झरनाले।
फिल्ममा सञ्जय लामाको छायांकन, कविराज गहतराजको कोरियोग्राफी, रोशन श्रेष्ठको फाइट र सुनिल बर्देवाको संगीत छ। राजेश हमाल, सुनिल थापा, सुवास थापा, गणेश सापकोटालगायतका कलाकारले अभिनय गरेको फिल्ममा स्वतन्त्रप्रताप शाहले नयाँ प्रस्तुतिका रूपमा अभिनय गरेका छन्। झरनाका पति सुनिलकुमार थापाले 'धर्म संकट', 'गोर्खाली', 'ए मेरो हजुर' र 'तकदीर' नामक फिल्म निर्माण गरेका छन्। सबैमा झरनाको मुख्य भूमिका छ।

फिल्मले राम्रो व्यापार नगरिरहेको अवस्थामा निर्माण थाल्नुको कारणबारे झरनाले भनिन्, 'लामो समयदेखि यो क्षेत्रमा लागेको नाताले अप्ठ्यारो परिस्थितिमा पनि प्रयास गर्नु हाम्रो कर्तव्य हो।'

बाबु बिबाहका लागि परिपक्क रागिनीको अझै केही बर्ष

2011-11-25T03:45:00.000-08:00

आज नायक तथा गायक अनि संगीतकारले पनि परिचित बाबु बोगटी र नव नायिका रागिनी खड्गीको जन्मदिन हो । बाबुले ३० औं जन्मदिन सेलिब्रेट गर्दैछन् भने रागिनिले आफ्नो उमेर खुलाउन चाहिनन् ।

जन्मदिनको अबसरमा आज बाबुले पाँच बर्ष अघि रेकर्ड भएको गीतलाई म्यूजिक भिडियो बनाई विभिन्न टेलिभिजनबाट प्रिमियर गर्दैछन् भने बिहान आमासंग सफल भविष्यको कामना गर्न पशुपति नाथ दर्शन गर्न जादैछन् । मुड चलेको खण्डमा साँझ घरमा केक काट्ने योजना पनि छ उनको । यस्तै पछिल्लो समय चलचित्रमा निकै ब्यस्त हुन थालेका बाबु तीन प्रोजेक्टमा मुख्य हिरो भएर अभिनय गर्दैछन् । सुरज सुब्बाको दुई प्रोजेक्ट वितेका पल र मेरो भ्यालेन्टाईन त्यसैगरी सचिन नाम गरेका एक निर्देशकको फिल्म आई एम ईन लभमा उनी मुख्य हिरो भएर खेल्ने पक्का भैसकेको छ र त्यसको तयारीमा जुटेका छन् उनी ।

यसैगरी जन्मदिनको दिन परिवारसंग केक काट्ने योजना बनाएकी राजेन्द्र खड्गीकी छोरी रागिनी दुलही रानीको सुटिङका लागि महेन्द्रनगर जानु पर्ने भएपछी उनको बथडे सेलिब्रेसन सुटिङ यूनिटसंगै हुने भएको छ । उनको बर्थडे सेलिब्रेसनका लागि निर्देशक सोभित बस्नेतको टिमले केक तयार पारेर राखेको छ ।

बिबाहको सिजन शुरू भएको अवस्थामा फिल्मीखबरको विवाह सम्बन्धी प्रश्नमा बाबुले बिहेका लागि परिपक्क भैसकेको र करिअर भर्खर सुरु भएको प्रतिक्रिया दिए भने रागिनीले भर्खर करियर शुरू गरेकाले अझै केहि बर्ष बिबाहको मनस्थिती नबनाएको प्रतिक्रिया दिईन् । तर ज्योतिषले अझै दुई बर्ष विवाहका लागि उपयूक्त समय नभएको भन्ने ज्योतिष्याँई गरिदिएपछी बाबुले तत्काल विवाहको मनस्तिथि पनि परिवर्तन गरेका छन् । २९ पुरा भै आजबाट तीस टेकेका बाबुले जन्मदिनको अबसरमा भने, 'विहेका लागि त योग्य भैसके तर आफूले सोचेको पोईन्टमा अलि पुगिसकेको छैन त्यसैलै दुई बर्ष पछी मात्र बिहे गर्छु ।'

एकै दिन जन्मदिन परेकोमा बाबु र रागिनीलाई द नेपाल~रोमानियाको उत्तर-उत्तर प्रगतिको कामना सहित ह्याप्पी बर्थडे ।

सिनेमा हेर्न पूर्वराजाबादीको फोन

2011-11-25T03:40:00.000-08:00

रिलिज सिनेमा ‘देवयानी’लाई धेरैले चर्चित दरबार हत्याकाण्डसँग जोडेर हेरेका छन् । तत्कालिन युवराज दीपेन्द्रकी प्रेमिका देवयानीको नामै राखेर सिनेमा बनाइएकाले पनि मिडियामा यसको चर्चा रोकिएको छैन । जसै, शुक्रबार ‘देवयानी’ रिलिज भयो –निर्माता तथा निर्देशक विजय बस्नेतलाई फोन गरि पूर्वराजा र दरबार निकट व्यक्तिहरूले सिनेमा हेर्ने इच्छा दर्शाएका छन् ।

फोन गरेर फिल्म हेराउन आग्रह गर्ने पूर्वराजा निकट यस्ता आधादर्जन व्यक्तिहरू छन् जसको नामलाई बस्नेत तत्काल सार्वजनिक गर्न चाहँदैनन् । ‘विहिबार बेलुकाबाटै उहाँहरूले फोन गरेर मलाई कुन हलमा कति बजे फिल्म लाग्दैछ, हामीलाई पनि देखाउनुपर्‍यो भन्नुभएको छ’ फोन संवादबारे निर्देशक बस्नेतले मेरोसिनेमासँग भने, ‘सुरक्षासहित विभिन्न कारणले तत्कालै म खुलाउन चाहन्न ।’ सुटिङको बेलैदेखि उनीहरूले फिल्मबारे चासो राखेको विजयले बताए ।

देवयानीको भूमिकामा हिरोइन बिमला केसी छिन् जसको रुप र बानी देवयानीसँग मिल्दोजुल्दो छ । देवयानी राणा राप्रपा नेपालका अध्यक्ष पशुपतिशमशेर जबराकी छोरी हुन् । उनको भारतमा विहे भैसकेको छ । दीपेन्द्रसँगको उनको प्रेम सम्बन्धले दरबार हत्याकाण्ड भएको तत्कालिन सभामुख तारानाथ रानाभाटको प्रतिवेदनले खुलाएको थियो । क्यू च्यानलअन्तर्गत उपत्यकाका १६ हलबाट फिल्म रिलिज भएको छ । निखिल उप्रेती र दिलीप रायमाझी पनि खेलेका छन् ।